LESENI 04
Dirava Momokani be Daika?
Idaunega amo ema bona hari, taunimanima ese dirava idauidau idia tomadiho henia. To, Baibel ia gwau Dirava be tamona ia be “dirava ibounai ia hereaia.” (2 Sivarai 2:5) Ia be daika? Bona dahaka dainai Ia ese taunimanima idia tomadiho henia dirava ibounai ia hereaia? Inai leseni ai, Dirava momokani ia ura ia oi dibaia.
1. Dirava ena ladana be daika, bona edena dala ai do ita diba ia ura iena ladana ita dibaia?
Baibel ai, Dirava be sibona ena ladana ia gwauraia hedinarai. Ia gwau: “Lau be Iehova. Unai be egu ladana.” (Isaia 42:5, 8 duahia.) Heberu gado ai inai ladana “Iehova” ena anina be “Ia ese Ia Halaoa.” Iehova ia ura iena ladana ita diba. (Esodo 3:15) Edena dala ai? Baibel ai iena ladana be nega 7,000 mai kahana ia hedinarai! a Inai ladana Iehova be “Dirava momokanina guba bona tanobada ai” ia noho ena ladana.—Deuteronomi 4:39.
2. Baibel ese Iehova be edena bamona ia herevalaia?
Baibel ia gwau, taunimanima ese idia tomadiho henia diravadia amo Iehova sibona be Dirava momokani. Dahaka dainai? Ena badina be momo. Iehova ena siahu be bada herea bona ia sibona be ‘Ataiai Momokani Diravana, tanobada ibounai ia lohiaia noho.’ (Salamo 83:18 duahia.) Ia be “Siahu Ibounai Diravana,” anina be ia be mai ena siahu ia ura karaia gaudia ibounai ia karaia totona. Ia ese ‘gau ibounai ia havaraia’—iunives bona tanobada ai idia noho mauri gaudia ibounai danu. (Apokalupo 4:8, 11) Iehova be dirava ma haida bamona lasi, ia be idaunegai ia noho bona do ia noho ela bona hanaihanai.—Salamo 90:2.
DIBA MA HAIDA ABIA
Dirava ena dagi ladadia bona iena ladana korikori edia idau oi tahua. Bena edena dala ai bona dahaka dainai oi dekenai ena ladana ia gwauraia hedinarai ena badina do oi dibaia.
3. Dirava ena dagi ladadia be momo, to iena ladana be tamona
Ta ena dagi ladana bona iena ladana edia idau oi itaia totona, VIDIO itaia, bona henanadai herevalaia.
-
Dagi ladana hegeregere “Lohiabada,” bona ta ena ladana edia idau be dahaka?
Baibel ia gwau, taunimanima be dirava bona lohiabada momo idia tomadiho henia. Salamo 136:1-3 duahia, bena inai henanadai herevalaia:
-
Daika be “dirava ibounai ia hereaia Diravana” bona “lohiabada ibounai ia hereaia Lohiabadana”?
4. Iehova ia ura ena ladana oi diba bona oi gaukaralaia
Dahaka ese ia hahedinaraia Iehova ia ura ena ladana oi dibaia? VIDIO itaia, bona henanadai herevalaia.
-
Dahaka dainai oi laloa Iehova ia ura iena ladana ita dibaia?
Iehova ia ura taunimanima ese iena ladana idia gaukaralaia. Roma 10:13 duahia, bena inai henanadai herevalaia:
-
Dahaka dainai Dirava ena ladana, Iehova ita gaukaralaia be mai anina bada?
-
Ta ese emu ladana ia laloatao bona ia gaukaralaia neganai, emu hemami be edena bamona?
-
Iehova ena ladana oi gaukaralaia neganai, oi laloa iena hemami be edena bamona?
5. Iehova ia ura iena turana ai oi lao
Cambodia ai, hahine ta ladana Soten ia gwau, Dirava ena ladana ia diba dainai ia “moale bada.” VIDIO itaia, bona henanadai herevalaia.
-
Vidio ai edena dala ai Soten be Dirava ena ladana ia dibaia karana ese ia durua?
Ta ena turana ai oi do lau lasi neganai, iena ladana do oi dibaia guna. Iamesi 4:8a duahia, bena inai henanadai herevalaia:
-
Iehova ia ura dahaka oi karaia?
-
Edena dala ai Dirava ena ladana oi dibaia bona gaukaralaia karana ese oi ia durua iena turana ai oi lao?
HAIDA IDIA GWAU: “Dirava be tamona unai dainai, ia dekenai edena ladana ita gaukaralaia be gau badana lasi.”
-
Oi abia dae Dirava ena ladana be Iehova, a?
-
Dirava ia ura iena ladana ita gaukaralaia, edena bamona unai do oi herevalaia?
POINT BADANA
Dirava momokani tamona ena ladana be Iehova. Ia ura unai ladana ita diba bona ita gaukaralaia unai amo ia kahirakahira ita lao diba.
Riviu
-
Edena dala ai Iehova be taunimanima ese idia tomadiho henia dirava ma haida amo ia idau?
-
Dahaka dainai Dirava ena ladana ita gaukaralaia be namo?
-
Dahaka ese ia hahedinaraia Iehova ia ura ia kahirakahira oi lao?
REFERENS ITAIA
Dirava ia noho ena badina faiv oi itaia.
Dahaka dainai ita abia dae diba Dirava be hanaihanai ia noho?
Dirava ena ladana ita gaukaralaia ena badina oi dibaia be namo, ena be guna idia gwauraia dalana ita diba lasi.
Dirava ena ladana idauidau ita gaukaralaia be maoro, a? Do ita itaia dahaka dainai ita gwau diba ena ladana be tamona.
a Dirava ena ladana ena anina bona Dirava ena ladana idia kokia ena badina oi diba totona, Nega Matamata Trensleisen Ena Buka Helaga ena Apendiks A4 oi itaia.
Reana Inai Danu Oi Ura
Momo Edia Henanadai
Iehova Ena Witnes Taudia be Dahaka Baibel Stadi Kosi Idia Karaia?
Iehova Ena Witnes Taudia ese idia karaia Baibel stadi be davana lasi, bona oi ura henia Baibel oi gaukaralaia diba. Emu ruma bese eiava turadia oi boiria diba stadi lalonai idia helai totona.
