စးထီၣ်လၢ ပှၤဟီၣ်ခိၣ်ဖိ အိၣ်မူလၢဟီၣ်ခိၣ်ချၢန့ၣ် အဝဲသ့ၣ် ဘူၣ်ထီၣ်ဘါထီၣ်ဝဲ ယွၤတဖၣ် ဒီးကစၢ်မုၣ်အါမး. ဘၣ်ဆၣ် လံာ်စီဆှံ တဲဖျါထီၣ် ဘၣ်ဃးဒီး ကစၢ်ယွၤတဂၤလၢအ “ဒိၣ်န့ၢ်ဒံး ယွၤအဂၤခဲလၢာ်.” (၂ ကွဲးနီၣ်တၢ် ၂:၅) ကစၢ်ယွၤတဂၤန့ၣ် အဝဲကဲ မတဂၤလဲၣ်. ဘၣ်မနုၤအဃိ အဒိၣ်န့ၢ်ဒံး ယွၤအဂၤတဖၣ် လၢပှၤဟီၣ်ခိၣ်ဖိ ဘူၣ်ထီၣ်ဘါထီၣ်ဝဲန့ၣ်လဲၣ်. လၢတၢ်မၤလိအံၤအပူၤ နကမၤလိဘၣ်လၢ ကစၢ်ယွၤတဂၤအံၤ အဲၣ်ဒိးလၢ နကသ့ၣ်ညါအီၤ.

၁. ကစၢ်ယွၤအမံၤဒ်လဲၣ်. ဘၣ်မနုၤအဃိ ပနာ်သ့လၢ အဝဲအဲၣ်ဒိးလၢ ပသ့ၣ်ညါအမံၤလဲၣ်.

ကစၢ်ယွၤ ပာ်ဖျါထီၣ်န့ၢ်ပှၤအမံၤ လၢလံာ်စီဆှံအပူၤလီၤ. ကစၢ်ယွၤ တဲဝဲလၢ “ယမ့ၢ် ယဟိဝၤလီၤ. အဝဲန့ၣ် မ့ၢ်ဝဲယမံၤလီၤ.” (ဖး ယၡါယၤ ၄၂:​၅, ၈.) လၢဧ့ၤဘြံၤကျိာ်န့ၣ် မံၤလၢအမ့ၢ် “ယဟိဝၤ” န့ၣ်ဖျါလၢအခီပညီမ့ၢ်ဝဲ “အဝဲဒုးကဲထီၣ်တၢ်.” ယဟိဝၤယွၤန့ၣ် အအဲၣ်ဒိးလၢ ပသ့ၣ်ညါအမံၤလီၤ. (၂ မိၤၡ့ ၃:၁၅) ဘၣ်မနုၤအဃိ ပနာ်သ့လၢ အအဲၣ်ဒိးလၢ ပသ့ၣ်ညါအမံၤလဲၣ်. လၢလံာ်စီဆှံပူၤန့ၣ် ကစၢ်ယွၤအမံၤ အိၣ်ဝဲအဘျီ နွံကထိဘျဲၣ်ညါ. a ဒီးမံၤလၢအမ့ၢ် ယဟိဝၤန့ၣ် အကဲဝဲ “ယွၤလၢ အမ့ၢ်အတီတဂၤ လၢမူခိၣ်ဒီးဟီၣ်ခိၣ် အဖီခိၣ်” န့ၣ်အမံၤလီၤ.​—၅ မိၤၡ့ ၄:၃၉.

၂. ဘၣ်ဃးဒီး ယဟိဝၤယွၤန့ၣ် လံာ်စီဆှံတဲဝဲဒ်လဲၣ်.

လံာ်စီဆှံတဲဝဲလၢ ယွၤတဖၣ် လၢပှၤဟီၣ်ခိၣ်ဖိ ဘူၣ်ထီၣ်ဘါထီၣ်ဝဲ ခဲလၢာ်အကျါန့ၣ် ယဟိဝၤယွၤ မ့ၢ်ကစၢ်ယွၤလၢ အမ့ၢ်အတီ ထဲတဂၤလီၤ. ဘၣ်မနုၤအဃိ လံာ်စီဆှံတဲဝဲ ဒ်န့ၣ်လဲၣ်. ခီဖျိလၢ တၢ်ဂ့ၢ်အါမံၤအဃိလီၤ. အဒိ ယဟိဝၤယွၤ မ့ၢ်ပှၤလၢအစိအကမီၤ ဒိၣ်ကတၢၢ်အဃိ အဝဲမ့ၢ်ပှၤထဲတဂၤလၢ “အထီကတၢၢ်လၢ ဟီၣ်ခိၣ်ဒီဘ့ၣ်ညါ အဖီခိၣ်.” (ဖး စံးထီၣ်ပတြၢၤ ၈၃:၁၈.) ဒီးလံာ်စီဆှံကိးအီၤလၢ “သ့တၢ်လၢာ်ကစၢ်” အဃိ အဝဲအိၣ်ဒီး တၢ်စိတၢ်ကမီၤလၢ အကမၤတၢ်ကိးမံၤဒဲး လၢအအဲၣ်ဒိးမၤဝဲ. အဝဲ “တ့လီၤတၢ်ခဲလၢာ်” လၢအမ့ၢ် မူခိၣ်ဟီၣ်ခိၣ်ဒီး တၢ်အိၣ်လၢအပူၤခဲလၢာ် ဒီးတၢ်သးသမူခဲလၢာ် လၢဟီၣ်ခိၣ်ချၢ. (လီၣ်ဖျါ ၄:​၈, ၁၁) ယဟိဝၤယွၤန့ၣ် အတဒ်သိးဒီး ယွၤအဂၤတဖၣ်ဘၣ်. အဝဲအိၣ်ဝဲထီဘိ ဒီးအဝဲကဆဲးအိၣ်ဒံး လီၤထူလီၤယိာ်လီၤ.​—စံးထီၣ်ပတြၢၤ ၉၀:၂.

 ၄. ယဟိဝၤယွၤ အဲၣ်ဒိးဝဲလၢ နကသ့ၣ်ညါအမံၤ ဒီးသူအမံၤ

၅. ယဟိဝၤယွၤ အဲၣ်ဒိးဝဲလၢ နကကဲထီၣ်အသကိး

 တၢ်ဂ့ၢ်လၢအရ့ဒိၣ်

ကစၢ်ယွၤ လၢအမ့ၢ်အတီတဂၤန့ၣ် အမံၤမ့ၢ်ဝဲ ယဟိဝၤ. ဒီးဒ်သိး ပကကဲထီၣ် အသကိးအဂီၢ် အဝဲအဲၣ်ဒိးဝဲလၢ ပကသ့ၣ်ညါအမံၤ ဒီးကိးထီၣ်အမံၤ.

တၢ်ကွၢ်ကဒါက့ၤ

• ဘၣ်မနုၤအဃိ ယဟိဝၤယွၤန့ၣ် အလီၤဆီန့ၢ်ဒံး ယွၤအဂၤတဖၣ် လၢပှၤဟီၣ်ခိၣ်ဖိ ဘူၣ်ထီၣ်ဘါထီၣ်ဝဲန့ၣ်လဲၣ်.

• ဘၣ်မနုၤအဃိ ပကဘၣ်ကိးထီၣ် ကစၢ်ယွၤ အမံၤလဲၣ်.

• ယဟိဝၤယွၤ အဲၣ်ဒိးဝဲလၢ နကကဲထီၣ် အသကိးန့ၣ် နသ့ၣ်ညါဒ်လဲၣ်.