LISON 04
Ken ki é Deus?
Désdi ki algen ben mundu, es sta ta adora txeu deus. Má, Bíblia ta pâpia di un Deus ki ‘é más grandi di ki tudu kes otu deus.’ (2 Crónicas 2:5) El é kenha? I kuzê ki ta pô-l ser más grandi ki tudu kes otu deus ki pesoas ta adora? Na kel lison li, nu sta ben prende kuzê ki kel Deus li krê pa bu sabe sobri el.
1. Kal ki é nómi di Deus, i kuzê ki ta mostra ma el krê pa nu konxe se nómi?
Deus ta uza Bíblia pa djuda-nu konxe-l. El ta fla: ‘Ami é Jeová. Kel-li é nha nómi’. (Lé Isaías 42:5, 8.) “Jeová” é traduson di un nómi ebraiku ki txeu studiozu ta fla ma siginifika “El ta faze kontise”. Jeová krê pa nu konxe se nómi. (Êxodo 3:15) Modi ki nu pode ten sertéza di kel-li? Na Bíblia nu ta atxa se nómi más di 7 mil bês! a ‘Kel Deus verdaderu la di riba na Séu i li dibaxu na Téra’, se nómi é Jeová. — Deuteronómio 4:39.
2. Kuzê ki Bíblia ta fla sobri Jeová?
Bíblia ta fla ma na meiu di tudu kes deus ki pesoas ta adora, é sô Jeová ki é Deus verdaderu. Pamodi? Ten alguns motivu. Jeová é kel ki ten más autoridadi, pur isu é sô el ki é ‘kel Más Grandi riba Téra interu.’ (Lé Salmo 83:18.) El é ‘Tudu-Poderozu’, i kel-li krê fla ma el ten puder pa faze kuzê ki el krê. El ‘kria tudu kuza’, el kria séu i tudu kuza bibu ki ten na Téra. (Apocalipse 4:8, 11) É sô Jeová ki sénpri izisti, i el ta kontinua ta izisti pa tudu ténpu. — Salmo 90:2.
SABE MÁS
Odja diferénsa entri kes titlu ki Deus ten i se nómi ki é spesial. Dipôs odja modi ki Deus mostra-u se nómi i pamodi ki el faze kel-li.
3. Deus ten txeu titlu, má el ten sô un nómi
Pa bu sabe diferénsa entri titlu ki un algen ten i se nómi, odja VÍDIU, i dipôs pâpia sobri kel pergunta li:
-
Kal ki é diferénsa entri un titlu, sima “Sinhor”, i un nómi?
Bíblia ta fla ma pesoas ta adora txeu deus i sinhoris. Lé Salmo 136:1-3, i dipôs pâpia sobri kel pergunta li:
-
Ken ki é ‘Deus di deuzis’ i ‘Sinhor di sinhoris’?
4. Jeová krê pa bu konxe i pa bu uza se nómi
Kuzê ki ta mostra ma Jeová krê pa bu konxe se nómi? Odja VÍDIU, i dipôs pâpia sobri kes pergunta li:
-
Bu ta atxa ma Jeová krê pa se nómi ser konxedu? Pamodi?
Jeová krê pa pesoas uza se nómi. Lé Romanos 10:13, i dipôs pâpia sobri kes pergunta li:
-
Pamodi ki é inportanti uza nómi di Deus, Jeová?
-
Modi ki bu ta xinti óras ki un algen ta lenbra i el ta txoma-u pa bu nómi?
-
Modi ki bu ta atxa ma Jeová ta xinti óras ki bu ta uza se nómi?
5. Jeová krê pa bu ser se amigu
Un mudjer di Kanbodja, ki txoma Soten, fla ma prende sobri nómi di Deus djuda-l xinti un alegria ki “nunka el ka xintiba antis”. Odja VÍDIU, i dipôs pâpia sobri kel pergunta li:
-
Na vídiu, modi ki prende nómi di Deus muda vida di Soten?
Antis di bu bira amigu di un algen, normalmenti bu ta prende se nómi. Lé Tiago 4:8a, i dipôs pâpia sobri kes pergunta li:
-
Kuzê ki Jeová ta konvida-u pa bu faze?
-
Modi ki konxe i uza nómi di Deus pode djuda-u xinti más se amigu?
ALGUNS ALGEN TA FLA: “Ten sô un Deus, pur isu ka ta nporta modi ki bu ta txoma-l.”
-
Bu ta kridita ma Jeová é nómi di Deus?
-
Modi ki bu ta splikaba ma Deus krê pa nu uza se nómi?
REZUMU
Jeová é nómi di kel úniku Deus verdaderu. El krê pa nu konxe i pa nu uza se nómi, asi pa nu pode bira se amigu.
Perguntas di rezumu
-
Pamodi ki Jeová é diferenti di tudu kes otu deus ki pesoas ta adora?
-
Pamodi ki nu debe uza nómi di Deus?
-
Kuzê ki ta mostra ma Jeová krê pa bu ser se amigu?
DJOBE MÁS
Odja sinku kuza ki ta da-nu sertéza ma Deus ta izisti.
Odja pamodi ki nu pode kridita ma Deus sénpri izisti.
Odja pamodi ki nu debe uza nómi di Deus, mésmu ki nu ka sabe dretu modi ki es ta flaba el na ténpu antigu.
Ta nporta modi ki nu ta txoma Deus? Odja pamodi ki nu pode fla ma el ten sô un nómi.
a Pa sabe más informason sobri siginifikadu di nómi di Deus i pamodi ki alguns traduson di Bíblia tra es nómi, odja Apêndice A4 na Tradução do Novo Mundo da Bíblia Sagrada.