MURU 04
Kodi Mulungu Mbaani?
Ambeela wale athu kookala kalambelanga milungu do-iyana-iyana. Koma, Baibulo linoonga ira vikala Mulungu m’mo-i unoyo “ngu mulukulu kwaranya milungu dimo-i detene.” (2 Limbili 2:5) Kodi Mulungu unola ngu mbaani? Nanga chifukwa n’ni ngu mulukulu kwaranya Milungu detene dedo athu kanadilambelaathu? M’murula ninoona vyeyvo Mulungu upangile liye ira mumuiziwe pama.
1. Kodi zina la Mulungu mbaani, nanga ninasimikizele avi ira unofuna ira nimuiziwe?
Mulungu unofuna ira nimuiziwe, teto unoniwandela zina lae zela m’Baibulo. Liye eere: “Miyo ndili Yehova. Zina langa tileli.” (Welengani Yesaya 42:5, 8.) Zina loi “Yehova” kalitapulele kumela uzina la Chiheberi moi vinatonyi-eda ira linatapulela ira “Liye Unokala Yongo Ineyo Unafuna Liye Kala.” Yehova unofuna ira niiziwe zina lae. (Ekisodo 3:15) Ninaiziwa avi vyevi? Liye oopangi-a ira zina lae lilembiwe maulendo okwaranya 7000 m’Baibulo. a Zina loi Yehova ti la “Mulungu oona, udimu koma teto vailambo yavati.” — Dotoronomo 4:39.
2. Kodi Baibulo linaniwandela n’ni vyokuza Yehova?
Baibulo linaniwandela ira va milungu detene dedo athu kanalambelaathu, Yehova eka ngunoyo uli Mulungu oona. Chifukwa n’ni ninaonga eeno? Vikala vifukwa vinjinji. Yehova ngolamulela mulukulu, teto liye eka “Ngwamudimudimu, olamulela ilambo yetene yavati.” (Welengani Salimo 83:18.) Liye “Ngwakopolo detene,” tapulela ira ukaana kopolo doirela iliyetene ineyo usakulile liye. Liye ngunoyo ‘alengile vyongo vyetene,’ vyaudimu na vyailambo yavati. (Chivumbuluso 4:8, 11) Mo-iyana na uliwetene, Yehova kan’na chiyambi koma teto kan’na mapeto. — Salimo 90:2.
FUNJEDANI VYOWENJEDELEYA
Saelani iyana wewo ulivo va mazina audindo a Mulungu na zina lae lelo tilavadela. Mwera eeno funjedani vyevyo Mulungu apangile liye ira muiziwe zina lae teto chifukwa iwa apangile vyevyo.
3. Mulungu ukaana mazina anjinji audindo, koma zina lae tilimo-i
Ira muiziwe iyana wewo ulivo vaari vazina laudindo na zina lenileni, onelani VIDIYO, era eeno tapanyani yofuka yo-arelela.
-
Kodi vali iyana woi avi vaari va zina laudindo monga loi “Mbwiye,” na zina lenileni?
Baibulo linosomedela ira athu kanolambela milungu na ambwiye anjinji. Welengani Salimo 136:1-3, era eeno tapanyani yofuka yo-arelela:
-
Kodi “Mulungu wa milungu” na “Mbwiye wa ambwiye” mbaani?
4. Yehova unafuna ira muiziwe zina lae koma teto ira muli-indi-edenga chito
Chin’ni inatonyi-eda ira Yehova unafuna ira muiziwe zina lae? Onelani VIDIYO, era eeno tapanyani vyofuka vyo-arelavi.
-
Kodi nyo munoona ira Yehova unofuna ira athu kaiziwe zina lae? Chifukwa n’ni munaonga eeno?
Yehova unofuna ira athu ka-indi-edenga chito zina lae. Welengani Aroma 10:13, era eeno tapanyani vyofuka vyo-arelavi:
-
Kodi indi-eda chito zina la Mulungu loi Yehova kofuneya moi avi?
-
Kodi nyo munavwa avi muthu m’mo-iwa aumbuwela zina linyu noliromola?
-
Ndiye munaona ira Yehova unavwa avi mwa-indi-edanga chito zina lae?
5. Yehova unafuna ira nyo mukale fwae vinjinji
Mu-iyana m’mo-iwa wawu Camboja zina lae Soten aongile ira kilivo “yongo yosangalasa vinjinji” ngati iziwa zina la Mulungu. Onelani VIDIYO, era eeno tapanyani yofuka yo-arelela.
-
Muvidiywela, kodi Soten avwile avi angaiziwile zina la Mulungu?
Ira muthu akale fwi-u, ninaambeela iziwa zina lae. Welengani Yakobo 4:8a, era eeno tapanyani vyofuka vyo-arelavi:
-
Kodi Yehova unafuna ira nyo muire n’ni?
-
Kodi iziwa zina la Mulungu teto li-indi-eda chito unaukami-eni avi ira mumuonenga ira ngufwinyu?
ATHU AMO-IWA KANAONGA IRA: “Mulungu ulivo m’mo-i, eeno kavili iyana ira munamuromola vo-indi-eda chito zina liivi.”
-
Kodi nyo munororomela ira zina la Mulungu ngu Yehova?
-
Kodi munasambaule avi vyoi Mulungu unofuna ira ni-indi-edenga chito zina lae?
VYEVYO NIFUNJEDILE IYO
Zina la Mulungu oona ngu Yehova. Liye unofuna ira niliziwe zinali teto nili-indi-edenga chito na yolinga yoi akale fwi-u.
Vyofuka Vyoweli-eda
-
Kodi Yehova una-iyana avi na milungu dimo-i detene dedo athu kanalambelaathu?
-
Chifukwa n’ni ninafuneela indi-eda chito zina la Mulungu?
-
Chin’ni inatonyi-eda ira Yehova unofuna ira nyo mukale fwae?
ONANI VIMO-I
Onani vifukwa 5 vyosimikizela ira Mulungu ukalawo.
Chifukwa n’ni pivyovweya roromela ira Mulungu ukalawo?
“Kodi Ndani Analenga Mulungu?” (Nsanja ya Olonda, August 1, 2014)
Iziwani chifukwa iwa ninafuneela indi-eda chito zina la Mulungu, ngakale ira kaninaiziwa mwemo kaliromolelaathu wale.
Kodi indi-eda chito zina la Mulugnu kofuneya moi avi? Onani chifukwa iwa ninaonge ira zina lae lenileni tilimo-i loka.
