ДӘРСА 04
Хԝәде Кʹи йә?
Жь дәстпека әʹфьрандьна инсанәте, мәрьв щурʹә-щурʹә хӧдана дьһʹәбиньн. Ле Кʹьтеба Пироз тʹәне дәрһәԛа Хԝәдеки дьбежә, кʹижан кӧ жь һʹәму хӧдана «мәзьнтьр ә» (2 Дирок 2:5). Гәло әԝ кʹи йә? У чьда әԝ жь хӧданед дьн щӧдә дьбә? Ве дәрседа тӧйе пебьһʹәси кӧ әԝ Хԝәде ча хԝә тәрʹа дьдә наскьрьне.
1. Наве Хԝәде чь йә у жь чь те кʹьфше, кӧ әԝ дьхԝазә ԝәки әм ԝи нас кьн?
Хԝәде бь сайа Кʹьтеба Пироз хԝә мәрʹа дьдә наскьрьне. Әԝ дьбежә: «Әз Йаһоԝа мә, наве мьн әв ә» (Бьхунә Ишайа 42:5, 8, ДТʹ.) «Йаһоԝа» наве Ибрани йә, йе кӧ те һʹәсабе «Әԝ Дькә Ԝәки Бьбә». Йаһоԝа дьхԝазә ԝәки әм наве ԝи бьзаньбьн (Дәркʹәтьн 3:15). Әм ве йәке жь кʹӧ заньн? Кʹьтеба Пирозда наве Хԝәде 7 000 щара зедәтьр һатийә ньвисаре! a Наве Йаһоԝа тʹәне наве Хԝәдайе рʹаст ә, йе кӧ «жор ль әʹзмен, жер ль сәр әʹрде» тʹәк ә (Ԛануна Дӧщари 4:39).
2. Кʹьтеба Пироз дәрһәԛа Йаһоԝа чь әʹйан дькә?
Кʹьтеба Пироз дьбежә кӧ тʹәне Йаһоԝа Хԝәдайе рʹаст ә, у әԝ жь һʹәму хӧданед дьн щӧдә дьбә. Гәло чьма? Чәнд мәʹни һәнә. Һʹӧкӧмәтийа Йаһоԝа сәр һʹәму һʹӧкӧмәтийарʹа нә, у тʹәне әԝ ә «йе Һәри Жорьн» (Бьхунә Зәбур 83:18.) Хԝәдайе «Һʹәму Зорайийе» те һʹәсабе ԝәки ԛәԝата ԝи дьгьһиже ԝе йәке бькә, чь кӧ дьхԝазә. Әԝи «һәр тьшт әʹфьрандьн», гәрдун у жийина сәр әʹрде (Әʹйанти 4:8, 11). Йаһоԝа бешьрик у бе һәвал ә, чьмки әԝ тʹьме һәбуйә у ԝе һәбә (Зәбур 90:2).
КʹУР ЛЕКОЛИН КӘ
Һе зедә пебьһʹәсә кӧ ортʹа сәрнавед Хԝәде у наве ԝийи шәхси чь фьрԛи һәйә. Тӧйе ӧса жи пебьһʹәси кӧ Хԝәде ча у чьрʹа наве хԝә тәрʹа әʹйан кьрийә.
3. Гәләк сәрнавед Хԝәде һәнә ле тʹәне навәки ԝи һәйә
Сәва кӧ бьвини фьрԛи ортʹа сәрнаве мәрьв у наве ԝи, вехә ВИДЕО, у паше әве пьрсе шеԝьр кә:
-
Чь фьрԛи һәйә ортʹа сәрнаве «Хӧдан» у наве ԝийи шәхси?
Кʹьтеба Пироз дьбежә кӧ мәрьв гәләк хӧдана у хӧде дьһʹәбиньн. Бьхунә Зәбур 136:1-3, у паше әве пьрсе шеԝьр кә:
-
Кʹи йә «Хԝәдейе хԝәдейа» у «Хӧдане хӧдана»?
4. Йаһоԝа дьхԝазә ԝәки тӧ наве ԝи бьзаньби у бьди хәбате
Жь чь те кʹьфше, ԝәки Йаһоԝа дьхԝазә кӧ тӧ наве ԝи бьзаньби? Вехә ВИДЕО, у паше ван пьрса шеԝьр кә:
-
Ча тӧ дьфькьри, Йаһоԝа дьхԝазә ԝәки наве ԝи бьзаньбьн? Чьма?
Йаһоԝа дьхԝазә ԝәки мәрьв наве ԝи бьдьн хәбате. Бьхунә Рʹомайи 10:13 у паше ван пьрса шеԝьр кә:
-
Чьрʹа фәрз ә наве Йаһоԝа бьдьнә хәбате?
-
Тӧ ча хԝә тʹәхмин дьки гава мәрьв наве тә бира хԝәда хԝәй дькә у дьдә хәбате?
-
Йаһоԝа чь сәр хԝә тʹәхмин дькә гава тӧ наве ԝи дьди хәбате?
5. Йаһоԝа дьхԝазә ԝәки тӧ бьби досте ԝи
Кʹӧлфәтәк жь Камбощайе наве кʹижане кӧ Сотен ә, гьли дькә кӧ чахе әԝ наве Хԝәде пеһʹәсийа, әԝе шабунәкә мәзьн станд. Вехә ВИДЕО, у паше әве пьрсе шеԝьр кә:
-
Чаԝа кӧ жь видео те кʹьфше, занәбуна наве Хԝәде ча сәр Сотене һʹӧкӧм бу?
Пешийа кӧ бьби һәвале кәсәки, тӧ гәрәке наве ԝи йан ԝе бьзаньби. Бьхунә Аԛуб 4:8а, у паше ван пьрса шеԝьр кә:
-
Йаһоԝа дьхԝазә ԝәки тӧ чь бьки?
-
Занәбун у хәбьтандьна наве Хԝәде ча дькарә али тә бькә ԝәки һе незики ԝи би?
ҺЬНӘ МӘРЬВ ДЬБЕЖЬН: «Хԝәде йәк ә, ләма жи фьрԛи тʹӧнә тӧ ча наве ԝи һьлди.»
-
Тӧ баԝәр дьки ԝәки Йаһоԝа наве Хԝәде йә?
-
Тӧйе ча шьровәки кӧ Хԝәде дьхԝазә ԝәки әм наве ԝи бьдьнә хәбате?
ТʹӘМАМКЬРЬН
Йаһоԝа наве Хԝәдайе рʹаст ә. Әԝ дьхԝазә ԝәки әм наве ԝи бьзаньбьн у бьдьнә хәбате, кӧ бькарьбьн незики ԝи бьн.
Ԝәкʹьландьн
-
Йаһоԝа ча щӧдә дьбә жь һʹәму хӧданед дьн, кʹижана кӧ мәрьв дьһʹәбиньн?
-
Әм чьрʹа гәрәке наве Хԝәде бьдьнә хәбате?
-
Жь чь те кʹьфше кӧ Йаһоԝа дьхԝазә ԝәки тӧ незики ԝи би?
ҺЕ ЗЕДӘ ПЕБЬҺʹӘСӘ
Пенщ мәʹнийа леколин кә, кӧ чьма әм дькарьн баԝәр бьн ԝәки Хԝәде һәйә.
Пебьһʹәсьн кӧ чьрʹа логики йә баԝәр бькьн, кӧ Хԝәде тʹьме һәбуйә.
«Кʹи Хԝәде Әʹфьрандийә?» («Бьрща Ԛәрәԝьлийе» йа 1 Тʹәбахе, 2014)
Пебьһʹәсә ԝәки чьрʹа әм гәрәке наве Хԝәде бьдьнә хәбате, һәрге жи ньзаньн кӧ бәре әԝ нав ча дьготьн.
Гәло фьрԛи һәйә кӧ әм наве Хԝәде ча һьлдьдьн? Пебьһʹәсә ԝәки чьрʹа әм дькарьн бежьн, кӧ тʹәне навәки Хԝәде һәйә.
a Бона һе зедә әʹламәти кӧ наве Хԝәде чь те һʹәсабе у чьма һьнә ԝәлгәрʹ әԝ нав жь Кʹьтеба Пироз дәрхьстьнә, бьньһерʹә брошура пʹара 1 «Наве Хԝәде Пәймана Кәвьнда».
Дьбәкә Wәрʹа Һʹәwас бә
ПЬРСЕД ГӘЛӘК МӘРИЙА
Чь Те Һʹәсабе Курса Һинбуна Кʹьтеба Пироз Тʹәви Шәʹдед Йаһоԝа?
Ԝәʹде курса бепʹәрә тʹәви Шәʹдед Йаһоԝа, тӧ дькари ве ԝәлгәрʹандьна Кʹьтеба Пироз бьди хәбате кʹижан тӧ дьхԝази. Тӧ дькари аза нәфәр у һәвалед хԝә жи тʹәглифи сәр һинбуне ки.
