Nabayagen nga agdaydayaw dagiti tattao iti nagduduma a dios. Ngem ibaga ti Biblia nga adda Dios a ‘nadaydayag ngem iti amin a dadduma pay a dios.’ (2 Cronicas 2:5) Asino dayta? Ken apay a nadaydayag wenno nangatngato ngem iti amin a dadduma pay a dios a daydayawen dagiti tattao? Iti daytoy a leksion, kitaem no kasano nga iyam-ammo daytoy a Dios ti bagina kenka.

1. Ania ti nagan ti Dios, ken kasanotayo a masigurado a kayatna a maammuantayo ti naganna?

Iti Biblia, iyam-ammo ti Dios ti bagina kadatayo. Kunana: “Siak ni Jehova. Dayta ti naganko.” (Basaen ti Isaias 42:5, 8.) “Jehova” ti patarus ti maysa a Hebreo a nagan a ti kaipapananna ket “Pagbalinenna.” Kayat ni Jehova a maammuantayo ti naganna. (Exodo 3:15) Kasanotayo a masigurado dayta? Impaisuratna ti naganna iti Biblia iti nasurok a 7,000 a daras! a Ti nagan a Jehova ket para laeng iti “pudno a Dios iti langit ken iti daga.”​—Deuteronomio 4:39.

2. Ania ti ibaga ti Biblia maipapan ken Jehova?

Ibaga ti Biblia nga iti amin a dios a daydayawen dagiti tattao, ni Jehova laeng ti pudno a Dios. Apay? Adda dagiti rason. Ni Jehova ti addaan iti kadakkelan nga autoridad ken isuna laeng ti “Kangatuan iti intero a daga.” (Basaen ti Salmo 83:18.) Isu ti “Mannakabalin-amin,” ta adda pannakabalinna a mangaramid iti aniaman a kayatna nga aramiden. ‘Pinarsuana ti amin a banag’​—ti uniberso ken ti amin a biag ditoy daga. (Apocalipsis 4:8, 11) Ni laeng Jehova ti datin nga adda sipud pay idi, ken addanto iti agnanayon.​—Salmo 90:2.

 4. Kayat ni Jehova a maammuam ken usarem ti naganna

5. Kayat ni Jehova nga agbalinka a gayyemna

 SUMARIO

Jehova ti nagan ti maymaysa a pudno a Dios. Kayatna a maammuantayo ken usarentayo ti naganna tapno agbalintayo a gayyemna.

Rebiu

• Apay a naiduma ni Jehova iti amin a sabali a dios a daydayawen dagiti tattao?

• Apay a masapul nga usarentayo ti nagan ti Dios?

• Kasanom nga ammo a kayat ni Jehova ti makigayyem kenka?