ISAMBILILO 04
Uzye Leza A Weni?
Kufuma pano antu yaumbiilwe, yakapepa ya leza aingi aonsi na anaci. Lelo, Baibo ikalanda ukuti kwaya Leza wenga sile “umukulu kuluta tuleza tonsi utwasyala.” (2 Milandu 2:5) A Leza ci wiyo? Nupya i cani icalenga ukuti aye umukulu kuluta ya leza yonsi yano antu yakapepa? Mwi sambililo lii, sambililini vino Leza wii akalonda ukuti mumanye pali aliwe.
1. Uzye Leza a weni izina, nupya i vyani vikalanga ukuti akalonda ukuti tulimanye?
Muli Baibo, amuno Leza wailondolola kuli sweswe. Wailondolola ukuti: “Nene indi Yawe [nanti Yeova] lilyo lili zina lyane.” (Belengini Ezaya 42:5, 8.) Izina lyakuti Yeova lyasenulwa ukufuma ukwi izina lya Ciebele ilikapiliula ukuti “Akalenga Ivintu kuya Vino Akulonda.” Yeova akalonda ukuti tumanye izina lyakwe. (Kufuma 3:15) Tungasininkizya uli vivyo? Muli Baibo, izina lyakwe lyalumbulwa ukucila pa miku 7,000! a Izina ilyakuti Yeova lyapeelwa sile kuli “Leza wa cumi uwa mwi yulu na pano nsi.”—Malango 4:39.
2. I vyani vino Baibo ikatunena pi zina lyakwe Yeova?
Baibo ikalanda ukuti pali ya leza yonsi yano antu yakapepa, Yeova sile ali Leza wa cumi. U mulandu ci? Kwaya imilandu iingi. Yeova wakwatisya amaka, nupya wenga sile, ali “Leza Wapapelapela umu nsi yonsi!” (Belengini Masamu 83:18.) A Leza wa “Maka Yonsi,” cii cikupiliula ukuti wakwata amaka ya kucita consi cino wasoololapo ukucita. “Waumvile ivintu vyonsi,” iyulu alino ni vya umi vyonsi ivyaya pano nsi. (Kusokolola 4:8, 11) Ukupusanako na aliwensi, Yeova wayako nupya alatwalilila ukuyako amanda yonsi.—Masamu 90:2.
LONDELEZYINI NA VYUZE
Sambililini upusano wa mazina ya mucinzi yakwe Leza alino ni zina lyakwe iliiyele. Sambililini vino wasokolola izina lyakwe nu mulandu uno walisokolwela kuli mwemwe.
3. Leza wakwata mazina ya mucinzi aingi, lelo wakwata sile izina lyonga
Pakuti mulole upusano uwaya pi zina lya mucinzi ni zina lya muntu, tambini VIDYO, alino mulanzyanye iuzyo ilyatililondelelapo.
-
Uupusano ci uwaya pi zina lya mucinzi, wakwe “Umwene” ni zina lya cumi cumi?
Baibo ikalanda ukuti antu yakapepa ya leza na ene aingi. Belengini Masamu 136:1-3, alino mulanzyanye iuzyo lii:
-
Uzye “Leza pali tuleza tonsi” nupya “Leza wakwe yamwene” a weni?
4. Yeova akalonda mumanye izina lyakwe nu kulaliomvya
I vyani vikalangilila ukuti Yeova akalonda mumanye izina lyakwe? Tambini VIDYO, alino mulanzyanye mauzyo atiyalondelelapo.
-
U mulandu ci uno mukwelenganyizizya ukuti Yeova akalonda izina lyakwe ukumanyikwa?
Yeova akalonda antu yaomvya izina lyakwe. Belengini Loma 10:13, alino mulanzyanye mauzyo yaa:
-
Uzye ukuomvya izina lyakwe Leza ilyakuti Yeova kwacindama uli?
-
Mukauvwa uli ndi cakuti umwi wiusya izina linu nu kuliomvya lino akumwama?
-
Uzye mukwelenganya ukuti Yeova akauvwa uli nga mukuomvya izina lyakwe?
5. Yeova akalonda ukuti muye ya cuza yakwe
Mama uwa ku Cambodia uwi zina lyakuti Soten walanzile ukuti ukumanya izina lyakwe Leza kwalenga inje ni nsansa “ukucila vino nali mpiti.” Tambini VIDYO, alino mulanzyanye iuzyo ilyatililondelelapo.
-
Wakwe vino itwalola muli vidyo, uzye ukumanya izina lyakwe Leza kwazwile uli ya Soten?
Lino mutatala mwaya cuza wa muntu umwi, mukatala imumanya izina lyakwe. Belengini Yakobo 4:8a, alino mulanzyanye mauzyo yaa:
-
I vyani vino Yeova akalonda mwacita?
-
Uzye ukumanya izina lyakwe Leza nu kulaliomvya kungamwazwa uli kupalama sana kuli aliwe?
YAMWI YAKALANDA UKUTI: “Leza waya sile wenga, fwandi asi mulandu ni zina lino mungamwama.”
-
Uzye mwasininkizya ukuti izina lyakwe Leza a Yeova?
-
Mungalondolola uli ukuti Leza akalonda twaomvya izina lyakwe?
VINO TWASAMBILILA
Yeova ali zina lyakwe Leza wa cumi. Akalonda ukuti tulimanye nu kulaliomvya pakuti tupalame kuli aliwe.
I vyani vino mwasambilila?
-
Uzye Yeova wapusanako uli na ya leza yauze yano antu yakapepa?
-
U mulandu ci uno tulinzile ukuomvezya izina lyakwe Leza?
-
I vyani vikalanga ukuti Yeova akalonda mupalame kuli aliwe?
LONDELEZYINI
Lolini ivintu 5 ivikalangilila ukuti Leza akuno waya.
Sambililini umulandu uno cacindamila ukuzumila ukuti Leza akuno waya.
“Uzye A Weni Uwapanzile Leza?” (Lupungu Lwa Mulinzi, Ogasiti 1, 2014)
Sambililini umulandu uno tulinzile ukuomvezya izina lyakwe Leza nanti icakuti tutamanya ningo vino yalilumbulanga mpiti.
Uzye vino tukaama Leza vyacindama? Lolini umulandu uno tungalandila ukuti wakwata sile izina lyakwe lyonga.
a Pakuti mumanyilepo ivyeo na vyuze pali vino izina lyakwe Leza likapiliula nu mulandu uno yalifumizya mu Mabaibo yamwi, lolini ciputulwa 1 umu kabuku kakuti Kabuku Aka Kutwazwa Ukusambilila Izwi Lyakwe Leza.
Limwi Mungatemwa Ukulolako na Vii
MAUZYO YANO ANTU YAKAUZYA SANA
Uzye Isambililo Lya Baibo Ali Cani?
Zanini masuko ku mauzyo pali vino tukasambilizya antu Baibo ukwaula ukuyalipilisya.
