PELAJAR 04
Sapa Petara?
Ari kelia, orang nyembah mayuh petara. Tang Bup Kudus madahka seiku Petara ti “besai agi kuasa ari petara bukai.” (2 Bansa Israel 2:5) Sapa Iya? Nama kebuah Iya besai agi kuasa ari petara bukai? Ba pelajar tu, nuan deka belajar pasal Petara ti besai kuasa tu.
1. Sapa nama Petara, lalu nama kebuah kitai andal Iya deka kitai nemu pasal nama Iya?
Ba Bup Kudus, Petara madahka nama Iya ngagai kitai. Ku iya, “Petara lalu bejaku ngagai Moses, ku Iya, ‘Aku tu Jehovah.’” (Bacha Pemansut 6:2, 3 ari nota kaki.) a Nama “Jehovah” disalin ari jaku Hebrew lalu reti nama nya “Iya ti Ngasuh Nyadi.” Nama Petara bisi disebut lebih ari 7,000 kali dalam Bup Kudus! b Endaka tu nunjukka Iya deka kitai nemu nama Iya? (Pemansut 3:15) Nama Jehovah enggi ‘Petara ti di serega enggau di dunya.’—Ulang Adat 4:39.
2. Nama dipadah Bup Kudus pasal Jehovah?
Bup Kudus madah, Jehovah nya seiku aja Petara ti bendar. Nama kebuah? Bisi beberapa kebuah. Jehovah nya seiku aja ti “Pemadu Tinggi ke serata dunya.” Reti iya, Jehovah bisi penuduk ti pemadu tinggi. (Bacha Masmur 83:18.) Iya mega ‘Petara ti Pemadu Bekuasa’ laban Iya ulih ngereja semua utai. Iya “ngaga semua utai” nyengkaum dunya raya enggau utai ba dunya. (Pemandang 4:8, 11) Semina Jehovah aja meruan belama iya. Lalu Iya nadai pun sereta nadai ujung.—Masmur 90:2.
BELAJAR MAYUH AGI
Peratika bida entara gelar Petara enggau nama Iya Empu. Lalu, peratika nama kebuah sereta baka ni Iya madahka nama Diri ngagai nuan.
3. Petara bisi mayuh gelar tang siti aja nama
Kena nemu bida entara gelar enggau nama seseiku orang, mainka VIDEO, lalu kerandauka tanya tu.
-
Nama bida entara gelar baka “Tuan” enggau nama seseiku orang?
Bup Kudus madah, orang nyembah mayuh petara. Bacha Ulang Adat 10:17, lalu kerandauka tanya tu:
-
Sapa ‘Petara ari atas semua petara’?
4. Jehovah deka kitai nemu sereta ngena nama Iya
Nama utai ke nunjukka Jehovah deka nuan nemu nama Iya? Mainka VIDEO, lalu kerandauka tanya tu.
-
Ba runding nuan, kati Jehovah deka kitai nemu nama Iya? Nama kebuah?
Jehovah deka kitai ngena nama Iya. Bacha Rome 10:13, lalu kerandauka tanya tu:
-
Nama kebuah nya beguna kitai ngena nama Petara, Jehovah?
-
Nama asai ati nuan lebuh seseiku orang ingat sereta ngena nama nuan?
-
Ba runding nuan, nama asai ati Jehovah lebuh nuan ngena nama Iya?
5. Jehovah deka nuan nyadi pangan Iya
Seiku indu ari Kemboja ke benama Soten berasai amat gaga ati pengudah belajar pasal nama Petara. Mainka VIDEO, lalu kerandauka tanya tu.
-
Baka ni pengidup Soten berubah pengudah iya belajar pasal nama Jehovah?
Kesuah iya, nuan patut nemu nama seseiku orang sebedau nyadi kaban iya. Bacha James 4:8a, lalu kerandauka tanya tu:
-
Jehovah dekaka nuan ngereja nama?
-
Baka ni nuan ulih semak ngagai Petara enti nuan nemu sereta ngena nama Iya?
BISI ORANG MADAH: “Petara seiku aja. Nyadi, nadai ngawa meh chara kitai ngangauka iya.”
-
Kati nuan pechaya nama Petara nya Jehovah?
-
Baka ni nuan deka nerang pasal Jehovah ke dekaka kitai ngena nama Iya?
LANSA
Jehovah nya nama Petara ti bendar. Iya deka kitai nemu sereta ngena nama Iya ngambika ulih semak ngagai Iya.
Ulang Kaji
-
Nama kebuah Jehovah enda sebaka enggau petara bukai?
-
Nama kebuah nuan patut ngena nama Petara?
-
Nama utai ti nunjukka Jehovah deka nuan semak ngagai Iya?
ARAM BELAJAR
Peresa lima iti kebuah ti nunjukka Petara amat bisi.
Peratika kebuah ke ngasuh kitai ulih pechaya Jehovah nya seruran bisi.
Belajar kebuah kitai patut ngena nama Petara, taja pan chara asal nyebut nama Iya enda ditemu.
Kati chara kitai ngangauka Petara nya beguna? Peda meh kebuah ti nunjukka Petara semina bisi siti aja nama.
“Berapa Iti Nama ke Dikembuan Petara?” (Artikel ba laman web jw.org)
a Pemansut 6:2, 3, NWT: “Petara lalu bejaku ngagai Moses, ku Iya, ‘Aku tu Jehovah. 3 Aku, Petara ti Pemadu Bekuasa udah pegari di mua Abraham, ngagai Isak, tang Aku enda ngasuh Diri ditemu sida ngena nama Aku ti kudus, iya nya Jehovah.’”
Nuan Engka Rindu Meda Tu
UTAI KE SUAH DITANYA
Nama Reti Kursus Belajarka Bup Kudus ke Diatur Saksi-Saksi Jehovah?
Nengah kursus ke pechuma ti diatur Saksi-Saksi Jehovah, nuan ulih ngena sebarang salin Bup Kudus ke dikembuan nuan. Nuan mega diperansang mai semua diri sebilik sereta bala kaban nuan sama enggau kursus tu.
