XNAQʼTZBʼIL 04
¿Alkyexix Dios?
Atxix tej ttzaj tzyet kyanqʼibʼil xjal twitz Txʼotxʼ, o che kʼulin xjal kywitz nimku dios. Pero in yolin Biblia tiʼj jun Dios «mas nim tipumal» kywitz txqantl dios (2 Crónicas 2:5). ¿Alkye Dios lu? ¿Tiquʼn mas nim toklen kywitz txqantl dios in che kʼulin xjal kywitz? Bʼaʼn tuʼn tel tnikʼa tiʼj toj xnaqʼtzbʼil lu tiʼ taj Dios tuʼn tok tojtzqiʼna tiʼj.
1. ¿Alkye tbʼi Dios ex tiquʼn ojtzqiʼn quʼn qa taj tuʼn tel qnikʼ tiʼj tbʼi?
In najbʼen Biblia tuʼn Dios tuʼn ttzaj tqʼamaʼn qe alkye tbʼi. In tzaj tqʼamaʼn jlu qe: «Aqine Jehová porke atzun nbʼiye» (uʼjinktza Isaías 42:5, 8). Atz tzajni bʼibʼaj Jehová tiʼj jun yol hebreo, ex in tzaj kyqʼamaʼn nim aj xnaqʼtzal qa a t-xilen «a in nok te tkyaqil». Taj Jehová tuʼn tok qojtzqiʼn tbʼi (Éxodo 3:15). ¿Tiquʼn in xi qqʼamaʼn jlu? Tuʼnju ok tilil tuʼn tuʼn tkyaj tzʼibʼin tbʼi mas te 7,000 maj toj Biblia. a Tuʼntzunju, Jehová tbʼi Dios «at tuj kyaʼj ex twitz txʼotxʼ» (Deuteronomio 4:39).
2. ¿Tiʼ in tzaj tqʼamaʼn Biblia qe tiʼj Jehová?
In tzaj tqʼamaʼn Biblia moqa Xjan Uʼj qa kyxol qeju dios in che kʼulin xjal kywitz, a Jehová Dios axix tok. ¿Tiquʼn in xi qqʼamaʼn jlu? Tnejel, tuʼnju a Jehová «Dios Maʼxix Toklen tibʼaj tkyaqil twitz txʼotxʼ» (uʼjinktza Salmo 83:18). Ex «at [nim] tipumal», a t-xilen jlu qa jaku bʼant alkyexku tiʼ tuʼn. Ax ikx a Bʼinchal tkyaqilju at twitz kyaʼj ex twitz Txʼotxʼ (Apocalipsis 4:8, 11). Ex oʼkx te Jehová o ten ex kukx ktel te jumajx (Salmo 90:2).
QO JYON MAS TQANIL
Qo xnaqʼtzan tiʼj tiquʼn junxitl tbʼi Dios kyukʼil junjuntl título in xi qʼamet tiʼj. Ex kʼelel qnikʼ tiʼj alkye tten in tzaj tqʼamaʼn tbʼi qe ex tiquʼn taj tuʼn tok qojtzqiʼn.
3. In xi qʼamet nim título tiʼj Dios, pero oʼkx jun tbʼi at
Tuʼn tel kynikʼe tiʼj tiquʼn junxitl qe título in che ajbʼen tiʼj jun xjal twitzju tbʼi, kyqʼonke kywitze tiʼj VIDEO ex che yoline tiʼj xjel lu:
-
¿Tiquʼn junxitl jun título twitz jun bʼibʼaj?
In tzaj tqʼamaʼn Tyol Dios qa in che kʼulin xjal kywitz nimku dios. Kyuʼjinktze Salmo 136:1 a 3 ex che yoline tiʼj xjel lu:
-
¿Alkye Dios «maʼxix toklen kywitz qeju nnoʼk kydiosin xjal» ex «kyajaw kykyaqil qeju at kyoklen»?
4. Taj Jehová tuʼn tok tojtzqiʼna tbʼi ex tuʼn tajbʼen tuʼna
¿Tzeʼn ojtzqiʼn quʼn qa taj Jehová tuʼn tok tojtzqiʼna tbʼi? Kyqʼonke kywitze tiʼj VIDEO ex che yoline tiʼj xjel lu:
-
¿Tiquʼn taj Jehová tuʼn tok kyojtzqiʼn xjal tbʼi?
Taj Jehová tuʼn tajbʼen tbʼi kyuʼn xjal. Kyuʼjinktze Romanos 10:13 ex che yoline kyiʼj xjel lu:
-
¿Tiquʼn nim toklen tuʼn tajbʼen tbʼi Jehová quʼn?
-
¿Tiʼ in kubʼ tnaʼna aj ttzaj txkoʼna tuʼn jun xjal tuʼn tbʼiya?
-
¿Tiʼtzulo in kubʼ tnaʼn Jehová aj tajbʼen tbʼi tuʼna?
5. Taj Jehová tuʼn toka te tamiw
Tqʼama jun xuʼj Soten tbʼi te tnam Camboya qa aju mas tbʼanel jaku tzikʼ toj qanqʼibʼil aju tuʼn tok qojtzqiʼn tbʼi Dios. Kyqʼonke kywitze tiʼj VIDEO ex che yoline tiʼj xjel lu:
-
Ik tzeʼn ma tzʼok qkeʼyin toj video, ¿tzeʼn onin tiʼj Soten tej tok tojtzqiʼn tbʼi Dios?
Aj tok qojtzqiʼn jun xjal, in nok qojtzqiʼn alkye tbʼi tuʼntzun qok te tamiw. Kyuʼjinktze Santiago 4:8a ex che yoline kyiʼj xjel lu:
-
¿Tiʼ taj Jehová tuʼn tbʼant tuʼna?
-
Qa ma tzʼok tojtzqiʼna tbʼi Dios ex qa ma tzʼajbʼen tuʼna, ¿jakupe tzʼonin tiʼja tuʼn tok laqʼeʼya ttxlaj?
AJU IN TZAJ KYQʼAMAʼN JUNJUN XJAL: «Junx Dios at, jaku tzʼajbʼen alkyexku tbʼi quʼn».
-
¿Qʼuqlipe tkʼuʼja tiʼj qa Jehová tbʼi Dios?
-
¿Tzeʼn jaku txi tchikʼbʼaʼna kye txqantl qa taj Dios tuʼn tajbʼen tbʼi quʼn?
TOJ CHʼIN YOL
Ma tzʼel qnikʼ tiʼj qa Jehová tbʼi Dios axix tok. Taj tuʼn tok qojtzqiʼn tbʼi ex tuʼn tajbʼen quʼn tuʼntzun qok te tamiw.
Aju ma qo yolin tiʼj
-
¿Tiquʼn junxitl te Jehová kywitz qeju dios in che kʼulin xjal kywitz?
-
¿Tiquʼn il tiʼj tuʼn tajbʼen tbʼi Dios quʼn?
-
¿Tzeʼn ojtzqiʼn tuʼna qa taj Jehová tuʼn toka te tamiw?
OJTZQINKA CHʼINTL
Xnaqʼtzankuya jweʼ yekʼbʼil aʼyeju in tzaj kyyekʼin qa ax tok at Dios.
Bʼaʼn tuʼn tel tnikʼa tiʼj tiquʼn toj tumel aj tkubʼ qximen qa kukx o ten Dios.
«¿Alkye kubʼ bʼinchante Dios?» (Aju Xqʼuqil, 1 te agosto te 2014)
Maske mintiʼ ojtzqiʼn quʼn alkye tten in xi qʼamettoq tbʼi Dios toj ambʼil ojtxe, ojtzqinka tiquʼn nim toklen tuʼn tajbʼen quʼn.
¿Alkye tbʼi Dios tuʼn tajbʼen quʼn? Ojtzqinka tiquʼn in xi qqʼamaʼn qa oʼkx jun tbʼi Dios at.
a Kkanetel mas tqanil tuʼna tiʼj tiʼ t-xilen tbʼi Dios toj xnaqʼtzbʼil 1 toj uʼj Onbʼil tuʼn qxnaqʼtzan, jatumel in tzaj qʼamaʼn tiquʼn mintiʼ o kux qʼoʼn tbʼi Dios kyoj junjun traducción tiʼj Biblia.
Bʼalo ax ikx tgana jlu
AʼYEJU XJEL MAS IN CHE TZAJ QANIN
¿Tzeʼn in xi kyqʼoʼn testigos de Jehová xnaqʼtzbʼil tiʼj Tyol Dios?
Aj t-xnaqʼtzana tiʼj Tyol Dios kyukʼil testigos de Jehová, jaku tzʼajbʼen texa ttraducción tiʼj Tyol Dios ex jaku che tzaj ttxkoʼna qe toj tjaya ex qe tamiwa tuʼn kyten tukʼila.
