XØRꞸ 04
¿Kjo ngeje Mizhokjimi?
Ndizi ke go nga̱ra̱ ntee kja ne xoñijomꞹ, go mbꞹrꞹ go matrʼꞹji na punkjꞹ mizhokjimi. Pe, ne Biblia nⱥdʼⱥ na Mizhokjimi ke “me na zɇzhi kja texe yo dyaja mizhokjimi” (2 Crónicas 2:5). ¿Kjo ngeje angeze? ¿Ñe pje nge kʼo kjapꞹ kʼꞹ dya chjenjui yo dyaja mizhokjimi ke matrʼꞹ yo ntee? Kja ne xørꞹ ri pjechi kʼo nee Mizhokjimi ke ri pa̱rge ja ga nge angeze.
1. ¿Pje ni chju̱u̱ e Mizhokjimi, ñe pjenga ri pa̱rgøji ke angeze nee ke ra pa̱ra̱ji o trju̱u̱?
Kja ne Biblia e Mizhokjimi mantsʼɇ: “Ngezgø e Jehová. Je ni chju̱zgø akjanu” (xørꞹ Isaías 42:5, 8). Ne trju̱u̱ Jehová je ni ñe̱je̱ kja ne jñaa hebreo, ngekʼua yo xørꞹ yo jñayo manji ke nee ra mama “angeze kjapꞹ ra zⱥdʼⱥ o ra bʼꞹbʼꞹ”. Jehová nee ke ra pa̱rgøji o trju̱u̱ (Éxodo 3:15). ¿Pjekja ri pa̱rgøjiyo? Nangeje angeze o tsjaa ke o trju̱u̱ ro dyopjꞹji kja ne Biblia, ixko kjogꞹtrjo 7.000 kʼꞹ bi jñu̱sʼꞹji. a Jehová nge o trju̱u̱ e “Mizhokjimi kʼꞹ na kjuana ajensʼe ñe kja ne xoñijomꞹ” (Deuteronomio 4:39).
2. ¿Pje jitsʼkøji kja ne Biblia ja ga ngeje e Jehová?
Kja ne Biblia mama ke, texe yo mizhokjimi ke matrʼꞹji yo ntee, ngextrjo e Jehová nge nu Mizhokjimi kʼꞹ na kjuana. ¿Pjenga? Bʼꞹbʼꞹ na punkjꞹ kʼo kjakʼꞹji ra kjijñiji akjanu. E Jehová nge nu manda texe ñe ”me na nojo kja texe ne xoñijomꞹ” (xørꞹ Salmo 83:18). Ngextrjo angeze “me na zɇzhi”, nuyo nee ra mama ke angeze søø ra tsjaa texe kʼo nee. Xo go dyⱥtrʼⱥ, “texe yo bʼꞹbʼꞹ”: ajensʼe ñe yo bʼꞹbʼꞹ kja ne Xoñijomꞹ (Apocalipsis 4:8, 11). Xo ñe e Jehová dya tu̱u̱, ñe ra bʼꞹbʼꞹ texe yo paa (Salmo 90:2).
TEXE YO JÑAA KE ME NI MUBI RA PA̱RA̱JI
Ra nuji ke dya chjenjui ke ngextjo ra manji Mizhokjimi, Palesito ajensʼe, Diosi, ñe o trju̱u̱, na trju̱u̱ ke ngextrjo nge o kjaja angeze. Xo ra pa̱ra̱ji ja ga jitsʼkøji o trju̱u̱ ñe pjenga nee ke ra pa̱ra̱ji pje ni chju̱u̱.
3. Nʼaño ja ga xipjiji Mizhokjimi, pe dʼatrjo o trju̱u̱
-
¿Pjenga dya chjenjui na trju̱u̱ ñe na título, nzakja se̱e̱?
Ne Biblia mama ke yo ntee matrʼꞹji na punkjꞹ mizhokjimi ñe tsʼita. Xørꞹbi Salmo 136:1-3 ñe ri chjꞹrꞹbi ne trʼønꞹ nu ba e̱je̱:
-
¿Kjo ngeje nu “Mizhokjimi kja yo mizhokjimi”, ñe nu “Se̱e̱ kja yo se̱e̱”?
4. Jehová nee ke ri pa̱rge pje ni chju̱u̱ ñe ri nⱥdʼⱥ o trju̱u̱
-
¿Pjenga gi kjijñige ke e Jehová nee ke yo ntee ra mba̱ra̱ji o trju̱u̱ angeze?
Jehová nee ke yo ntee ra nⱥmbʼⱥji o trju̱u̱. Xørꞹbi Romanos 10:13 ñe ri chjꞹrꞹbi yo trʼønꞹ yo ba e̱je̱:
-
¿Pjenga dya ra jɇziji ra nⱥdʼⱥji o trju̱u̱ e Mizhokjimi, Jehová?
-
¿Ja gi søge ma dʼa ntee zokʼꞹ ko in chju̱ge?
-
¿Pje gi kjijñige, ja ga zøʼø e Jehová ma gi nⱥmbʼⱥ o trju̱u̱?
5. Jehová nee ke ri jogebi
-
Nzakja ro nubi kja ne video, ¿ja ba mbøsʼꞹ e Soten ro mba̱ra̱ o trju̱u̱ e Mizhokjimi?
Ma gi nee ri jogebi na ntee otrʼꞹ ri pa̱ra̱ pje ni chju̱u̱. Xørꞹbi Santiago 4:8a ñe ri chjꞹrꞹbi yo trʼønꞹ yo ba e̱je̱:
-
¿Pje nee e Jehová ke ri tsjage?
-
¿Gi kjijñige ke ma ri pa̱ra̱ ñe ri nⱥmbʼⱥ o trju̱u̱ e Mizhokjimi ra mbøxkʼꞹ ri chɇzhi ko angeze? ¿Pjenga?
BʼꞸBʼꞸ KʼO MANJI: “Dʼatrjo Mizhokjimi kʼꞹ bʼꞹbʼꞹ, ngekʼua dya nrra ni mubi ja rga zopjꞹji”.
-
¿Gi kjijñige ke Jehová ngeje o trju̱u̱ e Mizhokjimi?
-
¿Ja rgi xipji yo dyaja ke Jehová nee ke ra nⱥmbʼⱥji o trju̱u̱?
KʼO YA RO NUJI
Jehová nge o trju̱u̱ e Mizhokjimi kʼꞹ na kjuana. Angeze nee ke ra pa̱ra̱ji o trju̱u̱ ñe ke ra nⱥmbʼⱥji, akjanu søø ra joji.
Pje gi mbeñege
-
¿Ja ga ñetse ke Jehová dya chjenjui yo dyaja diosi ke matrʼꞹji yo ntee?
-
¿Pjenga ra nⱥmbʼⱥji o trju̱u̱ e Mizhokjimi?
-
¿Jehová nee ke ri jogebi? ¿Pjekja i mangekʼo?
XE SØØ RI PA̱RA̱
Ñuu tsichʼa kʼo ra mbøxkʼꞹ ri unꞹ nguenda ke bʼemi bʼꞹbʼꞹ e Diosi.
Ñuu pje kja ri manji ke e Diosi bʼꞹbʼꞹ ndeze mi jingua, yo padya ñe kʼo paa kʼo ra e̱je̱.
“¿Kjo go dyⱥtrʼⱥ e Mizhokjimi?” (La Atalaya, 1 de agosto de 2014)
Ñuu pjenga ra nⱥmbʼⱥji o trju̱u̱ e Palesito ajensʼe zø dya ri pa̱ra̱ji ja ma nⱥdʼⱥji mi jingua.
¿Na joo ra pa̱ra̱ji ja rga zopjꞹji e Palesito ajensʼe? Ñuu pjenga ri manji ke e Palesito ajensʼe pɇsʼi o trju̱u̱.
“¿Janzi trju̱u̱ pɇsʼi e Palesito ajensʼe?” (Xørꞹ kja jw.org)
a Xi ri chotrʼꞹ pje nee ra mama o trju̱u̱ Mizhokjimi ñe pjenga kja na punkjꞹ Biblia dya kja ju̱sʼꞹji o trju̱u̱ angeze, kja ne apéndice A4 La Biblia. Traducción del Nuevo Mundo..
Puede que también le interese
KʼO ME ØNꞸJI
¿Ja ga kjaa ne curso bíblico kʼꞹ unꞹji yo testigo e Jehová?
Kja ne curso interactivo søø ri xørꞹge ne Biblia kʼꞹ gi nege. Dya pje ri tsjontrʼꞹ. Søø ri zojnꞹge kja ne curso texe ni pjamiliage ñe yo ntee yo gi joge.
