Ma ti biyál, an atiklábchik in kʼakʼnál yan i dioses. Pero an Biblia u kaw tin kwéntaj jun i Dios «axi más púlik, axi yab ejtíl axi más» (2 Crónicas 2:5). ¿Jitaʼ játs axéʼ xi Dios ani jaleʼ ti yab junat kʼal axi kʼeʼat? Al axéʼ xi ajumtaláb neʼets ka exóbnaʼ abal a Dios in léʼ abal tatáʼ ka exlaʼ.

1. ¿Jantʼiniʼ in bij a Dios ani jaleʼ i exlál abal Jajáʼ in léʼ abal ki éxlanchij in bij?

Ban Biblia, a Dios in olnál jantʼiniʼ in bij Jajáʼ. In ulal: «Nanáʼ pel in Jehová, antsanáʼ u bij» (ka ajiy Isaías 42:​5, 8). An bijláb Jehová káldhach ti hebreo, yan i atikláb axi exoblamadh in ulal abal axéʼ xi bijláb in léʼ kin uluw abal Jajáʼ «neʼets kin tʼajaʼ jawaʼ kin yéjenchij abal kin putuw in tsalápil». A Jehová in léʼ abal ka éxlanchat in bij (Éxodo 3:​15). Jaxtám in tʼajaʼ abal ka jílkʼon dhuchadh ti Biblia watʼadh 7.000 veces. a Tam, a Dios in bij Jehová ani «tin puwél an tsabál ani an kʼaylál expidh Jajáʼ in tomnál ka kʼakʼnáj» (Deuteronomio 4:​39).

2. ¿Jantʼoj in ulal an Biblia tin kwéntaj a Jehová?

Bélits abal an atiklábchik in kʼakʼnál yan jantʼoj, an Biblia tu ólchal abal expidh a Jehová játs an Dios axi chubax. ¿Jaleʼ in ulal an Biblia abal Jajáʼ játs an Dios axi chubax? Kom «Jajáʼ játs an Púlik» (ka ajiy Salmo 83:​18). Jajáʼ játs axi «más tsapik» ani in éjtowal kin tʼajaʼ patal jawaʼ kin léʼnaʼ. Jayej, Jajáʼ játs an tsʼejkom. In «tsʼejkámal patal» jawaʼ waʼats tejéʼ ban tsabál ani ti kʼaylál (Apocalipsis 4:​8, 11). A Jehová etsʼey kʼwájinek ani yab jaykʼiʼ neʼets ka taley (Salmo 90:2).

 4. A Jehová in léʼ abal ka éxlanchij in bij ani ka eyendhaʼ

5. A Jehová in léʼ abal kit utey kʼal Jajáʼ

 JAWAʼ I EXOBNÁMAL

In bij an júnkats i Dios axi chubax pel Jehová. Jajáʼ in léʼ abal ki éxlanchij in bij ani ki eyendhaʼ abal antsanáʼ ki ejtow ku utey kʼal Jajáʼ.

Ki tʼilaʼ jawaʼ i exóbnaʼ

• ¿Jaleʼ ti a Jehová yab junat kʼal patal axi más an dioses?

• ¿Jaleʼ in tomnál ki éyendhanchij in bij a Jehová?

• ¿Jaleʼ a exlál abal a Jehová in léʼ abal tatáʼ ka jaʼúbnaʼ?