04-ҶІ УРОК
Худай кемдір ол?
Кізілер пастағызынаң даа сығара аймах-пасха худайларға пазырчалар. Че Библияда прай худайлардаң пӧзік Худай пар тіп чоохталча (2 Летопись 2:5). Кемдір ол? Ол Худай кізілер пазырчатхан худайлардаң нименең пасха? Пу уроктаң Худай позынаңар ниме чоохтапчатханын піліп аларзар.
1. Худайның ады хайди? Ол пісті аның адын пілзіннер тіп хынча ба?
Худайның адын Библиядаң піліп аларға чарир. Худай піске піди тіпче: «Мин Иеговазым. Пу минің адым». (Исайя 42:5, 8 хығырыбызыңар.) Иегова — ол еврей тілінең алылған ат. Кӧп учёнайлар пурунғы еврей тілінең Иегова «Ол поларға пирче» тіп тілбестелче тіпчелер. Иегова пісті аның адын пілзіннер тіп хынча (Исход 3:15). Анзын хайдаң пілчебіс? Библияда аның ады 7 000 азыра хати учурапча! a Сын на Худайның ады Иегова. Ол тигірде дее, чирде дее Худай (Второзаконие 4:39).
2. Библияда Иеговадаңар ниме чоохталча?
Библияда Иегова кізілер пазырчатхан прай худайлардаң пасха тіп чоохталча. Нименең пасха? Иегованың ӱлгӱзі — хыри-пазы чох ӱлгӱ. Ол ла, Иң пӧзік Худай, прай чирнің устағҷызы. (Псалом 83:18 хығырыбызыңар.) Ол Прай нимедең кӱстіг Худай. Ағаа сағын салған сағызын толдырарға харығ пол полҷаң кӱс чоғыл. Тилекейні дее, чирдегі тіріг нимелерні дее прай ол чайап салған (Азых чоох 4:8, 11). Иегова ла хаҷан даа полған паза хаҷан даа полар (Псалом 90:2).
ТИРЕҢ АРАХ ХАС КӦРІҢЕР
Худайның ады аның титулларынаң нименең пасха полчатханын, ідӧк хайди паза ноға ол позының адын піске искіргенін ӱзӱр кӧреелер.
3. Худайның титуллары кӧп, че ады пір ле
Титул аттаң нименең пасха полчатханын піліп алар ӱчӱн, ВИДЕОРОЛИК кӧріп алып, ӱзӱрібізіңер:
-
Худайның титуллары, кӧзідімге «Хан Худай», аның адынаң нименең пасха?
Библияда кізілер кӧп худайларға пазырчалар тіп пазылча. Псалом 136:1—3 хығырып алып, ӱзӱрібізіңер:
-
«Худайларның Худайы» паза «хан-пиглернің Хан-пигі» кемдір ол?
4. Иегова сірерні аның адын пілзіннер паза андар, аның адын адап, айланзыннар тіп хынча
Иегованың сірерні аның адын пілзіннер тіп хынчатханы нимедең кӧрінче? ВИДЕОРОЛИК кӧріп алып, ӱзӱрібізіңер:
-
Хайди сағынчазар, Худай аның адын кізілер пілзіннер тіп хынча ба? Чарыда чоохтап пиріңер.
Иегова кізілер андар, аның адын адап, айланзыннар тіп хынча. Римдегілерге 10:13 хығырып алып, пу сурығларны ӱзӱрібізіңер:
-
Ноға Худайны адынаң адааны уғаа аарлығ?
-
Кізі, адыңарны ундутпин, сірерзер, адыңарны адап, айланчатса, кӧңніңерге кірче бе?
-
Хайди сағынчазар, Иеговазар, аның адын адап, айланчатсар, аның кӧңніне кірче бе?
5. Иегова сірерні ағаа чағын арах ползыннар тіп хынча
Камбоджада тӧреен ипчі, аның ады Сотен, Худайның адын піліп алғанда, уғаа часкалығ полған. ВИДЕОРОЛИК кӧріп алып, ӱзӱрібізіңер:
-
Худайның адын піліп алғаны хайди Сотенге теелген?
Кемнің-де нанҷызы полып алар ӱчӱн, аның адын піліп аларға кирек. Иаковтың 4:8а хығырып алып, пу сурығларны ӱзӱрібізіңер:
-
Иегова сірерні ниме идерге хығырча?
-
Худайның адын піліп алып, аны адапчатханыңар сірерге Худайға чағын арах полып аларға хайди полызар?
КЕМ-ДЕ ПІДИ ТІПЧЕ: «Худай пір ле, аннаңар хайди аны адирға пасхазы чоғыл».
-
Худайның ады Иегова полчатханына киртінчезер бе?
-
Худай аны адынаң адазыннар тіп хынчатханын хайди кӧзіт пирерҷіксер?
ӦӦН САҒЫС
Иегова — чалғыс ла сын Худайның ады. Ол пісті аның адын пілзіннер паза, аның адын адап, андар айланзыннар тіп хынча. Іди ле піс ағаа чағдап поларбыс.
Сағысха хатап кир кӧреелер
-
Иегова кізілер пазырчатхан худайлардаң нименең пасха?
-
Ноға Худайны адынаң адирға кирек?
-
Иегованың пісті ағаа чағын арах ползыннар тіп хынчатханы нимедең кӧрінче?
ХОЗА ІСТЕЗІҢЕР
Худай парын киречілепчеткен 5 киречілес кӧр кӧріңер.
Худай хаҷан даа полған. Хығырып алыңар: ноға анзына киртінгені орта полар.
«Кем Худайны чайап салған?» («Сторожевой башня», 1 орғах айы, 2014 чыл)
Худайның ады иң пастағызын хайди адалғанын пілбинчетсебіс тее, ноға аның адын адирға кирек полчатханын піліп алыңар.
Худайны хайди адирға пасхазы пар ба? Ноға Худайның пір ле ат тирге чарир? Пу сурыға нандырығ хығырып алыңар.
a Худайның ады ниме таныхтапчатханнаңар паза Библияның пірее тілбестеглерінең ноға ол атты чох идібіскеннеңер «Ызых Пічік — Наа тилекей тілбестееніндегі» А4 приложениеде кӧп арах піліп аларға чарир.
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
