ESENUPANTOꞌ 04
Anîꞌ Mîîkîrî Paapa?
Pena pata ippiaꞌtî yai, pemonkonyamîꞌ eputîꞌpî, inkamoroya paapayamîꞌ yapurîtoꞌpe. Tîîse Paapa Maimuya taa pî man, moro man kureꞌnan Paapa tamîꞌnawîrî paapayamîꞌ yentainon. Anîꞌ mîîkîrî? Îꞌ wani awanî yeꞌnen Paapa Maimuya taa, mîîkîrî wanî kureꞌne tiaronkon yentai? Senni Paapa man, amîrîya mîîkîrî epuꞌtî yuꞌse, mîrîrî eraꞌma sîrîrî yenupantoꞌya.
1. Oꞌnon yeꞌka Paapa eseꞌ? Paapa man iteseꞌ epuꞌtî yuꞌse. Oꞌnon yeꞌka pe yenpoiya mîrîrî yuꞌse awanî?
Anîꞌ mîîkîrî Paapa? Imaimuya “anîꞌ pe” mîîkîrî wanî taa pî man. Paapaya taꞌpî Isaias 42:5, 8 ya: “Jeová uyeseꞌ, see panpe uyeseꞌ man.” (Eraꞌmakî Isaías 42:5, 8, TNM) Îꞌ taa yuꞌse Paapa eseꞌ Jeová wanî? Inîꞌ panpîꞌ esenupakoiꞌkonya taa: Paapa eseꞌ Jeová, Hebraico pe wanî “Mîîkîrîya îꞌ kupî manni aweꞌkupî”. Jeová man iteseꞌ epuꞌtî yuꞌse. (Êxodo 3:15) Oꞌnon yeꞌka pe mîrîrî epuꞌtî yairî? Mîîkîrîya esatîꞌpî iteseꞌ imenukatoꞌpe inîꞌ panpîꞌ 7.000 iteꞌka kaisarî imaimuya! a (Imenukasaꞌ itoꞌkoꞌ eraꞌmakî - Nota.) Yairon Paapa neken wanî kaꞌ po, moropai tarî pata po mîîkîrî see neken wanî eꞌpainon. — Deuteronômio 4:39.
2. Îꞌ taa Paapa Maimuya Jeová pî?
Mararî pra pemonkonyamîꞌya tiaronkon paapayamîꞌ yapurî pî man, tîîse Paapa Maimuya taa pî man, tiwinan neken mîîkîrî Paapa Jeová. Îꞌ wani awanî yeꞌnen mîrîrî taiya? Tuꞌke eseurîmantoꞌ man mîrîrî pî. Tiaron ton pra man Jeová yentainon, mîrîrî yeꞌnen Salmo 83:18 ya taa pî man: “amîrî neken kureꞌnan, tamîꞌnawîrî yentainon tarî pata po”. (TNM) Jeová mîîkîrî “meruntî tamîꞌnawîron yentainon”, maasa îꞌ ituꞌse aweꞌtoꞌ konekanen. Mîîkîrîya tamîꞌnawîron konekaꞌpî, kaꞌ moropai Pata. (Apocalipse 4:8, 11) Paapa mîîkîrî tiwinan ipatîkarî koꞌmankoi. — Salmo 90:2.
ESENUPAKÎ INÎꞌ PANPÎꞌ
Paapa eseꞌ pî esenupakî epuꞌtoꞌpe amîrîya, tîponarî awanî yeꞌnen. Eraꞌmakî nîrî îꞌ tonpe iteseꞌ yenpoꞌpîiya amîrîya epuꞌtoꞌpe moropai îꞌ wani awanî yeꞌnen mîrîrî konekaꞌpîiya.
3. Tuꞌke eseꞌkon man Paapa pia, tîîse moro man yairon Paapa eseꞌ
Îꞌ wani awanî yeꞌnen morî pe puꞌkuru pemonkon eseꞌ eraꞌma? Yuꞌtoꞌ eraꞌmatoꞌpe, PANTON eraꞌmatî. Tarîpai seeni itoꞌkoꞌ manni pî eseurîmatî:
-
Yepotorî taa manni wanî pemonkon eseꞌ pe? Mîrîrî pî eseurîmakî.
Paapa Maimuya taa pî man mararî pra pemonkonyamîꞌya paapayamîꞌ yapurî moropai yepotorî nîrî. Salmo 136:1-3 ya taa pî man: “Morî pe Jeová wanî yeꞌnen, morî pe man kaꞌtî; Esaꞌnamatoꞌ koꞌmamî yeꞌnen ipatîkarî. 2 Morî pe man kaꞌtî Paapa pî tiaronkon paapayamîꞌ yentainon pî, esaꞌnamatoꞌ koꞌmamî yeꞌnen ipatîkarî. 3 Morî pe man kaꞌtî kureꞌnan yepotorîkon pî tiaronkon yepotorîkon yentainon mîîkîrî, esaꞌnamatoꞌ koꞌmamî yeꞌnen ipatîkarî”. (TNM) Tarîpai seeni itoꞌkoꞌ manni pî eseurîmatî:
-
Anîꞌ mîîkîrî Paapa tiaronkon paapayamîꞌ yentainon moropai tiaronkon yepotorîkon yentainon?
4. Jeová man amîrîya iteseꞌ epuꞌtî yuꞌse
Amîrîya iteseꞌ epuꞌtî yuꞌse Paapa man. Îꞌ ya mîrîrî yenpo? PANTON eraꞌmatî. Tarîpai seeni itoꞌkoꞌ manni pî eseurîmatî:
-
Îꞌ wani awanî yeꞌnen pemonkonyamîꞌya iteseꞌ epuꞌtî yuꞌse Paapa wanî taa amîrîya?
Jeová man pemonkonyamîꞌya iteseꞌ yenkaꞌma yuꞌse. Romanos 10:13 ya taa pî man: “Taasaꞌ Paapa maimu eꞌmenukasaꞌya manniꞌ warantî pîikaꞌtîiya.—Manniꞌ Jeová pîꞌ tîweꞌpîikaꞌtîtoꞌ ton esaꞌnen ya eꞌpîikaꞌtî—taasaiꞌya man”. (TNM) Tarîpai seeni itoꞌkoꞌ manni pî eseurîmatî:
-
Îꞌ wani awanî yeꞌnen morî pe puꞌkuru wanî Paapa Jeová eseꞌ yenkama uurînîkonya?
-
Oꞌnon yeꞌka pe amîrî esepuꞌtî îꞌ pensa anîꞌya ayeseꞌ pî enpanata?
-
Oꞌnon yeꞌka pe Paapa esepuꞌtî îꞌ pensa amîrîya iteseꞌ yenkama?
5. Aminke mare uurînîkon yuꞌse Jeová man tîîpia
Wîriꞌ panton eraꞌmakî Camboja pata po koꞌmankoi, iteseꞌ Soten. Mîîkîrîya taꞌpî morî pe puꞌkuru Paapa eseꞌ epuꞌtîꞌpîiya moropai îꞌ taa yuꞌse iteseꞌ eꞌtoꞌ pî esenupaꞌpî. PANTON eraꞌmatî. Tarîpai seeni itoꞌkoꞌ manni pî eseurîmatî:
-
Oꞌnon yeꞌka pe Soten koꞌmantoꞌ moꞌtaꞌpî Paapa eseꞌ epuꞌtîiya yai?
Maasa pemonkon eseꞌ epuꞌtî eserîke pra man yonpakon pe aweꞌtoꞌpe. Eraꞌmakî Tiago 4:8a. Tarîpai seeni itoꞌkoꞌ manni pî eseurîmatî:
-
Îꞌ yeꞌka etatoꞌ tîrî Jeováya aapia?
-
Oꞌnon yeꞌka pe Paapa eseꞌ epuꞌtîya ya moropai yenkamaya ya, mîrîrîya amîrî pîikatî eꞌpainon aminke mare amîrî eꞌtoꞌpe mîîkîrî pia?
TIARONKONYA TAA: “Tiwinan neken Paapa. Moriya, îꞌ wani pra wanî tîponarî mîîkîrî esatîya ya.”
-
Inna taa amîrîya Paapa eseꞌ wanî Jeová pe?
-
Paapa man pemonkonyamîꞌya iteseꞌ yenkama yuꞌse. Oꞌnon yeꞌka pe pemonkon yeurîmaya eꞌpainon mîrîrî pî?
Îꞌ PÎ ESENUPA PÎ NAN?
Paapa Jeová mîîkîrî tiwinan neken yairon. Aminke mare uurînîkon yuꞌse awanî iipia. Mîrîrî yeꞌnen morî pe puꞌkuru wanî iteseꞌ epuꞌtoꞌpe.
Enpanatapaiꞌnîkon
-
Tuꞌke paapayamîꞌ man, tîîse îꞌ wani awanî yeꞌnen tîponarî Paapa Jeová wanî?
-
Îꞌ wani awanî yeꞌnen morî pe puꞌkuru wanî Paapa Jeová eseꞌ yenkama?
-
Amîrîya iteseꞌ epuꞌtî yuꞌse Paapa man. Îꞌ ya mîrîrî yenpo?
INÎꞌ PANPÎꞌ ESENUPAPAI NAN?
Moro Paapa man yairon. Miaꞌtaikin kaisarî eraꞌmakî mîrîrî pî.
Moro Paapa man. Mîrîrî eraꞌmakî inna taatoꞌpe amîrîya mîrîrî pî.
“Anîꞌya Paapa konekaꞌpî?” (A Sentinela, 1.º agosto kapoi pî, 2014 konoꞌ pî)
Uurînîkonya epuꞌtî pra man oꞌnon yeꞌka pe Paapa eseꞌ esatîꞌpî penaronkon pemonkonyamîꞌya. Tîîse, Paapa eseꞌ pî esenupakî morî pe puꞌkuru awanî yeꞌnen.
“Anîꞌ mîîkîrî Jeová moropai îꞌ tonpe iteseꞌ wanî morî pe puꞌkuru?” (jw.org eseurîmantoꞌ pî)
Paapa eseꞌ esatî moropai Paapa eseꞌ esatî pepîn, mîrîrî wanî îꞌ wani pra? Paapa man iteseꞌ ke. Mîrîrî eraꞌmakî îꞌ wani awanî yeꞌnen mîrîrî taa annaya.
Îꞌ warapo kaisarî Paapa eseꞌ wanî?” (jw.org eseurîmantoꞌ pî)
a Nota: Inîꞌ panpîꞌ epuꞌtîtoꞌpe Paapa eseꞌ pî, moropai epuꞌtî nîrî îꞌ tonpe Paapa eseꞌ moꞌkaꞌpî toꞌya imaimu yapai. Apêndice A4 eraꞌmakî: Tradução do Novo Mundo da Bíblia Sagrada/New World Translation of the Holy Scriptures ya.
