TƆM KƖKPƐLƖKƖTƲ 04
Anɩ Ɛsɔ kɛnaa?
Kpaɣnɩ ɖooo caanaʋ taa nɛ pɩtalɩ sɔnɔ, ɛyaa sɛɣ ɛsɔnaa ndɩ ndɩ. Ɛyaa nabɛyɛ maɣzɩɣ se ɛsɔnaa nabɛyɛ kɛ halɩñɩma nɛ lalaa ñɛkɛ abalɩñɩma. Ɛlɛ Bibl ñɔyɔɔdʋʋ Ɛsɔ nɔɔyʋ tɔm, Ɛsɔ ɛnʋ ɛpaɣlaa nɛ «ɛkpaɖɩ ɛsɔnaa lalaa tɩŋa.» (2 Kroniiki 2:5) Anɩ Ɛsɔ ɛnʋ ɛkɛnaa? Nɛ ɛbɛ yɔɔ ɛkpaɖɩ ɛsɔnaa lalaa mba payɩ ɛyaa sɛɣ yɔ? Tɔm kɩkpɛlɩkɩtʋ tʋnɛ tɩ-taa, ɖɩkaɣ naʋ mbʋ Ɛsɔ sɔɔlaa se ŋtɩlɩ ɛ-yɔɔ yɔ.
1. Payaɣ Ɛsɔ suwe, nɛ ɛbɛ yɔɔ ɖa-taa pɩzɩɣ nɛ pɩtɛ se ɛsɔɔlaa se ɖɩtɩlɩ-ɩ?
Ɛsɔ heyiɣ-ɖʋ weyi ɛkɛnaa yɔ Bibl taa. Ɛyɔɔdaa se: «Ma lɛ Yehowa. Ma-hɩɖɛ lɛ.» (Kalɩ Izaayii 42:5, 8.) Ebree kʋnʋŋ taa lɛ, hɩɖɛ nɖɩ pɛɖɛzaa se Yehowa yɔ, pɩtʋʋ fɛyɩ se ɖɩ-tɔbʋʋ lɛ se «eyeki nɛ pɩlakɩ.» Yehowa sɔɔlaa se ɖɩtɩlɩ ɛ-hɩɖɛ. (Ejipiti Lɩʋ 3:15) Ɛbɛ yɔɔ ɖa-taa tɛmnɩ tɔm ndʋ? Eyeba nɛ pama ɛ-hɩɖɛ Bibl taa nɛ pɩcɛzɩ tam 7000. a Ɛsɔ weyi ɛkɛ «Ɛsɔ toovenim tʋ ɛsɔdaa nɛ tataa» yɔ, e-ɖeke payaɣ se Yehowa.—Wayɩ Wayɩ Paɣtʋ 4:39.
2. Tɔm ndʋ Bibl wɩlɩɣ Yehowa yɔɔ?
Bibl yɔɔdʋʋ se ɛsɔnaa mba payɩ ɛyaa sɛɣ yɔ pa-taa lɛ, Yehowa ɖeke kɛnɩ Ɛsɔ toovenim tʋ. Ɛbɛ yɔɔ? Lɩmaɣza sakɩyɛ yɔɔ. Yehowa kɛnɩ ñʋʋdʋ weyi ɛkpaɖaa yɔ nɛ e-ɖeke ɛkɛnɩ «Kɩlɩm tɛtʋ kpeekpe yɔɔ.» (Kalɩ Keɣa 83:18.) Ɛnʋ kɛnɩ «Ðoŋ Tɩŋa Tʋ», pʋ-tɔbʋʋ lɛ se ɛwɛnɩ ɖoŋ se ɛla mbʋ payɩ ɛsɔɔlaa yɔ. Ɛnʋ «[lɩzɩnɩ] pɩtɩŋa payɩ»—kedeŋa nɛ mbʋ payɩ pɩwɛ wezuu tɛtʋ yɔɔ yɔ. (Natʋ 4:8, 11) Yehowa ɖeke wɛnɩ paa ɛzɩmtaa nɛ ɛkaɣ wɛʋ tam.—Keɣa 90:2.
TAZƖ NƐ PILIMI
Tazɩ nɛ ŋna tʋkaɣ ŋga kɛwɛ Ɛsɔ hɩla kɩsɛsɛna nɛ ɛ-hɩɖɛ maɣmaɣ pɛ-hɛkʋ taa yɔ. Nɛ pʋwayɩ lɛ, ŋna ɛzɩma nɛ mbʋ pʋyɔɔ eyeba se ŋtɩlɩ ɛ-hɩɖɛ yɔ.
3. Ɛsɔ wɛnɩ hɩla kɩsɛsɛna sakɩyɛ, ɛlɛ hɩɖɛ kʋɖʋmɖɩyɛ ɛwɛna
Tʋkaɣ ŋga wɛ ɛyʋ nɔɔyʋ hɩɖɛ kɩsɛsɛyɛ nɛ ɛ-hɩɖɛ maɣmaɣ pɛ-hɛkʋ taa? Ɩcɔnɩ VIDEO, nɛ pʋwayɩ lɛ ɩtazɩ tɔm tʋnɛ tɩ-taa.
-
Tʋkaɣ ŋga wɛ Ɛsɔ hɩla kɩsɛsɛna, nɛ ɛ-hɩɖɛ maɣmaɣ pɛ-hɛkʋ taa?
Bibl yɔɔdʋʋ se ɛyaa sɛɣ ɛsɔnaa sakɩyɛ nɛ kɩbaɣlaa sakɩyɛ. Ɩkalɩ Keɣa 136:1-3, nɛ pʋwayɩ lɛ ɩtazɩ tɔm tʋnɛ tɩ-taa:
-
Akɛ «ɛsɔnaa taa Ɛsɔ» nɛ «kɩbaɣlaa taa Kɩbaɣlʋ»?
4. Yehowa sɔɔlaa se ŋtɩlɩ ɛ-hɩɖɛ nɛ ŋlabɩnɩ-ɖɩ tʋmɩyɛ
Ɛbɛ wɩlɩɣ se Yehowa sɔɔlaa se ŋtɩlɩ ɛ-hɩɖɛ? Ɩcɔnɩ VIDEO, nɛ pʋwayɩ lɛ ɩtazɩ tɔm tʋnɛ tɩ-taa.
-
Ŋmaɣzɩɣ se Yehowa sɔɔlaa se patɩlɩ ɛ-hɩɖɛ na? Ɛbɛ yɔɔ?
Yehowa sɔɔlaa se patɩlɩ ɛ-hɩɖɛ. Ɩkalɩ Roma mba 10:13, nɛ pʋwayɩ lɛ ɩtazɩ tɔm tʋnɛ tɩ-taa:
-
Ɛbɛ yɔɔ pɩcɛyaa se palabɩnɩ Ɛsɔ hɩɖɛ Yehowa tʋmɩyɛ?
-
Alɩwaatʋ ndʋ nɔɔyʋ tɔzʋʋ ña-hɩɖɛ yɔɔ nɛ ɛlakɩnɩ-ɖɩ tʋmɩyɛ yɔ, ɛzɩma pɩlakɩ-ŋ?
-
Ŋmaɣzɩɣ se ɛzɩma pɩlakɩ Yehowa alɩwaatʋ ndʋ ŋlakɩnɩ ɛ-hɩɖɛ tʋmɩyɛ yɔ?
5. Yehowa sɔɔlaa se ŋkɛ ɛ-taabalʋ
Payaɣ Kambɔɔjɩ ɛjaɖɛ taa halʋ nɔɔyʋ se Soten. Ɛyɔɔdaa se ɛtɩlɩ Ɛsɔ hɩɖɛ nɛ ɛnɩɩ leleŋ weyi yɔ, ɩ-wayɩ fɛyɩ. Ɩcɔnɩ VIDEO, nɛ pʋwayɩ lɛ ɩtazɩ tɔm tʋnɛ tɩ-taa.
-
Ɛzɩ pɔyɔɔdʋʋ video taa yɔ, Soten tɩlɩ Ɛsɔ hɩɖɛ lɛ, ɛzɩma pɩlabɩ-ɩ?
Pʋcɔ nɛ ŋpɩsɩ nɔɔyʋ taabalʋ lɛ, ɖoŋ ɖoŋ lɛ, ŋcalɩɣnɩ tɩlʋʋ ɛyʋ ɛnʋ ɛ-hɩɖɛ. Ɩkalɩ Yakubu 4:8a, nɛ pʋwayɩ lɛ ɩtazɩ tɔm tʋnɛ tɩ-taa:
-
Ɛbɛ Yehowa seɣti-ŋ se ŋla?
-
Ye ŋtɩlɩ Ɛsɔ hɩɖɛ nɛ ŋlakɩnɩ-ɖɩ tʋmɩyɛ yɔ, ɛzɩma pɩsɩɣnɩ-ŋ se ŋñɔtɩnɩ-ɩ nɛ pɩkpaɖɩ?
NABƐYƐ YƆƆDƲƲ SE: «Ɛsɔ kʋɖʋm ɖeke wɛna nɛ pʋyɔɔ lɛ, ɛzɩma payaɣ-ɩ yɔ, pɩ-tɔm tɩcɛyɩ.»
-
Ŋtisiɣ se Ɛsɔ hɩɖɛ lɛ Yehowa?
-
Ɛzɩma ŋpɩzɩɣ nɛ ŋsɩnɩ nɔɔyʋ nɛ ɛna se Ɛsɔ sɔɔlaa se ɖɩlabɩnɩ ɛ-hɩɖɛ tʋmɩyɛ?
TOBI LƐ
Ɛsɔ toovenim tʋ kʋɖʋm koŋ wɛna. Payaɣ-ɩ se Yehowa. Ɛsɔɔlaa se ɖɩtɩlɩ ɛ-hɩɖɛ, ɖɩlabɩnɩ-ɖɩ tʋmɩyɛ nɛ ɖɩñɔtɩnɩ-ɩ.
Tɔm taa tazʋʋ
-
Ɛbɛ yɔɔ pɔtɔŋ se Yehowa wɛ ndɩ nɛ ɛsɔnaa lalaa mba payɩ ɛyaa sɛɣ yɔ?
-
Ɛbɛ yɔɔ pɩwɛɛ se ɖɩlabɩnɩ Ɛsɔ hɩɖɛ tʋmɩyɛ?
-
Ɛbɛ wɩlɩɣ se Yehowa sɔɔlaa se ŋñɔtɩnɩ-ɩ?
WONDU LƐƐTƲ
Tazɩ lɩmaɣza kagbanzɩ wena ayeki se ña-taa ɛtɛ se Ɛsɔ wɛɛ yɔ a-taa.
Kalɩ nɛ ŋna mbʋ pʋyɔɔ pɩmʋnaa se ɖitisi se Ɛsɔ wɛɛ yɔ.
Kalɩ nɛ ŋna mbʋ pʋyɔɔ pɩmʋnaa se ɖɩlabɩnɩ Ɛsɔ hɩɖɛ tʋmɩyɛ paa ɖɩɩsɩŋ ɛzɩma payaɣaɣ-ɖɩ kiɖe tɛɛ yɔ.
Hɩɖɛ nɖɩ payaɣnɩ Ɛsɔ yɔ ɖɩ-tɔm cɛyaa? Kalɩ nɛ ŋna mbʋ pʋyɔɔ ɖɩpɩzɩɣ nɛ ɖɩyɔɔdɩ se hɩɖɛ kʋɖʋmɖɩyɛ ɖeke ɛwɛna yɔ.
a Ye ŋsɔɔlaa se ŋtɩlɩ nɛ pɩkpaɖɩ pɩlɩɩnɩ Ɛsɔ hɩɖɛ tɔbʋʋ nɛ mbʋ pʋyɔɔ Bibl ɖɛzɩyaa nabɛyɛ tɩlabɩnɩ-ɖɩ tʋmɩyɛ yɔ pɩ-yɔɔ yɔ, kalɩ tɔm kɩsɔzɩtʋ A4, tɩwɛ Bibl—Ɛjaɖɛ kɩfaɖɛ tɔm ɖɛzʋʋ taa.
Kalɩ ɖɔɖɔ....
TƆM NDƲ ƐYAA PƆZƲƲ ÐOŊ ÐOŊ ÐƆ-YƆƆ YƆ
Ɛbɛ Bibl kpɛlɩkʋʋ kɛnaa?
Ŋpɩzɩɣ ŋlabɩnɩ tʋmɩyɛ paa Bibl ŋgʋ alɩwaatʋ ndʋ ña nɛ Yehowa Aseɣɖe Tɩnaa ɩkpɛlɩkɩɣ Bibl yɔ. Ŋpɩzɩɣ ŋyaa ñɔ-hɔʋ taa mba tɩŋa yaa ña-taabalaa mba ŋsɔɔlaa yɔ se pɔkɔɔ nɛ ña nɛ wɛ ɩkpɛlɩkɩ Bibl.
