LONGI DIA 04
Nani i Nzambi?
Tuka kolo wantu besambilanga nzambi za mpila mu mpila. Kansi, Bibila kiyikanga Nzambi mosi ona “osundidi nzambi zawonso.” (2 Tusansu 2:5) Nzambi ndioyo i nani? Aweyi kasundidi nzambi zawonso wantu besambilanga? Mu longi diadi, olongoka dina Nzambi ndioyo kazolele vo wazaya mu kuma kiandi.
1. E nkumbu a Nzambi nani? Aweyi tuzayidi wo vo Nzambi ozolele vo twazaya nkumbu andi?
Nzambi osadilanga Bibila mu kuyisunzula kwa yeto. Wavova vo: “Mono i Yave. Eyayi i nkumbu ame.” (Tanga Yesaya 42:5, 8.) “Yave” i mpila yasekolwelwa e nkumbu a Kiyibere eyi ina ye nsasa vo “Oyandi Okadisanga.” Yave ozolele vo twazaya e nkumbu andi. (Luvaiku 3:15) Aweyi tuzayidi wo? Tuzeye wo kadi Nzambi wasonekesa nkumbu andi muna Bibila vioka nkumbu 7.000. a “Nzambi aludi kuna zulu diantandu ye ova ntoto” kaka oyikilwanga e nkumbu Yave.—Nsiku 4:39.
2. Adieyi Bibila kivovanga mu kuma kia Yave?
Wantu besambilanga nzambi zayingi, kansi Bibila kivovanga vo Yave kaka i Nzambi aludi. Ekuma? Vena ye kuma yayingi. Yave i Nzambi osundidi e wisa, yandi kaka i “Mpungu-nene omu nza yawonso.” (Tanga Nkunga 83:18.) Yandi i “Mpungu-nene” kadi una yo nkuma wavanga konso kina kazolele. “Wasema lekwa yawonso” ina kuna zulu ye ova ntoto. (Lusengomono 4:8, 11) Nswaswani ye nzambi zankaka, Yave ozinganga yakwele mvu.—Nkunga 90:2.
ZAYA DIAKA MANKAKA
Zaya e nswaswani ina vana vena mazina ma Nzambi ye nkumbu andi. Zaya mpe aweyi ye kuma kasengomwena yo kwa ngeye.
3. Nzambi una ye mazina mayingi kansi nkumbu mosi kaka kena yau
Muna zaya e nswaswani vana vena zina dia muntu ye nkumbu andi, tala e VIDEO, i bosi, vana e mvutu za yuvu ilende.
-
Nkia nswaswani ina vana vena e zina nze “mfumu” ye nkumbu?
Bibila kivovanga vo wantu besambilanga nzambi ye mfumu zayingi. Tanga Nkunga 136:1-3, i bosi, vana e mvutu za kiuvu eki:
-
Nani i “Nzambi osundidi nzambi zawonso” ye “Mfumu a zimfumu”?
4. Yave ozolele vo wazaya e nkumbu andi yo sadila yo
Aweyi tuzayidi wo vo Yave ozolele vo wazaya e nkumbu andi? Tala e VIDEO, i bosi, vana e mvutu za yuvu ilende.
-
Muna ngindu zaku, nga Yave ozolele vo e nkumbu andi yazayakana? Ekuma?
Yave ozolele vo wantu basadila e nkumbu andi. Tanga Roma 10:13, i bosi, vana e mvutu za yuvu ilende:
-
Ekuma dinina diamfunu mu sadila e nkumbu a Nzambi, Yave?
-
Aweyi omonanga vava muntu kesungamenanga yo kubokelela muna nkumbu aku?
-
Muna ngindu zaku, aweyi o Yave kemonanga vava osadilanga e nkumbu andi?
5. Yave ozolele vo wakala nkundi andi
Nkento mosi una ye nkumbu Soten, wa musi Camboja wavova vo ozaya e nkumbu a Nzambi diansadisa mu “vua e kiese kisundidi.” Tala e VIDEO, i bosi, vana e mvutu za kiuvu kilende.
-
Nze una onwene muna video, ozaya e nkumbu a Nzambi, nkia nluta diatwasa kwa Soten?
Vitila wavanga kikundi yo muntu, ofwete zaya ntete e nkumbu andi. Tanga Yakobo 4:8a, i bosi, vana e mvutu za yuvu ilende:
-
Nkia diambu Yave kazolele vo wavanga?
-
Ozaya yo sadila e nkumbu a Nzambi, aweyi dilenda kusadisila mu kala nkundi a Nzambi?
AVO MUNTU UVOVESE VO: “Wau vo vena ye Nzambi mosi kaka, e mpila ina okunyikila ke ina kwandi mfunu ko.”
-
Nga okwikidi wo vo Yave i nkumbu a Nzambi?
-
Aweyi olenda sasila kwa muntu vo Nzambi ozolele vo twasadila e nkumbu andi?
MAMBU MASINA MA LONGI DIADI
Yave i nkumbu a Nzambi aludi. Ozolele vo twazaya yo sadila e nkumbu yayi kimana twakala akundi andi.
Nkia Mambu Olongokele?
-
Ekuma Yave kaswaswanene ye nzambi zankaka?
-
Ekuma tufwete sadila nkumbu a Nzambi?
-
Aweyi tuzayidi wo vo Yave ozolele vo twakala nkundi andi?
TALA MPE OMA MALENDE
Tala kuma tanu isonganga e ziku vo Nzambi una kieleka.
Ekuma dinina o mfunu mu kwikila vo Nzambi ozinganga yakwele mvu?
Zaya e kuma tufwete sadila e nkumbu a Nzambi, kanele vo e mpila yayikilwanga kuna nz’ankulu ke izayakene ko.
E mpila tuyikilanga Nzambi nga mfunu kikilu ina? Tala e kuma tulenda vovela vo nkumbu imosi kaka kena yau.
a Muna zaya mankaka mu kuma kia nsas’a nkumbu a Nzambi ye e kuma asekodi ankaka a Bibila bakatulwila yo muna nsekola zau, tala Nkudika A4 muna Bibila—Nsekola ya Nz’ampa.
Nanga Oyangalela Mpe Malongi Mama
YUVU ITOMA YUVULWANGA
Ameyi Mevangamanga Muna Longi dia Bibila ye Mbangi za Yave?
Muna programa yayi ya ngovo ya longokela isadilwanga kwa Mbangi za Yave, olenda sadila kwaku konso nsekola ya Bibila. Olenda kwaku bokelesa esi nzo aku yawonso yovo akundi aku ana ozolele.
