KĨTHOOMO KĨA 04
Mũrungu Nũũ?
Akuĩ mĩaka yonthe ĩrĩa antũ batũũrĩte, nĩbethĩrĩtwe bakĩthathayia mĩrungu ĩmiingĩ. Amwe na bũu, Bibiria nĩyaragĩĩria Mũrungu ũmwe akĩ ũrĩa ũrĩ “umunene nkuruki ya mirungu ingi yonthe.” (2 Mantu ja Karaja 2:5) Nĩwe ũrĩkũ? Na nĩmbi bitũmĩte ethĩrwa arĩ ũmũnene nkũrũki ya mĩrungu ĩngĩ yonthe ĩrĩa antũ bathathaayia? Kĩthoomone gĩkĩ, iritane jarĩa Mũrungu akwenda ũmenya jamwegie.
1. Mũrungu etagwa atĩa, na nĩmbi bikwonania nendaga tũmenya riĩtwa rĩawe?
Bibiriene, Mũrungu naimenyithanĩtie kĩrĩ tuĩ. Augĩte: ‘Nini Mwathani [Jehova, NWT]. Riu nirio riitwa riakwa.’ (Thooma Isaya 42:5, 8.) “Jehova” nĩ riĩtwa rĩa Kiebrania rĩrĩa riugaga “Nĩwe Ũtũmaga Gũkarĩka.” Jehova neendaga tũmenya riĩtwa rĩawe. (Kuuma 3:15) Nĩmbi bigũtũrikithĩria ũu? Bibiria ĩrĩ na riĩtwa rĩawe nkũruki ya maita 7,000! a Riĩtwa Jehova nĩ rĩa “Murungu uri Iguru Matune na nthiguru.”—Kuriikanithia Maathana 4:39.
2. Nĩmbi Bibiria ĩgwũrĩte bwegie Jehova?
Bibiria yugaga kĩrĩ mĩrungu yonthe ĩrĩa antũ bathathaayia, Jehova nĩwe akĩ Mũrungu wa mma. Nĩkĩ? Kũrĩ na itũmi bibiingĩ. Jehova nĩwe ũrĩ na waathani bunthe na nĩwe wenka “Uria-Uri-Iguru-Mono, iguru ria nthi yonthe.” (Thooma Zaburi 83:18.) Nĩwe “Mweneinya” yonthe, kwonania arĩ na inya ya kũthithia bunthe bũrĩa arathuura kũthithia. Nĩwe “woombire into bionthe”—ĩgurũ na bionthe birĩa bitũũraga nthĩgũrũ. (Kugwurirua 4:8, 11) Mwanya na muntũ kinya ũrĩkũ ũngĩ, Jehova wenka nĩwe ũtwĩre o, na nowe ũgatũũra o kenya na kenya.—Zaburi 90:2.
ĨNJA NKŨRŨKI
Cũnkũũna mwanya jwa riĩtwa rĩa Mũrungu na mariĩtwa jawe ja gĩtĩĩo. Rĩu iritane ũrĩa agwũrĩre riĩtwa rĩawe kĩrĩ gwe, na nĩkĩ.
3. Mũrungu arĩ riĩtwa rĩmwe akĩ, na mariĩtwa jamaingĩ ja gĩtĩĩo
Nĩkenda wona mwanya jwa riĩtwa rĩongwa rĩa muntũ, na rĩa gĩtĩĩo tega VIDIO, rĩu bwarĩĩrie kĩũria kĩrĩa kĩthingatĩte.
-
Kũrĩ na mwanya jũrĩkũ jwa riĩtwa rĩa gĩtĩĩo ta “Mwathani,” na riĩtwa rĩongwa?
Bibiria nĩyonanagia atĩ antũ nĩ bathathaayia mĩrungu na aathani babaingĩ. Thooma Zaburi 136:1-3, rĩu bwarĩĩrie kĩũria gĩkĩ:
-
Nũũ “Murungu wa mirungu” na “Mwathani wa aathani”?
4. Jehova nakwenda ũmenya riĩtwa rĩawe na ũrĩtumĩra
Nĩmbi bikwonania Jehova nakwenda ũmenya riĩtwa rĩawe? Tega VIDIO, rĩu bwarĩĩrie biũria birĩa bithingatĩte.
-
Ũrĩthũgaania Jehova neendaga riĩtwa rĩawe rĩmenywa? Na nĩkĩ?
Jehova neendaga antũ batumĩra riĩtwa rĩawe. Thooma Aroma 10:13, rĩu bwarĩĩrie biũria bibi:
-
Kũrĩ na gĩtũmi kĩrĩkũ gĩkĩnene gĩa kũmenya riĩtwa rĩa Mũrungu, Jehova?
-
Nĩatĩa wigagua rĩrĩa muntũ ariikana riĩtwa rĩaku na arĩtumĩra?
-
Ũrĩthũgaania nĩatĩa Jehova aigagua rĩrĩa watumĩra riĩtwa rĩawe?
5. Jehova nakwenda ũmũkuĩrĩria
Mwekũrũ ũmwe ũgwĩtwa Soten wa kuuma Kambodia augĩre kwiritana bwegie riĩtwa rĩa Mũrungu nĩkwamũtetherie kwĩthĩrwa arĩ na “kũgwĩrua nkũrũki ya ĩgiita rĩngĩ rĩonthe.” Tega VIDIO, rĩu bwarĩĩrie kĩũria kĩrĩa kĩthingatĩte.
-
Kĩrĩ vidio, nĩatĩa Soten aigĩrue arĩ kwiritana riĩtwa rĩa Mũrungu?
Mbere ya waa mũcoore wa muntũ, wambagia na kũmenya riĩtwa rĩawe. Thooma Jakubu 4:8a, rĩu bwarĩĩrie biũria bibi:
-
Jehova arĩkũgwata ũgeni ũthithie atĩa?
-
Nĩatĩa kũmenya riĩtwa rĩa Mũrungu na kũrĩtumĩra kũũmba gũgũtethia wĩthĩrwa akuĩ nawe?
ANTŨ BAMWE BAUGAGA: “Mũrungu nĩ ũmwe akĩ, kwou ĩtĩkũmakania ũrĩa ũkamwĩta.”
-
Gwe-rĩ, nũgwĩtĩkia Jehova nĩ riĩtwa rĩa Mũrungu?
-
Nĩatĩa ũũmba gũtaarĩĩria atĩ Mũrungu nakwenda tũtumĩra riĩtwa rĩawe?
NA NJĨRA ĨNKUĨ
Jehova nĩ riĩtwa rĩa Mũrungu wa mma akĩ. Endaga tũmenya riĩtwa rĩawe na tũrĩtumĩra, nĩkenda tũkamũthengeera.
Gũcookera
-
Nĩatĩa Jehova arĩ mwanya na mĩrungu ĩngĩ yonthe ĩrĩa antũ bathathaayia?
-
Nĩkĩ tũbuĩri gũtumĩra riĩtwa rĩa Mũrungu?
-
Nĩmbi bionanagia Jehova nendaga tũmũthengeera?
CŨNKŨŨNA
Cũnkũũna mantũ jatano jarĩa jarikithagia atĩ kũrĩ na Mũrungu.
Nĩkĩ gwĩtĩkia Mũrungu natwĩre o rĩonthe gũkũgwatanĩra na mathũgaanio.
Iritane nĩkĩ tũbuĩri gũtumĩra riĩtwa rĩa Mũrungu kinya kethĩra tũtijiĩ ũrĩa rĩagwetagwa karaaja.
Rĩ, nĩ tũbuĩri kũmakĩra ũrĩa twĩtaga Mũrungu? Ona nĩkĩ tũũmba kuuga arĩ na riĩtwa rĩmwe akĩ, rĩawe wengwa.
a Nĩkenda ũmenya mantũ nkũrũki jegie riĩtwa rĩa Mũrungu na nĩkĩ Bibiria imwe irĩritĩte, tega gĩcuncĩ kĩa mbere kĩa iuku Ũtethio bwa Kwiritana Rũteto rwa Mũrungu.
