KIFUNDWA 04
Lelo Leza I Ani?
Mu bula bwa mānga ya muntu, bantu i batōte baleza bavule, baleza bana-balume ne baleza bana-bakaji. Inoko Bible wisambilanga pa Leza umo “mukatampe kupita baleza bakwabo bonso.” (2 Bilongwa bya Mafuku 2:5) Lelo aye mwine i ani? Ne i bika bimulengeja ekale mukatampe kupita baleza bakwabo batōtwa na bantu? Tala, uno Leza aye mwine kaetela kodi mu kino kifundwa.
1. Le dijina dya Leza i dijina’ka, ne mwanda waka tukokeja kunena’mba usakanga twidiyuke?
Mu Bible, Leza i mwitele kotudi. Unena’mba: “Ami ne Yehova. Dyo dyami dijina.” (Tangai Isaya 42:5, 8.) “Yehova” i dijina ditambile ku Kihebelu, mobimwekela dishintulula’mba “Yewa Wikadija Ke.” Yehova usakanga tuyuke dijina dyandi. (Divilu 3:15) Mwanda waka tubanena namino? Mu Bible, dijina dyandi i mwidilembeje’mo misunsa 7 000 ne kupita! a Dijina Yehova i ditelelwe’nka “Leza wa bine momwa mūlu ne pano panshi pene.”—Kupituluka mu Bijila 4:39.
2. Lelo i bika bitusapwila Bible padi Yehova?
Bible unena’mba mu baleza bonso batōtwa na bantu, Yehova ye Leza umo kete wa bine. Mwanda waka? Kudi bubinga buvule. Yehova udi na lupusa lupite lonso, kadi Aye bunka bwandi ye “Mwine wa Peulu Mwine pa ntanda yonso.” (Tangai Ñimbo ya Mitōto 83:18.) Aye ye “Mwinē Bukomo Bonso,” kushintulula ko kunena’mba, udi na bukomo bwa kulonga kintu kyonso kyatonga kulonga. “Wapangile bintu byonso”—diulu, ne ntanda, ne byūmi bidi’po. (Kusokwelwa 4:8, 11) Yehova i mwishile na muntu mukwabo yense, mwanda aye udi’ko nyeke, kadi ukekala’ko nyeke.—Ñimbo ya Mitōto 90:2.
LANGULUKA BININGE
Tala kwishila kwishidile bitenta bya Leza ne dijina dyandi dya bunka. Kupwa wifunde kuyuka mwaasokwedile dijina dyandi kodi ne mwanda waka.
3. Leza udi na bitenta bivule, ino udi na dijina’tu dimo
Pa kumona mwishidile kitenta kya muntu ne dijina dyandi, talai VIDEO, ne kwisambila pa kino kipangujo:
-
Lelo kitenta pamo bwa “Mfumwetu,” i kishile namani na dijina?
Bible unena’mba bantu batōtanga baleza bavule ne bamfumwabo bavule. Tangai Ñimbo ya Mitōto 136:1-3, ne kwisambila pa kino kipangujo:
-
Lelo “Leza wa baleza” ne “Mfumwandya bamfumu” i ani le?
4. Yehova usakanga abe uyuke dijina dyandi ne kumwita’dyo
Le i bika bilombola’mba Yehova ukusakilanga uyuke dijina dyandi? Talai VIDEO, ne kwisambila pa kino kipangujo:
-
Le ulanga Yehova usakanga dijina dyandi diyukane? Mwanda waka?
Yehova usakanga bantu bamwite pa dijina dyandi. Tangai Bene Loma 10:13, ne kwisambila pa bino bipangujo:
-
Le kwita dijina dya Leza, Yehova, kudi na mvubu’ka?
-
Le wiivwananga namani shi muntu wavuluka dijina dyobe ne kwiditela?
-
Le ulanga Yehova wiivwananga namani shi ubamwite pa dijina dyandi?
5. Yehova usaka umufwene bininge
Soten, mwana-mukaji umo wa mu Kambodia wanenene amba kuyuka kwaayukile dijina dya Leza kwamukweshe ekale na ‘nsangaji mikatampe bininge’ mu būmi bwandi. Talai VIDEO, ne kwisambila pa kino kipangujo:
-
Mu ino video, būmi bwa Soten bwashintyile namani paefundile dijina dya Leza?
Kumeso kwa kupwana na muntu, divule, ukasaka bidi kuyuka dijina dyandi. Tangai Yakoba 4:8a, ne kwisambila pa bino bipangujo:
-
Lelo i bika bikusakila Yehova kulonga?
-
Kuyuka dijina dya Leza ne kumwita’dyo, bikakulengeja namani wiivwane bu udi pabwipi nandi?
BANTU BAMO BANENANGA’MBA: “Kudi Leza umo kete, nansha shi umutele namani, kekudipo mwanda.”
-
Lelo ukulupile amba dijina dya Leza i Yehova?
-
Le ukashintulula’byo namani pa kulombola’mba Yehova usakanga tumwite na kutela dijina dyandi?
MU KĪPI
Dijina dya Leza umo kete wa bine i Yehova. Usakanga twidiyuke kadi tumwite’dyo amba tufwene pabwipi nandi.
Pitulukai’mo
-
Le Yehova i mwishile namani na baleza bakwabo batōtwa na bantu?
-
Mwanda waka tufwaninwe kutela dijina dya Leza?
-
I bika bilombola’mba Yehova usakanga tumufwene?
KIMBA
Tala bubinga butano bukulupilwa bulombola’mba Leza udi’ko.
Tala umone mwanda waka kukulupila’mba Leza udi’ko nyeke i kwendele’mo.
“Lelo I Ani Wāpangile Leza?” (Kiteba kya Mulami, 1 Kweji 8, 2014)
Wifunde umone mwanda waka tufwaninwe kutela dijina dya Leza, nansha shi mutelelo wadyo wa kala keuyukenepo.
Lelo kutela Leza monso motusakila kudi na mwanda? Tala umone mwanda waka tunena’mba Leza udi na dijina dya bunka dimo kete.
“Lelo Leza Udi na Majina Anga?” (Kishinte kya pa Entelenete)
Tala'po Bidi ne Bino:
BIPANGUJO BIPANGULWANGA DIVULE
Le Kifundwa kya Bible Kīfundanga Batumoni ba Yehova na Bantu I Bika?
Mu mpangiko ya kwifunda Bible ku bitupu na Batumoni ba Yehova, ubwanya kwingidija’mo bwalamuni bo-bonso bwa Bible. Ita kisaka kyobe kyonso nansha balunda nobe batanwe’po.
