LECCIÓN 04
¿Nde kuu Yandios?
Nde kɨvɨ ni kejaʼa ñuuyɨvɨ́, nda ñayí chiñuʼun-ji nu̱u̱ kuaʼa tuni yandios. De Biblia kaʼan sɨkɨ Yandios ja “kuñaʼnu tuni ka nu̱u̱ sava ka yandios” (2 Crónicas 2:5, TNM). ¿De nde ɨn Ya̱a̱ kuu? ¿Ji naguá saʼa ja kuñaʼnu ka-Ya nu̱u̱ ndɨʼɨ ka yandios ja chiñuʼun nda ñayí? Kutuʼva-ní nu̱u̱ lección yaʼa sɨkɨ naguá kúni Yandios ja kuni-ní sɨkɨ maa-Ya.
1. ¿Na̱sa nani Yandios, de na̱sa jíni̱-yo ja maa-Ya kúni-Ya ja kuni-yo sɨvɨ-Ya?
Nu̱u̱ Biblia, Yandios kachi-Ya nde kuu maa-Ya: “Maa-ni kuu Jeová. Yaʼa kuu sɨvɨ-ni” (kaʼvi-ní Isaías 42:5, 8, TNM). Jeová kuu sɨvɨ nu̱u̱ yuʼu hebreo, de ka kachi sava nda ñayí tuʼva, ja kúni kaʼan “maa-Ya saʼa ja kenda kuu”. Jeová kúni-Ya ja ná kuni-yo sɨvɨ-Ya (Éxodo 3:15, TNM). ¿Na̱sa jíni̱-yo? Chi maa-Ya ni saʼa-Ya ja jakoso sɨvɨ-Ya nu̱u̱ Biblia viʼi ka 7.000 ji̱chi. a Jeová kuu sɨvɨ “Yandios nda̱a̱ andɨvɨ́ nu̱u̱ súkún ji nu̱u̱ ñuʼun” (Deuteronomio 4:39, TNM).
2. ¿Naguá nakani Biblia sɨkɨ Jeová?
Nu̱u̱ Biblia kachi ja, nu̱u̱ ndɨʼɨ nda yandios ja chiñuʼun nda ñayí, matuʼun Jeová kuu Yandios nda̱a̱. ¿De nakú? Iyo kuaʼa tuʼun ja kachi nakú. Jeová kuu Yandios kuñaʼnu tuni ka, “ja Súkún tuni ka nɨkaʼnu nu̱u̱ ñuʼun” (kaʼvi-ní Salmo 83:18, TNM). Maa-Ya kuu “ja Ndakui tuni ka”, de ñukua kúni kaʼan ja nevaʼa-Ya ja ndakui tágua saʼa-Ya ndɨʼɨ ja kúni-Ya. Suni maa-Ya ni saʼa ndɨʼɨ nda ndatiñu, maa-Ya ni saʼa “ndɨʼɨ ja iyo”: andɨvɨ́, Ñuʼun ji nda ja teku ja iyo nu̱u̱-ji (Apocalipsis 4:8, 11). Suni, Jeová kuu matuʼun ja ja̱ iyo nɨkani ji nɨkani koo-Ya (Salmo 90:2, TNM).
NÁ KUTUʼVA KA-YO SƗKƗ TUʼUN YAʼA
Ná kundeʼe-yo nakú siin kuu nda título Yandios ji sɨvɨ-Ya, ɨn sɨvɨ ja kuu kuenta matuʼun-Ya. Suni kutuʼva-yo na̱sa steʼen-Ya sɨvɨ-Ya nu̱u̱-yo ji nakú kúni-Ya ja ná kuni-yo na̱sa nani-Ya.
3. Yandios nevaʼa-Ya kuaʼa título, de ɨn ni̱ sɨvɨ
Tágua kundeʼe-ní ja siin kuu título ɨn ñayí jín sɨvɨ-ji, ka kundeʼe-ní VIDEO de ka ndatuʼun-ní sɨkɨ nda tuʼun yaʼa:
-
¿Nakú siin kuu ɨn sɨvɨ ji ɨn título, tanu kuu señor?
Nu̱u̱ Biblia kachi ja nda ñayí chiñuʼun-ji kuaʼa yandios ji señor. Ka kaʼvi-ní Salmo 136:1-3, TNM de ka ndatuʼun-ní sɨkɨ nda tuʼun yaʼa:
-
¿Nde kuu “Yandios nu̱u̱ nda yandios” ji “Señor de señores”?
4. Jeová kúni-Ya ja kuni-ní sɨvɨ-Ya ji kuatiñu-ní
¿Na̱sa jíni̱-yo ja Jeová kúni-Ya ja kuni-ní sɨvɨ-Ya? Ka kundeʼe-ní VIDEO de ka ndatuʼun-ní sɨkɨ nda tuʼun yaʼa:
-
¿Nakú jani ini maa-ní ja Jeová kúni-Ya ja kuni-ní sɨvɨ-Ya?
Jeová kúni-Ya ja nda ñayí kuatiñu-ji sɨvɨ-Ya. Ka kaʼvi-ní Romanos 10:13 de ka ndatuʼun-ní sɨkɨ nda tuʼun yaʼa:
-
¿Nakú kánuu tuni ja kuatiñu-yo sɨvɨ Yandios, Jeová?
-
¿Na̱sa kuu ini maa-ní ta ɨn ñayí kaʼan-ji nu̱u̱-ní jín sɨvɨ-ní?
-
¿Na̱sa jani ini maa-ní ja kuu ini Jeová ta jatiñu-ní sɨvɨ-Ya?
5. Jeová kúni-Ya ja kitaʼan ini-ní jín-Ya
Ɨn ñaʼan ñuu Camboya ja nani-ña Soten ni kachi-ña ja ja kutuʼva sɨvɨ Yandios kuu ɨn ja vaʼa tuni ka ja kuu nu̱u̱ ɨn ñayí. Ka kundeʼe-ní VIDEO de ka ndatuʼun-ní sɨkɨ nda tuʼun yaʼa:
-
Tanu kachi video, ¿na̱sa ni sa̱ma nu̱u̱ Soten ta ni jini-ña sɨvɨ Yandios?
Tágua kuu kitaʼan ini-yo jín ɨn ñayí, xinañuʼun jiniñuʼun kuni-yo sɨvɨ-ji. Ka kaʼvi-ní Santiago 4:8a de ka ndatuʼun-ní sɨkɨ nda tuʼun yaʼa:
-
¿Naguá ku̱ú taʼa̱n ini Jeová ja saʼa maa-ní?
-
¿A jani ini maa-ní ja kuu chíndeé nu̱u̱-ní kuñati-ní nu̱u̱ Yandios nú kuni-ní sɨvɨ-Ya ji kuatiñu-ní? ¿De nakú?
JA KACHI SAVA NDA ÑAYÍ: “Sɨkɨ ja iyo ɨn ni̱ Yandios, kuu xnani yoʼo-Ya na̱sa taʼa̱n ini maa-yo”.
-
¿A jani ini-ní ja Jeová kuu sɨvɨ Yandios?
-
¿Na̱sa steʼen-ní nu̱u̱ inka ñayí ja Yandios kúni-Ya ja kuatiñu-yo sɨvɨ-Ya?
JA NI KUTUʼVA-YO
Jeová kuu sɨvɨ matuʼun Yandios nda̱a̱. Maa-Ya kúni-Ya ja kuni-yo sɨvɨ-Ya ji kuatiñu-yo tágua kuu kitaʼan ini-yo jín-Ya.
Tuʼun núku̱ʼun ini
-
¿Nakú siin kuiti̱ kaa Jeová nu̱u̱ nda̱ká ka yandios ja chiñuʼun nda ñayí?
-
¿Nakú jiniñuʼun kuatiñu-yo sɨvɨ Yandios?
-
¿A kúni Jeová ja kitaʼan ini-ní jín-Ya? ¿Na̱sa jíni̱-ní?
NU̱U̱ NDANIʼI KA-NÍ TUʼUN
Skuaʼa-ní uʼun tuʼun ja steʼen ja iyo ndija Yandios.
Kutuʼva ka-ni nakú vaʼa kuu ja kani xini-yo ja nɨkani iyo Yandios.
“¿Nde ɨn ni saʼa Yandios?” (La Atalaya, 1 yo̱o̱ agosto kuiya 2014)
Kundeʼe-ní nakú jiniñuʼun kuatiñu-yo sɨvɨ Yandios vese nduu jíni̱ vaʼa-yo na̱sa ni jatiñu nda ñayí kɨvɨ ichi yáta̱.
¿A kánuu na̱sa xnani-yo Yandios? Kundeʼe-ní nakú kachi-yo ja Yandios nevaʼa-Ya ɨn sɨvɨ maa-Ya.
a Nu̱u̱ apéndice A4 La Biblia. Traducción del Nuevo Mundo ndaniʼi-ní kuaʼa ka tuʼun sɨkɨ ja kúni kaʼan sɨvɨ Yandios ji tuʼun sɨkɨ na̱sa kuu ja nu̱u̱ sava nda Biblia ni stáá sɨvɨ-Ya.
