TIMEƔRI TIS 04

Anwa i d Ṛebbi?

SEL S

Anwa i d Ṛebbi?

Si zik, imdanen ţţeɛbaden aṭas n iṛebbiten. Meɛna Adlis Iqedsen ihdeṛ-ed ɣef yiwen n Ṛebbi ‘yugaren iṛebbiten meṛṛa’ (2 Amezruy 2:4). Menhu-t? Acuɣer i gugar iṛebbiten meṛṛa i ţţeɛbaden lɣaci? Di tmeɣri-yagi, aţ-ţeẓreḍ amek i d-yehdeṛ Ṛebbi ɣef yiman-is deg Wedlis Iqedsen.

1. Anwa i d isem n Ṛebbi yerna amek i neẓra belli yebɣa a nissin isem-is?

Ṛebbi yenna-d ɣef yiman-is deg Wedlis Iqedsen: “Nekk d Yahwa. D wagi i d isem-iw” (Icɛaya 42:5, 8, Traduction du monde nouveau, TMN) a. Isem-agi “Yahwa” d ṭrejma n yiwen umeslay n tɛibṛanit. Akken i d-iban, lmeɛna-s, d “Win yesseḍrayen”. Yahwa yebɣa a nissin isem-is (Tuffɣa 3:15). Amek i neẓra? Yexdem ayen ilaqen akken ad yeţwakteb yisem-is deg Wedlis Iqedsen azal n 7 000 tikkal! b D neţţa kan i gesɛan isem-agi, “ama usawen deg igenwan ama ukwessar di lqaɛa” (Asmekti 4:39).

2. D acu i ɣ-yesselmad Wedlis Iqedsen ɣef Yahwa?

Imdanen ţţeɛbaden aṭas n iṛebbiten, meɛna Adlis Iqedsen yenna-d belli d Yahwa kan i d Ṛebbi n ṣṣeḥ. Acuɣer? Aṭas n ssebbat i gellan. Yahwa d Lḥakem yugaren akk wiyaḍ, yerna d neţţa kan i “d Win Ɛlayen ɣef ddunit meṛṛa” (ɣer-ed Ahellil 83:19). Yahwa d “Anezmar”, lmeɛna-s yesɛa tazmert ad ixdem ayen akk i gebɣa. ‘Ixleq-ed mkul lḥaǧa’, igenwan akk-d lqaɛa d wayen akk yeţţidiren fell-as (Aweḥḥi 4:8, 11). Siwa Yahwa i gellan si tazwara, yerna ad yili i dayem (Ahellil 90:2).

A NNADI A NEFHEM AKTEṚ

A nwali lxilaf yellan ger yisem n Ṛebbi akk-d imeslayen nniḍen i t-id-iţweṣṣifen. A nwali daɣen amek i ɣ-d-ibeggen isem-is, yerna acuɣer i ɣ-t-id-ibeggen.

3. Aṭas n imeslayen i d-yeţweṣṣifen Ṛebbi, acu kan ḥaca yiwen n yisem i gesɛa

Yella lxilaf ger m’ara s-nessawal i walbeɛḍ s yisem-is akk-d m’ara t-id-neţţader s imeslayen nniḍen? Walit BIDYU-YAGI, mbeɛd hedṛet ɣef westeqsi-yagi:

BIDYU: Aṭas n imeslayen i t-id-iţweṣṣifen meɛna ḥaca yiwen n yisem i gesɛa (0:41)

Acu n lxilaf yellan ger imeslayen i d-yeţweṣṣifen Ṛebbi, am “Ssid”, akk-d yisem-is?

Yenna-d Wedlis Iqedsen belli lɛibad ţţeɛbaden aṭas n iṛebbiten akk-d ssyadi. Ɣret-ed Ahellil 136:1-3, mbeɛd hedṛet ɣef westeqsi-yagi:

Menhu i d “Illu n yilluyen” akk-d “Ssid n ssyadi”?

4. Yahwa yebɣa aţ-ţissineḍ isem-is yerna a t-tessexdameḍ

D acu i d-yeţbegginen belli Yahwa yebɣa aţ-ţissineḍ isem-is? Walit BIDYU-YAGI, mbeɛd hedṛet ɣef yesteqsiyen-agi:

BIDYU: Ṛebbi yesɛa isem? (aḥric) (3:11)

D acu i teţxemmimeḍ, Yahwa yebɣa a nissin isem-is? Acuɣer?

Yahwa yebɣa ad issinen lɛibad isem-is. Adlis Iqedsen inna-d belli “Kra n win ara d-ibedren isem n Yahwa, ad iţţusellek” (Iṛumaniyen 10:13, TMN). Hedṛet ɣef yesteqsiyen-agi:

Ayɣer i gesɛa azal a nessexdam isem n Ṛebbi, Yahwa?
D acu ara tḥusseḍ m’ara d-yeţmektay walbeɛḍ isem-ik yerna a k-d-yessawal yis?
D acu i geţḥussu Yahwa m’ara tessexdameḍ isem-is?

5. Yahwa yebɣa aţ-ţiliḍ d aḥbib-is

Soten, yiwet n tmeṭṭut i d-yekkan si tmurt n Kambuǧ, tehdeṛ-ed ɣef lfeṛḥ i tefṛeḥ asmi i tessen isem n Ṛebbi. Walit BIDYU-YAGI, mbeɛd hedṛet ɣef westeqsi-yagi:

BIDYU: Nudaɣ ɣef Ṛebbi n ṣṣeḥ (8:18)

Di bidyu-yagi, d acu i tḥuss Soten asmi i tessen isem n Ṛebbi?

Bac a neqqel d aḥbib n walbeɛḍ, ilaq a nissin qbel isem-is. Ɣret-ed Yeɛqub 4:8a, mbeɛd hedṛet ɣef yesteqsiyen-agi:

D acu i k-d-iḍleb Yahwa a t-txedmeḍ?
Ayɣer i tzemreḍ aţ-ţuɣaleḍ d aḥbib n Ṛebbi m’ara tissineḍ isem-is yerna tessexdameḍ-t?

KRA QQAREN: “Yak yiwen Uxellaq kan i gellan; ihi ma nsemma-yas Ṛebbi neɣ Illu neɣ akken nniḍen, ulac fell-as.”

I kečč, tumneḍ belli d Yahwa i d isem n Ṛebbi?
Amek ara tqennɛeḍ albeɛḍ belli Ṛebbi yebɣa a nessexdam isem-is?

AYEN I D-NELMED

Yahwa d isem n Ṛebbi n ṣṣeḥ. Yebɣa a nissin isem-is yerna a t-nessexdam akken a nuɣal d iḥbiben-is.

A d-nesmekti

Acuɣer i gxulef Yahwa ɣef iṛebbiten meṛṛa i ţţeɛbaden lɣaci?
Ayɣer i glaq a nessexdam isem n Ṛebbi?
D acu i d-yesskanayen belli Yahwa ibɣa aţ-ţiliḍ d aḥbib-is?

Fukkeɣ timeɣri-yagi ass n:

Lmeqsud-iw

M’ara heddṛeɣ ɣef Ṛebbi, ad ssexdameɣ isem-is: Yahwa.

Lmeqsud nniḍen:

Your other goal

TZEMREḌ AŢ-ŢWALIḌ DAƔEN

Wali xemsa n leḥwayeǧ i d-iţţaken ţţbut belli yella Ṛebbi.

“Ṛebbi yella s ṣṣeḥ?” (di jw.org)

Wali acuɣer i nezmer a d-nini belli Ṛebbi yella si zik.

Qui a fait Dieu ? (La Tour de Garde, 1^er août 2014)

Wali acuɣer i glaq a nessexdam isem n Ṛebbi xas ma yella ur neẓri ara amek i geţwanṭaq di tazwara.

“Anwa i d Yahwa?” (di jw.org)

Yesɛa azal yisem swayes i d-neţţader Ṛebbi? Wali acuɣer i nezmer a d-nini belli ala yiwen n yisem i gesɛa.

“Acḥal n yismawen i gesɛa Ṛebbi?” (di jw.org)

a Deg Wedlis Iqedsen s teqbaylit, yeţwabder-ed yisem n Ṛebbi “Yahwa” di Tuffɣa 17:15.

b Akken aţ-ţissineḍ akteṛ ɣef lmeɛna n yisem n Ṛebbi akk-d ssebbat iɣef i kksen isem-agi kra n ṭrejmanat seg Wedlis Iqedsen, wali aḥric 1 n treẓẓit Amsaɛef i usenqed n Wawal n Ṛebbi.