4-ШЕ УРОК
Кӧ тыгай Юмо?
Еҥ-влак, каласаш лиеш, айдеме тукымын историйын эн тӱҥалтыш гычак тӱрлӧ юмо-влаклан кумалыт. Но Библийыште «чыла вес юмо-влак деч эн кугу» ик Юмо нерген возымо (2 Летопись 2:5). Кӧ тудо? Молан тудо чыла вес юмо-влак деч эн кугурак? Тиде урок гыч те пален налыда, мом тиде Юмо шкеж нерген тыланда каласкален пуынеже.
1. Юмын лӱмжӧ могай? Кажне еҥ тиде лӱмым палыже манын, Юмын кумылжо уло мо?
Юмо мыланна шкеж нерген Библий гоч каласкала. Тудо мыланна ойла: «Мый Иегова улам. Тиде мыйын лӱмем». (Исайя 42:5, 8 лудын лекса.) Иегова лӱмым еврей йылме гыч кусарыме да тиде лӱм «Тудо лияш пуа» манмым ончыкта. Иегован кумылжо почеш ме тудын лӱмжым палышаш улына (Исход 3:15). Молан тыге каласаш лиеш? Тудын лӱмжым Библийыште 7000 утла гана a возымо. Иегова лӱм дене «каваште кӱшнӧ да мландыште ӱлнӧ чын Юмо» веле лӱмдалтеш (Второзаконие 4:39).
2. Библий гыч Иегова нерген ме мом пален налына?
Еҥ-влак тӱрлӧ юмо-влаклан кумалыт. Но Библийыште возымо почеш Иегова веле чын Юмо. Тудо вес юмо-влак деч мо дене ойыртемалтеш? Иегован нимучашдыме властьше уло. Тудо гына «чыла мландылан Кӱшылсӧ Юмо». (Псалом 82:19 лудын лекса.) Тудо «Чылакертше», вет тудо чыла шонен пыштымыжым шуктен кертеш. Иегова чылажымат ыштен: Сандалыкым, Мландым да тушто чыла илышым (Почмаш 4:8, 11). Тудо веле эре лийын, да тудо гына курым курымеш лиеш (Псалом 89:3).
КЕЛГЫНРАК ШЫМЛЕН НАЛЗА
Ончен налза, Юмын лӱмжӧ тудын титулжо-влак деч мо дене ойыртемалтеш. Вара ончен лекса, кузе да молан Юмо тыланда шке лӱмжым почын.
3. Юмын шуко титулжо уло, но лӱмжӧ икте веле
Мо дене лӱм титул-влак деч ойыртемалтеш умылен налашлан ВИДЕОРОЛИКЫМ ончалза да вашмутым пуыза:
-
Молан «Юмо» да «Господь» мут-влакым лӱмлан шотлаш ок лий?
Библийыште возымо почеш еҥ-влак тӱрлӧ юмылан кумалыт. Псалом 135:1—3 лудын лекса да вашмутым пуыза:
-
«Юмо-шамычын Юмыжо» да «Господь-шамычын Господьшо» кӧ улеш?
4. Иегова тендан деч тудым лӱмжӧ дене ойлымыдам вуча
Иегова тендан деч тудын лӱмжым палымыдам вуча манын, кушеч палена? ВИДЕОРОЛИКЫМ ончалза да вашмутым пуыза:
-
Кузе шонеда, еҥ-влак Иегован лӱмжым палышт манын тудын кумылжо уло мо? Молан те туге шонеда?
Еҥ-влак тудым лӱмжӧ дене ойлышт манын, Иегован кумылжо уло. Апост. пашашт 2:21 лудын лекса да вашмутым пуыза:
-
Молан Юмым лӱмжӧ дене ойлаш кӱлеш?
-
Тыланда келша мо, кунам весе-влак тендан лӱмдам шарнат да тендам лӱмда дене маныт?
-
Кузе шонеда, Иеговалан келша мо, кунам те тудым лӱмжӧ дене ойледа?
5. Иегова тендан деч тудын дек лишеммыдам вуча
Камбоджо гыч Сотен лӱман ӱдырамаш Юмын лӱмжым пален налмылан чот куанен. ВИДЕОРОЛИКЫМ ончалза да вашмутым пуыза:
-
Сотенлан Юмын лӱмжым пален налмаш могай пайдам конден?
Иктаж-кӧ дене йолташ лияшлан эн ончыч тудын лӱмжым пален налаш кӱлеш. Иаковын 4:8а лудын лекса да вашмутым пуыза:
-
Иегова тендам мом ышташ тарата?
-
Молан Юмым лӱмжӧ дене ойлен, те тудын дек лишемын кертыда?
ИКТАЖ-КӦ КАЛАСЕН КЕРТЕШ: «Юмо икте гына, сандене кузе ме тудым манына тудлан садиктак».
-
Юмын лӱмжӧ — Иегова. Те тидлан ӱшанеда мо?
-
Юмо мемнан деч тудым лӱмжӧ дене ойлымынам вуча. Тидым вес еҥлан кузе умылтареда ыле?
ТӰҤ ШОНЫМАШ
Иегова — тиде ик чын Юмын лӱмжӧ. Тудо мемнан деч тудым лӱмжӧ дене ойлымынам да тудын дек лишеммынам вуча.
Ушештарымаш
-
Иегова вес юмо-влак деч мо дене ойыртемалтеш?
-
Молан Юмым лӱмжӧ дене ойлаш кӱлеш?
-
Иегова тендан деч тудын дек лишеммыдам вуча манын, кушеч палена?
ЕШАРТЫШЛАН
Юмын улмыжым пеҥгыдемдыше 5 амалым ончен лекса.
Лудын лекса, молан Юмын эре лиймыжлан ӱшанаш лиеш.
Юмын лӱмжым акрет еврей йылме дене кузе ойленыт пале огыл. Туге гынат, молан тудын лӱмжым кучылташ кӱлеш?
Юмым лӱмжӧ дене ойлаш кӱлеш мо? Юмын ик лӱмжӧ гына уло, молан каласаш лиеш?
a Юмын лӱмжын значенийже нерген, тыгак молан тудо южо Библий кусарымашлаште ок вашлиялт, ешартыш информацийым «У тӱня» кусарымашын А4 приложенийыште ончалза.
Вас также может заинтересовать
ЧӰЧКЫДЫН ПУЭДЫМЕ ЙОДЫШ-ВЛАК
Иегован Таныкше-влакын Библийым шымлыме курсышт кузе эрта?
Иегован Таныкше-влак Библийым шымлыме курсым темлат. Шымлыме годым те шкендан Библийым кучылтын кертыда да шымлымашыш ешдам але йолташда-влакым ӱжын кертыда.
