ISAMBILILO 04
Kani BaLesa Bacine ni Bani?
Ukufuma lukoso apa abantunshi balengelwe, balapempela kuli balesa abalekene-lekene. Pano, Baibolo ilalabila pali baLesa bamo ‘abakulu ukubacila balesa bambi.’ (2 Ifyebo 2:5) Kani ni bani abo? Eli nindo ibalengesho’kuba abakulu ukucila balesa bambi? Muli lilino isambililo, boneni ifi baLesa bacine abene bakulibuulishisha kuli mwebo.
1. Kani baLesa bacine ni bani ishina, kabili tulishi shani ati balafwaya twishibe’shina lyabo?
Mu Baibolo, baLesa abene balalibuulishisha bwino kuli fwebo. Balilabile’ti: “Nebo nine baYawe, e shina lyanji.” (Pendeni Yisaya 42:5, 8.) Ishina lyakweba’ti “baYawe” lilifumene ku ishina lya ciEbeya ilyaalula’ti “Balafilengo’kuba.” BaYawe balafwaya fwebo ukwishibe’shina lyabo. (Ifyakufuma 3:15) Kani tulishi shani ifyo? Tulishi’fyo pakuti baLesa baalilembele’shina lyabo muli Baibolo imiku ukucila pali 7,000! a Ishina lyakweba’ti baYawe e shina lya “baLesa bacine” kabili bo benka ebali na lili ishina.—Yoane 17:3.
2. Findo Baibolo itubuula pali baYawe?
Baibolo ilalabila ati pali balesa bonse aba abantushi bapempela, baYawe lukoso e baLesa bacine. Nindo ilabilile’fyo? Pali imilandu iyakuti ubwingi. Ku cakubwenako, baYawe benka e “Bacilile lukoso na pa calo conse.” (Pendeni Amasamo 83:18.) Bo ‘bamakosa onse,’ icilukwalula ukweba’ti bali ne makosa aakucite’fili fyonse lukoso ifi balukufwaya. ‘Ebalengele ifintu fyonse’—fyonse lukoso ifya mwiulu na pa calo. (Ukufisulula 4:8, 11) Ukupusanako na balesa bonse bambi, baYawe benka ebaliko ukufuma umuyayaya, kabili bakabako’muyayaya.—Amasamo 90:2.
SAMBILILENI IFINGI
Boneni ifi amashina abuleme aabaLesa apuseneko ne shina lyabo abene. Sambilileni ne nshila bapyungisha pa kubuulishisha ishina lyabo ne mulandu bacitile’fyo.
3. BaLesa bali lukoso ne shina limo, nangaba ne mashina abuleme aengi
Pakweba’ti mwishibe ifi amashina aabuleme aamuntu apuseneko ne shina lyakwe umwine, tambeni VIDYO, eli ne kwambaale’cakwipusha cakonkapo.
-
Kani amashina abuleme aali koti ni “baShikulu” alipuseneko shani ne shina iline?
Baibolo ilalabila’ti abantu balapempela kuli balesa na bashikulu abengi. Pendeni Amasamo 136:1-3, eli ne kwambaala icakwipushe’ci:
-
Kani “baLesa ba balesa” kabili “baShikulu wa bashikulu” ni bani?
4. BaYawe balafwaya mwishibe’shina lyabo ne kulukulipyungisha
Findo ifilangisha’ti baYawe balafwaya mwebo ukwishibe’shina lyabo? Tambeni VIDYO, eli ne kwambaala icakwipusha cakonkapo.
-
Kani mulukulanguluka’ti baYawe balafwaye’shina lyabo ukwishibikwa? Nindo mwalabilile’fyo?
BaYawe balafwaya’bantu ukulukupyungishe’shina lyabo. Pendeni AbaLoma 10:13, eli ne kwambaala ifyakwipushe’fi:
-
Nindo cicindamine ukupyungishe’shina lya baLesa ilyakweba’ti baYawe?
-
Mulomfwa shani kani umuntu aanuke’shina lyenu ne kulipyungisha?
-
Mulukubona’ti baYawe balomfwa shani kani mulukupyungisha ishina lyabo?
5. BaYawe balafwaya mupalamine kuli bo
Ba Soten, abanakashi aba ku Cambodia, baalilabilo’kweba’ti ukusambilila pe shina lya baLesa kwalibalengesho’kutatika ukuba “abasangalele makosa.” Tambeni VIDYO, eli ne kwambaale’cakwipusha cakonkapo.
-
Koti ni fyefyo twatamba muli vidyo, kani ukwishibe’shina lya baLesa kwalyofweleko shani ba Soten?
Ili tamungaba icibusa ne muntu umbi, mulatatikilapo ukwishibe’shina lyakwe. Pendeni Jakobo 4:8a, eli ne kwambaala ifyakwipushe’fi:
-
Findo baYawe bafwaya mwebo ukucita?
-
Kani ukwishiba ishina lya baLesa ne kulipyungisha kungamofweniko shani ukupalamina kuli bo?
BAMBI BALALABILA ATI: “Kuli cabe baLesa bamo, kabili ishina lyabo ni baShikulu neli Abamakosa Onse.”
-
Kani mwacetekala ati baYawe e shina lya baLesa?
-
Kani mungabuulishisha shani ati baLesa balafwaya tulukupyungishe’shina lyabo?
IFI MWASAMBILILA
Kuli baLesa bamo lukoso abacine, kabili ishina lyabo ni baYawe. Balafwaya twishibe’shina lyabo ne kulukulipyungisha pakweba’ti tupalamine kuli bo.
Kani Munganuka?
-
Kani baYawe balipuseneko shani na balesa bambi aba abantunshi bapempela?
-
Nindo twelelwe ukulukupyungishishe’shina lya baLesa?
-
Findo filangisha ati baYawe balafwaya mupalamine kuli bo?
ISHIBILENIPO NA FIMBI
Boneni ifintu 5 ifilangishe’cine ati baLesa eko bali.
“Findo Filangisha’ti BaLesa Eko Bali?” (Ilyashi lya pa jw.org)
Boneni umulandu cibelele icelelwe ukucetekela ati baLesa eko bali ukufuma lukoso umuyayaya.
“Kani BaLesa Balibeleko Shani?” (Akatambo ka Wakulama, August 1, 2014)
Sambilileni umulandu twelelwe ukulukupyungishishe’shina lya baLesa, nangaba’ti tatwishipo ifi baalukulishimbula akale.
“Kani BaYawe ni BaLesa Bakuba Shani?” (Ilyashi lya pa jw.org)
Kani cili cabe bwino ukulukwita baLesa ifili fyonse lukoso ifi tulukufwaya? Boneni umulandu tulabilila’ti bali lukoso ne shina lyabo limo.
a Kani muli Baibolo yenu tamupo ishina lya kweba’ti baYawe neli kani mulukufwaya ukwishibilapo na fimbi, mwane boneni Iciputusha 1 mu Akabuuku ka Kutofwako Ukwishiba Ifili mu Mashiwi AbaLesa.
Cipale Mungapendako Nafifi:
IFYAKWIPUSHA IFIPUSHIWA MAKOSA
Kani Isambililo lya Baibolo Cindo?
Boneni ifyasuko pa lwe sambililo lya Baibolo ilya pa lukoso.
