DISÁ 04
Nzambi Nanyi?
Tundé ku dimatekenu dya mundu, o athu ene mu bheza jinzambi javulu, ja mala ni ja ahatu. Maji o Bibidya izwela ya lungu ni Nzambi imoxi, ‘wala ni unene, o jinzambi joso ndenge.’ (2 Malunda 2:5) Nanyi o Nzambi yú? Mukonda dyahi mwene wa beta kota, o jinzambi jamukwa jene mu bheza o athu ndenge? O Nzambi yu wamesena kwila eye umwijiya. Twandadilonga o maka yá mu disá didi.
1. O dijina dya Nzambi nanyi? Ihi ilondekesa kwila mwene wa mesena kwila twijiya o dijina dyê?
Bhu kaxi ka Bibidya, Nzambi ututangela se mwene nanyi. Mwene wambe: “Eme ngi Jihova. Didi dyene o dijina dyami.” (Tanga Izaya 42:5, 8.) O dijina “Jihova” dya tundu mu Hebalayiku, nange dilombolola, “Mwene Ubheka Yoso ya Mesena o Kubheka.” Jihova wa mesena kwila twijiya o dijina dyê. (Makatukilu 3:15) Kyebhi kitwejiya o kidi kiki? O dijina dya Nzambi dimoneka 7.000 ndenge ajiveji! a O dijina Jihova dya tokala ngó kwa ‘Nzambi ya kidi mu dyulu, ni mu ngongo bhoxi’abha, kikwene mukwâ.’—Matendelelu 4:39.
2. Ihi izwela o Bibidya ya lungu ni Jihova?
O athu ene mu bheza jinzambi javulu, maji o Bibidya ilonga kwila Jihova mwéne ngó o Nzambi yakidi. Mukonda dyahi? Mukonda dya ima yavulu. Jihova wala ni ungana woso, mwéne ngó “o Sukeku mu ngongo yoso.” (Tanga Jisálamu 83:18.) Mwene o “Sukeku,” mukonda mwene wala ni kutena kwa kubhanga o ima ya mesena. Mwene “wabhange o ima yoso”—o ngongo ni ima yoso yala ni mwenyu mu ixi. (Dijingunwinu 4:8,11) Jihova mwene ngó wene ku mwenyu tundé xahulu, mwene wandakala kumwenyu katé ku hádya ni hádya.—Jisálamu 90:2.
DILONGE DINGI
Ijiya se mukonda dyahi o dijina dya Nzambi ki didifu ni majina mê a ujitu. Ijiya we kyebhi Nzambi kya kwijidisa o dijina dyê ni mukonda dyahi.
3. Nzambi wala ni majina avulu a ujitu, maji wala ngó ni dijina dimoxi
Phala kumona se mukonda dyahi o dijina dya Nzambi ki didifu ni majina mê a ujitu, tala OVIDYU, mukusulula bhanga o ibhwidisu ya kayela.
-
Kyebhi o dijina dya ujitu kala “Ngana,” kidyadifu ni dijina dya muthu?
O Bibidya yamba kwila, o athu ene mu bheza jinzambi ni jingana javulu. Tanga Jisálamu 136:1-3, mukusuluka bhanga o kibhwidisu kya kayela:
-
Nanyi o “Nzambi ya jinzambi” ni “Ngana ya jingana”?
4. Jihova wa mesena kwila umwijiya, utumbula o dijina dyê
Ihi ilondekesa kwila, Jihova wa mesena kwila wijiya o dijina dyê? Tala OVIDYU, mukusuluka bhanga o ibhwidisu ya kayela.
-
Mudyé, o kwila Jihova wa mesena kwila o athu ejiya o dijina dyê? Mukonda dyahi?
Jihova wa mesena kwila o athu atumbula o dijina dyê. Tanga Loma 10:13, mukusuluka bhanga o ibhwidisu ya kayela:
-
Mukonda dyahi kima kyambote kutumbula o dijina dya Jihova?
-
Kyebhi ki udivwa kyoso muthu kya lembalala o dijina dyê anga uditumbula?
-
Mudyé, kyebhi kya divwa Jihova kyoso ki utumbula o dijina dyê?
5. Jihova wa mesena kwila, eye ukala dikamba dya mwene
Tala o musoso wa muhatu mukwa Camboja, amwixana Soten. Mwene wambe kwila o kwijiya o dijina dya Nzambi ni kudilonga o dilombolwelu dya dijina didi, kyexile o kima kyabetakota phala mwene. Tala OVIDYU, mukusuluka bhanga o kibhwidisu kya kayela.
-
Kala kya londekesa mu vidyu, kyebhi o mwenyu wa Soten wa lunguluka mu kwijiya o dijina dya Nzambi?
Phala kukala dikamba dya muthu, kya dyanga wa tokala kwijiya o dijina dyê. Tanga Tiyaku 4:8a, mukusuluka bhanga o ibhwidisu ya kayela:
-
Jihova wamesena kwila, ubhanga ihi?
-
Kyebhi o kwijiya ni kutumbula o dijina dya Nzambi kutena kukuzukamesa dingi kwa mwene?
ATHU AVULU AMBA: “Kwene ngó Nzambi imoxi, kibhwale maka se umwixana mu dijina dyoso dyoso.”
-
Eye uxikina kwila Jihova dyene o dijina dya Nzambi?
-
Kyebhi kiweji jimbulula kwila Nzambi wa mesena kwila tu tumbula o dijina dyê?
IHI IWADILONGO
Jihova, dyene o dijina dya Nzambi ya kidi. Mwene wa mesena kwila twijiya, tu tumbula o dijina dyê, phala tu zukame dingi kwa mwene.
Kubhitulula
-
Kyebhi Jihova ka difu ni jinzambi joso jene mu bheza o athu?
-
Mukonda dyahi twatokala kutumbula o dijina dya Nzambi?
-
Ihi ilondekesa kwila, Jihova wa mesena kwila tu zukama kwa mwene?
TOKWESA DINGI
Tala ima itanu ilondekesa kwila kwene Nzambi.
Mukonda dyahi kima kyambote kuxikina kwila, Nzambi wene kya ku mwenyu tundé xahulu?
“Nanyi Wabhange Nzambi?” (O Mulangidi, wa 1 wa Kakwinyi ka 2014)
Dilonge se mukonda dyahi twatokala kutumbula o dijina dya Nzambi sumbala ki twijiya kyebhi kyexile mu ditumbula m’ukulu.
O kwila kubhinga mwene kutumbula o dijina dya Nzambi? Tala se mukonda dyahi tu xikina kwila, Nzambi wala ngó ni dijina dimoxi.
a Phala kwijiya dingi ya lungu ni dilombolwelu dya dijina dya Nzambi ni mukonda dyahi sayi jibibidya o dijina didi adikatulamu, tanga o Apêndice A4 mu Bibidya Tradução do Novo Mundo da Bíblia Sagrada, mu Phutu.
Eye Nange Wandawabhela we o Maka Yá
IBHUIDISU IENE MU BHANGA DINGI O ATHU
Kyebhi o Jimbangi ja Jihova Kyene Mulonga o Bibidya?
Ni ukexilu ubhe yú wakulonga o Bibidya wa Jimbangi ja Jihova, eye utena we kutanga o jivelesu mu Bibidya yoso yoso iwamesena. Divwa kyambote phala kwixana muthu kumwiji wé mba kamba dyé kudibunda neye mukudilonga o Bibidya.
