LESON 04
Kisannla Vre Bondie?
Depi bien lontan, bann dimounn finn ador boukou Bondie. Pourtan, Labib koz lor enn Bondie “ki pli gran ki tou lezot bondie.” (2 Kronik 2:5) Kisannla sa? Kifer Li pli gran ki tou lezot bondie ki bann dimounn adore? Dan sa leson-la, Bondie pou aprann ou kisannla Li ete.
1. Kouma Bondie apele, ek kouma nou kapav sir ki Li anvi ki nou konn so nom?
Dan Labib, Bondie dir nou kisannla Li ete. Li dir: “Mwa mo Zeova. Samem mo nom.” (Lir Izai 42:5, 8.) Nom “Zeova” sorti dan enn nom Ebre, ek dapre boukou biblis so nom vedir “Li Fer Arive,” ouswa “Li Fer Vinn.” Zeova anvi ki nou konn so nom. (Exod 3:15) Kouma nou kapav sir ki Zeova anvi ki nou konn so nom? Parski dan Labib Li’nn fer ekrir so nom plis ki 7,000 fwa! a Zeova se nom “vre Bondie lao dan lesiel ek anba lor later.”—Deteronom 4:39.
2. Ki Labib dir lor Zeova?
Labib explike kifer parmi tou bann bondie ki bann dimounn adore, Zeova tousel vre Bondie. Zeova ena pli gran lotorite ki ena, ek Li tousel ki “Pli Lao lor later antie.” (Lir Psom 83:18, NW) Labib dir ki Li “Tou-pwisan” parski Li ena pouvwar pou fer tou seki Li anvi. Li “finn kree tou kitsoz,” setadir liniver ek tou seki existe lor later. (Revelasion 4:8, 11) Zeova finn existe depi touletan, ek Li pou touletan existe.—Psom 90:2.
ANOU GET INPE PLIS
Nou pou gete ki diferans ena ant bann tit ki Bondie ena ek so nom. Apre sa, nou pou gete osi kouma ek kifer Bondie inn fer ou konn so nom.
3. Bondie ena boukou tit, me Li ena enn sel nom
Pou konpran ki diferans ena ant tit enn dimounn ek so nom, zwe VIDEO-la, ek apre sa, get sa kestion-la ansam:
-
Ki diferans ena ant enn nom ek enn tit, kouma “Segner”?
Labib dir ki bann dimounn ador boukou Bondie ek segner. Lir Psom 136:1-3, NW, ek apre sa, get sa kestion-la ansam:
-
Kisannla “Bondie bann bondie” ek “Segner bann segner”?
4. Zeova anvi ki ou konn so nom ek ki ou servi so nom
Ki kitsoz montre ki Zeova anvi ki ou servi so nom? Zwe VIDEO-la, ek apre sa, get sa kestion-la ansam:
-
Eski ou panse ki Zeova anvi ki bann dimounn konn so nom? Kifer ou pans koumsa?
Zeova anvi ki bann dimounn servi so nom. Lir Romin 10:13, NW, ek apre sa, get sa bann kestion-la ansam:
-
Kifer li inportan ki nou servi nom Bondie, Zeova?
-
Ki ou resanti kan enn dimounn rapel ou nom ek apel ou par ou nom?
-
Dapre ou, ki Zeova resanti kan ou servi so nom?
5. Zeova anvi ki ou vinn pros ar Li
Soten, enn madam ki sorti Kanbodj, ti aprann ki Bondie ena enn nom. Ek sa ti enn kitsoz extraordiner pou li kan li ti aprann sa. Zwe VIDEO-la, ek apre sa, get sa kestion-la ansam:
-
Dan sa video-la, ki lefe sa finn ena lor Soten kan li finn aprann nom Bondie?
An zeneral, ou bizin konn nom enn dimounn avan ki li vinn ou kamarad. Lir Zak 4:8a, ek apre sa, get sa bann kestion-la ansam:
-
Ki Zeova invit ou pou fer?
-
Kifer sa ed ou pou vinn pros ar Bondie kan ou konn so nom ek servi so nom?
SERTIN DIMOUNN DIR: “Ena enn sel Bondie, alor ninport ki nom nou servi kan nou pe priye Li, Li pou tande.”
-
Eski ou sir ki nom Bondie se Zeova?
-
Kouma ou ti pou explik enn dimounn ki Bondie anvi ki nou servi so nom?
SEKI NOU’NN APRANN
Zeova se nom sel vre Bondie. Li anvi ki nou konn so nom ek ki nou servi so nom pou ki nou kapav vinn pros ar Li.
Eski Ou Rapel?
-
Ki diferans ena ant Zeova ek tou lezot bondie ki bann dimounn adore?
-
Kifer nou bizin servi nom Bondie?
-
Ki kitsoz montre ki Zeova anvi ki ou vinn pros ar Li?
DEKOUVER
Examinn sink rezon kifer nou kapav sir ki Bondie existe.
Get kifer li lozik pou krwar ki Bondie finn touletan existe.
Aprann kifer nou bizin servi nom Bondie, mem si nou pa kone kouma bann dimounn dan lepase ti dir li.
Kifer nom ki nou servi kan nou priye Bondie, li inportan? Gete kifer nou kapav dir ki Bondie ena enn sel nom.
a Pou gagn plis linformasion konsernan sinifikasion nom Bondie, ek kifer sertin tradiksion Labib finn tir li, get seksion 1 dan brosir Enn Gid pou Pli Konpran Parol Bondie.
Ena Osi
KESTION KI POZE SOUVAN
Ki sa Inplike Etidie Labib Avek Bann Temwin Zeova?
Bann Temwin Zeova ofer bann letid Labib gratis, ek ou kapav servi ninport ki version Labib ki ou anvi. Santi ou lib pou invit bann manb ou fami ouswa bann kamarad ki ou anvi.
