TIMOKO 04
Ngano Nzambi ni nani?
Tûka muna tûka, bantu nzambi zazingi basambila, za zikento na za zibakala. Kâ, Bibila Nzambi yimosi dizonzelaka “yiyôkele nzambi zazansoni mu bunene.” (2 Ntangu 2:5) Ngano Nzambi yango ni nani? Mpe, nti bisaka ti kayôka nzambi zazansoni zi sambilaka bantu mu bunene? Mu timoko ti, tala ntia misamu Nzambi kazololo wazaba mu bungu dia Yandi.
1. Ngano Nzambi nkumbu’andi nani, mpe bwe tulendi bêla na lukwikulu ti zololo tazaba nkumbu’andi?
Mu Bibila, Nzambi mbo katutêlaka Yandi ni nani. Yandi têle ti: “Meno ni Yehova. Yo ni nkumbu’ani.” (Tanga Izaya 42:5, 8.) Nkumbu yo “Yehova” mbangululu yena ya nkumbu ya Hebre yizololo tâ “Lungisa kalungisaka.” Yehova zololo ti tazaba nkumbu’andi. (Ndukulu 3:15) Bwe tulendi bêla na lukwikulu mu musamu wo? Mu Bibila Nzambi watsonekesa nkumbu’andi mbala yôka 7 000! a Yehova ni nkumbu ya “Nzambi ya matieleka ku zulu na ha mutoto nsi.”—Lubambu 4:39.
2. Ntia misamu Bibila ditutêlaka mu bungu dia Yehova?
Bibila ditâka ti mu nzambi zazansoni zi sambilaka bantu, Yehova kwa we Nzambi ya matieleka. Mu bungu dia nti? Misamu miamingi misingasaka wo. Ni Yehova we na luyalu luyôkele, mpe Yandi kaka “we Watomo Zangama ha mutoto nsi wa mukaka.” (Tanga Mikunga 83:18.) Bibila “Nkwa Ngolo Zazansoni” dimutâka, mu bungu ti lenda die nandi dia yirika musamu ni musamu wu kazololo. Ni Yandi ‘wasala bima biabiansoni’—mu luyalanganu lwa nza na luzingu ha mutoto. (Nzabukusu 4:8, 11) Yehova Yandi kaka kwa lembolo na mbatukulu, mpe lembo bâ na nsuka.—Mikunga 90:2.
YIKA NDILU
Taluzula bwe nkumbu za buzitu za Nzambi ziswaswane na nkumbu’andi. Buna taluzula bwe, mpe mu bungu dia nti Nzambi katutêla nkumbu’andi.
3. Nzambi nkumbu za buzitu zazingi ze nandi, kâ nkumbu yimosi
Mu zaba bwe nkumbu ya buzitu ya muntu yiswaswane na nkumbu’andi, taleno VIDEO, mpe zonzeleno tiyuvu tita landa.
-
Nti biswasikisaka nkumbu ya buzitu, ntiana “Mfumu,” na nkumbu ya muntu?
Bibila ditâka ti bantu nzambi na mfumu zazingi basambilaka. Tangeno Mikunga 136:1-3, mpe zonzeleno tiyuvu tita landa:
-
Nani we “Nzambi ya banzambi” mpe we “Mfumu ya bamfumu”?
4. Yehova zololo ti wazaba mpe wasarilaka nkumbu’andi
Nti bita songela ti Yehova zololo wazaba mpe wasarilaka nkumbu’andi? Taleno VIDEO, mpe zonzeleno tiyuvu tita landa.
-
Mu bungu dia nti lendi têla ti Yehova zololo ti bantu bazaba nkumbu’andi?
Yehova zololo ti bantu basarilaka nkumbu’andi. Tangeno Bisi-Rome 10:13, mpe zonzeleno biyuvu ebi:
-
Mu bungu dia nti we mfunu mu sarilaka nkumbu ya Nzambi, Yehova?
-
Bwe monaka mu ntangu muntu wubambukilaka mpe wusarilaka nkumbu’aku?
-
Ngano, Yehova bwe kamonaka bu sarilaka nkumbu’andi?
5. Yehova zololo ti wabâ ndiku’andi
Mukento wumosi wa ku Cambodge wu batâka nkumbu Soten watâ ti zaba nkumbu ya Nzambi kwamubakisa “mu tomo bâ mu nsayi.” Taleno VIDEO, mpe zonzeleno tiyuvu tita landa.
-
Mu video yo, bwe luzabu lwa nkumbu ya Nzambi lwasimbila mutima wa Soten?
Ntete wabâ ndiku ya muntu, vula-vula mbo toko dinga mu zaba nkumbu’andi. Tangeno Zaki 4:8a, mpe zonzeleno biyuvu bita landa:
-
Ngano Yehova nti kata ku lomba wasa?
-
Bwe zaba na sarila nkumbu ya Nzambi kulendi kubakisila mu bâ ndiku’andi?
TALA TI BAKUTÊLELE: “Nzambi yimosi kwa yena, balendi mu tâ nkumbu ni nkumbu.”
-
Ngano lukwikulu lwe naku ti Yehova ni nkumbu ya Nzambi?
-
Bwe lendi bangurila ti Nzambi zololo tasarilaka nkumbu’andi?
MU BUKUFI
Yehova ni nkumbu ya Nzambi ya matieleka. Zololo ti tazaba mpe tasarilaka nkumbu yo ngatu tabâ ndiku zandi.
Biyuvu bia mbambukulu
-
Nti biswasikisaka Yehova na nzambi zakaka zisambilaka bantu?
-
Mu bungu dia nti tufweti sarilaka nkumbu ya Nzambi?
-
Nti bita songela ti Yehova zololo tabâ ndiku’andi?
ZABA BIAKAKA
Taluzula misamu 5 misongelaka ti Nzambi kô kena.
Taluzula mu bungu dia nti we salu mu kwikila ti Nzambi kô kena.
“Nani wasala Nzambi?” (Nzo ya Zangama ya Munkengi, 1er août 2014)
Longoka mu bungu dia nti tufweti sarila nkumbu ya Nzambi ni bu sa ti ka tutomono’â zaba mpila yi beri ya têlaka mu ntama ko.
Ngano mfunu wena mu tâka nkumbu ya Nzambi? Tala mu bungu dia nti tulendi têla ti nkumbu yimosi kwa ye nandi.
“Ngano Nzambi nkumbu zi kwa ze nandi?” (Mutu-diambu wa mu Internet)
a Mu zaba misamu miakaka mitariri nsasa ya nkumbu ya Nzambi mpe mu bungu dia nti mbangululu za Bibila zakaka zakatula nkumbu yango, tala Appendice A4 mu La Bible. Traduction du monde nouveau.
