Imarisai

Imarisai

Iserfissaq (opens new window)
JW.ORG-imi ujarlerit

ILINNIAGASSAQ 04

Guuti kinaava?

Guuti kinaava?

Inuit itsarsuarli guuter­pas­suit pal­lorfigisarsimavaat. Biibilili naaper­torlugu ataasiin­narmik Guuteqar­poq ‘guutinit tamanit an­nerusumik’. (Nalunaarsuutit 2. 2:4) Taan­na kinaava? Aam­ma sooq guutinit al­lanit tamanit qutsin­nerua? Guutip Biibili aq­qutigalugu qanoq im­minut ilisaritit­toq ilin­niagas­sami matumani paasis­savat.

1. Guuti qanoq ateqarpa, aamma qanoq nalunngilarput atini uagutsinnut paasitikkusukkaa?

Guuti Biibilimi im­minut ilisaritip­poq. Ima oqar­poq: ‘Uanga Jehovaavunga.’ (Mosesimik 1. 15:7, Ot­to Fabriciusip 1822-mi kalaal­lisuun­ngor­titaa) Ateq Hebræerisooq “Jehova” sun­ngorsin­naasutul­luun­niit isumaqarsin­naavoq. Jehoval­lu kis­saatigaa atini ilisimas­sagip­put. (Mosesimik 2. 3:15) Taman­na qanoq nalun­ngilar­put? Guutip atia Biibilip al­las­simaq­qaarfiini 7.000-t sin­nerlugit al­las­simavoq! a Ateq Jehova “pavani qilam­mi nunamilu maani” Guutiusup ateraa. – Mosesimik 5. 4:39.

2. Jehova pillugu Biibilimi qanoq allassimasoqarpa?

Biibili naaper­torlugu Jehova kisimi Guutiuvoq ilumoor­toq. Sooq taamaap­pa? Pis­sutaasut arlaqar­put. Jehova tamanit oqar­tus­saas­suseqar­ner­paajul­lunilu ‘nunarsuarmi tamarmi Qutsinnerus­saartuuvoq’. (Tus­siaat 83:19) ‘Guutiugami Killeqan­ngitsumik Pis­saanilik’ aalajangik­kamisut ilior­nis­saminut pis­saaneqartuaannarpoq. Avataarsuani nunarsuarmilu ‘suut tamaasa pin­ngor­tip­pai’. (Saq­qum­mersitat 4:8, 11) Aam­ma Jehova kisimi piujuaan­narsimavoq piujuaan­nas­sal­lunilu. – Tus­siaat 90:2.

ITISILIINEQ

Guutip taaguutaasa atiatalu as­sigiin­ngis­sutaat paasiniaruk. Aam­ma misis­soruk sooq qanorlu atini ilin­nut ilisimalersin­neraa.

3. Guuti taaguuterpassuaqarpoq ataasiinnarmilli ateqarluni

Taaguutip atil­lu as­sigiin­ngis­sutaat paasiumal­lugu VIDEO takusiuk apeq­qul­lu tul­liut­toq eq­qar­torlugu.

VIDEO: Taaguuterpas­suaqar­poq, ataasiin­narmilli ateqarpoq (0:41)

  • Taaguut, soorlu “Naalagaq”, aterlu qanoq as­sigiin­ngis­suteqar­pat?

Biibili naaper­torlugu guuter­pas­suit naalagar­pas­suil­lu pal­lorfigineqar­tar­put. Tussiaat 136:1-3 atuarsigit apeq­qul­lu una eq­qar­torlugu:

  • Kina tas­saasoraajuk “guutit Guutiat” aam­ma “naalak­kat Naalagaat”?

4. Jehovap kissaatigaa atini ilisimallugulu atortassagit

Qanoq nalun­ngilar­put Jehovap atimi ilisimaneqar­nis­saa kis­saatigigaa? VIDEO takusiuk apeq­qutil­lu tul­liut­tut eq­qar­torlugit.

VIDEO: Guuti ateqarpa? – Naalisagaq (3:11)

  • Isumaqar­pit Jehovap atimi ilisimaneqar­nis­saa kis­saatigigaa? Sooq taama isumaqar­pit?

Jehovap piumasaraa atini ator­neqar­tas­sasoq. Romamiut 10:13 atuarsiuk apeq­qutil­lu uku eq­qar­torlugit:

  • Guutip atiata, Jehovap, ator­neqar­tar­nis­saa qanoq pingaaruteqar­tigaa?

  • Il­lit atit eq­qaamaneqarlunilu ator­neqaraangat qanoq misigisar­pit?

  • Ateq Jehova il­lit atoraangak­ku Guuti qanoq misigisarsoraajuk?

5. Jehovap ikinngutigilerusuppaatit

Ar­naq Cambodiameersoq, Soten, oqar­poq Guutimik taas­sumalu atianik ilisimasaqar­neq ‘misigisaasoq nunarsuarmi nuan­ner­ner­paaq’. VIDEO takusiuk apeq­qul­lu tul­liut­toq eq­qar­torlugu.

VIDEO: Guutimik ilumoortumik ujaasinera (8:18)

  • Guutip atianik ilisimasaqaler­nini Sotenip qanoq sun­ner­tis­sutigaa?

Kinaluun­niit ikin­ngutigilis­sagutsigu qanoq ateqar­nersoq amerlaner­tigut paaseq­qaar­tar­par­put. Jaaku 4:8a atuarsiuk apeq­qutil­lu uku eq­qar­torlugit:

  • Jehovap qanoq ilioq­quaatit?

  • Sooq Guutip atianik ilisiman­nin­nerit atuisar­neril­lu taas­sumun­nga qanin­nerulis­sutigisin­naaviuk?

OQARTOQARTARPOQ: “Ataasiin­narmik Guuteqar­poq. Qanoq taaneqar­tar­nera pingaaruteqan­ngilaq.”

  • Up­peraajuk Guutip atia tas­saasoq Jehova?

  • Guutip atimi ator­neqar­nis­saanik kis­saateqar­nera qanoq nas­suias­saviuk?

EQIKKAANEQ

Guutip ilumoor­tutuap atia tas­saavoq Jehova. Kis­saatigaa ikin­ngutigilis­sagitsin­ni, taamaat­tumil­lu atia ilisimal­lugulu ator­tariaqar­par­put.

Uteqqiineq

  • Jehova guutinit al­lanit tamanit qanoq al­laanerua?

  • Sooq Guutip atia ator­tariaqar­par­put?

  • Qanoq nalun­ngiliuk Jehovap ikin­ngutigilerusuk­kaatit?

Iliuuserisassatit

NAMMINEQ MISISSUGASSATIT

Guutip piuneranut up­per­narsaatit tal­limat misis­suk­kit.

“Guuteqarpa?” (Nit­tar­tak­katsin­ni al­laaserisaq)

Guutip piujuaan­narsimanerata up­perinis­saanut pis­sutaal­luar­tut eq­qarsaatigik­kit.

“Kia Guuti pinngortippaa?” (Napasuliaq Alapernaarsuiffik, septembarip aal­laq­qaataat, 2014)

Guutip atiata qanor­piaq itsaq taaneqar­tar­nera nalugaluarlutigu sooq atia ator­tas­sagip­put paasiniaruk.

“Jehova kinaava?” (Nit­tar­tak­katsin­ni al­laaserisaq)

Guutip qanoq taaneqar­tar­nis­saa pingaaruteqar­pa? Ataasiin­narmik ateqar­neranut up­per­narsaatit misis­suk­kit.

“Guuti qassinik ateqarpa?” (Nit­tar­tak­katsin­ni al­laaserisaq)

a Guutip atiata isumaa aam­ma sooq Biibilimi nutsik­kat ilaan­ni peer­neqarsimanera pil­lugit paasisaqar­nerorusuk­kuit Guutip oqaasianik misissueqqissaarut, im­mik­koor­toq 1 takuuk.

Soqutigisinnaasatit allat

APEQQUTIGINEQARTARTUT

Jehovap Nalunaajaasuisa Biibilimik pikkorissartitsinerat suugami?

Jehovap Nalunaajaasuisa Biibilimik pikkorissartitsinerat akeqanngilaq, Biibilimillu nutsigaq sunaluunniit atorsinnaavat. Aamma ilaquttatit ikinngutitilluunniit pikkorissarnermut ilaserisinnaavatit.

NAASSAANNGITSUMIK PILLUARSINNAAVUTIT! – BIIBILIMIK PIKKORISSARNEQ

Guuti kinaava?

Kalaallisut
Guuti kinaava?
https://cms-imgp.jw-cdn.org/img/p/1102021204/univ/art/1102021204_univ_sqr_xl.jpg
lff ilinniagassaq 4
AAJUK
Guuti kinaava?
Atuagassanik aallernissamut iluarsiissutaa Naassaanngitsumik pilluarsinnaavutit! – Biibilimik pikkorissarneq
Immiussanik aallernissamut iluarsiissutaa Naassaanngitsumik pilluarsinnaavutit! – Biibilimik pikkorissarneq