LECCIÓN 04
¿Jábesa Dios?
Génteta ayu tayte náteka, jume géntem juebena diósimim adoráruala. Te ju Biblia wepu Diosta bétana noka “Sïme wate diósim bepʼpa kátekame” (2 Crónicas 2:5). ¿Jábesa ápori? ¿Éntok jítasu wate diósim géntem adoráruame bepʹpapo a oʼore? Akea täya imi leccionpo juka Diosta a bétana enchi täya iʼawi.
1. ¿Jáchisu téwak Dios, éntok jáchisute jüneya a téwam itom täya iʼaka?
Bíbliam pámani, Dios aw jünetebo: “Ínapo Jehová. Ime in téwam ajäria” (Isaías 42:5 éntok 8 te leerua). Jehovata téwam hebreo nokimpo kuáktiarim ajäria, wanay juebena tüisim jüneame jiáwlapo, júnel jiawbare “apo jita junʼne a yä bárewta jojuá”. Jehová a téwam itom täya iʼa (Éxodo 3:15). ¿Jáchisute jüneya? Buéytuk apo a suáyak ke a téwam Bíbliampo 7.000 mil chë ama bepʼpapom ama yew machiánakey. a “Ju Dios lutüria aman jíkat téwekapo éntok imi buiapo” Jehová téwak (Deuteronomio 4:39).
2. ¿Jítasu ítow noka ju Biblia Jehovata bétana?
Ju Biblia júnel jiawa ke, sïme jume diósim géntem adoráruame bepʼpa, Jehová jibʼba tuá Dios lutüria tiyʼya. ¿Jatchiá? Yun razónim ayu. Jehová sïmem bepʼpa nésawe, “ju Altísimo sïme buiat bepʼpa” (Salmo 83:18 te leerua). Apo “ju Todopoderoso” ajäria, wanay júnel jiawbare ke apo utʼtiata jípure sïmeta a yä bárew ara yawʼwa. Apo ket ju Creador, “sïmeta yälawi”: ju téwekata éntok sïme imi Buiapo ayúkamta (Apocalipsis 4:8, 11). Éntoket, Jehová apo jiba jatwey bétana jiápsala éntok jiba bechïbo jiápsana (Salmo 90:2).
CHËRE IÁ BÉTANA JÜNENAKE
Ata binʼnake jáchinim kátim nanäla jachin Diosta tetʼtiawa a tuá téwamʼmaki, wepu téwam apo jiba a atʼtiame. Ketʼte a täyana jáchisu a téwam itom tayätua éntok jatchiaka a téwam itom täya iʼa.
3. Dios juebénasi tetʼtiawa, te wepu téwam jiba jípure
Ata bin’nake jachin kátim nanäla jachin géntem tet’tiawa a tuá tewam’maki, VIDÉOTEM bitcha chúkula éntok iá bétanem naw etʼtexwa:
-
¿Jatchiásum kátim nanäla wepu téwam éntok jáchinim a tetʼtiawa bétana, júnel senyor bénasi?
Ju Biblia jume géntem juebena diósim éntok senyórim adorarua tiyʼya. Salmo 136:1-3 táxtem a leerua chúkula éntok iá bétanem naw etʼtexwa:
-
¿Jábesa ju “Dios wate diósim bepʼpa kátekame” éntok ju “Senyor wate senyórim bepʼpa kátekame”?
4. Jehová a téwam enchi täya iʼa éntoket akeam usarua iʼa
¿Jáchisute jüneya ke Jehová a téwam enchi täya iʼa? VIDÉOTEM bitcha chúkula éntok iá bétanem naw etʼtexwa:
-
¿Jatchiake a suale ke Jehová a téwam itom täya iʼa?
Jehová jume géntem a téwam am usarua iʼa. Romanos 10:13 tem leerua chúkula éntok iá bétanem naw etʼtexwa:
-
¿Jatchiaka may béxresimachi Diosta téwam Jehová, usarua bechïbo?
-
¿Jáchise emo inʼnea jabe em téwam pámani enchi tetʼtiako?
-
¿Jáchisu aw inʼnea jäni Jehová a téwam usáruako?
5. Jehová enchi a jálaytu iʼa
Wepu jamʼmut Cambóyapo jomeme Soten téwakame júnel jiáwak ke Diosta téwam täyako, ju jita bepʼpune chë türi jábeta aw sikákaw bétana. VIDÉOTEM bitcha chúkula éntok iá bétanem naw etʼtexwa:
-
Videota jiawla bénasi, ¿jáchisu Soténtaw síkak Diosta téwam täyako?
Jábeta jálaytu báreko, batʼte jünena jachin a téwakäwi. Santiago 4:8a tem leerua chúkula éntok iá bétanem naw etʼtexwa:
-
¿Jítasu enchi yä iʼa Jehová?
-
¿Jachu Diosta téwam täyaka éntok am usáruaka ara enchi aniánake aw rukti bechïbo? ¿Jatchiá?
WATE JUNËLIM JIJIÁ: “Si wepu Dios jiba ayu, ka tuá béxresimachi jachin itom a tetʼtiako”.
-
¿Akea suale Diosta téwam Jehovata ajáriakäwi?
-
¿Jáchise watemʼmew a etʼtexwana ke Dios a téwam itom usarua iʼa?
JÍTASE AMA TATÄYAK
Jehová junëli téwak ju Dios lutüria. Apo jume téwam itom am täya iʼa éntok itom a usarua iʼa árate a jálaytunake bechïbo.
¿Jítase yomʼmia eyʼyey?
-
¿Jáchisum kátim nanäla Jehová éntok wate diósim géntem adoráruame bétana?
-
¿Jatchiákate Diosta téwam usáruapo yumala?
-
¿Jehová enchi a jálaytu iʼa? ¿Jáchise jüneya?
CHËRE JITA AMA TÄYA
Mamni razónime bitcha a yew bitʼtuame Diosta ayuákawi bétana.
Akea täya jatchiaka may türi at e bechïbo ke Dios jiba jatwey bétana jiápsala.
“¿Jábesu Diosta yawʼwak?” (La Atalaya, 1 agosto 2014ta wériayo)
Akea bitcha jatchiákate Diosta téwam usáruana eläposute ka jüneya jáchisu tetʼtiaway batnátaka.
¿Béxresimachi jachin Diosta tetʼtiako? Akea bitcha jatchiákate júnel jiawa ke Dios wepu téwam jiba jípure.
a Jumu apéndice A4po Jumu Bíbliapo. Traducción del Nuevo Múndopo chëre informacionta ama tewna jáchisu jiawbare Diosta téwam éntok jume razónim jatchiaka wate Bíbliampo ime téwam ka ama jióxtewak.
