AKORANGA 04
Ko Wai te Atua?
Tata ki tōna oranga katoa, kua karakia te tangata ki ngā atua tāne me ngā atua wāhine maha. Heoi, e kōrero ana te Paipera mō te Atua kotahi he “nui hoki . . . i ngā atua katoa.” (2 Ngā Whakapapa 2:5) Ko wai tērā? Nā te aha ia i nui ake i aua atua katoa? I tēnei akoranga, kitea ka pēhea te Atua nei e whakatūtaki i a ia ki a koe.
1. Ko wai te ingoa o te Atua, me pēhea hoki e tino mātau ai e hiahia ana ia kia mōhiotia tōna ingoa e tātou?
I te Paipera, e whakatūtaki ana te Atua i a ia anō ki a tātou. E kī ana ia: “Ko Ihowa ahau. Ko tōku ingoa tēnā.” (Pānuitia Ihāia 42:5, 8.) Ko “Jehovah” te whakapākehatanga o tētahi ingoa Hīperu ko tōna nei tikanga pea “Ko Ahau Ko Tāku E Pai Ai.” E hiahia ana a Ihowa kia mōhio tātou ki tōna ingoa. (Ekoruhe 3:15) Nā te aha tātou i mōhio ki tēnā? Neke atu i te 7,000 ngā tuhituhinga o tōna ingoa i roto i te Paipera! a Ko Ihowa te ingoa o “te Atua i te rangi i runga, i te whenua hoki i raro.”—Tiuteronomi 4:39.
2. He aha ngā kōrero i te Paipera mō Ihowa?
E kī ana te Paipera ko Ihowa anake te Atua pono o ngā atua katoa e karakia ana te tangata. He aha ai? He maha ngā take. Kei a Ihowa te tino rangatiratanga, ko ia anake hoki “te Runga Rawa i te whenua katoa.” (Pānuitia Ngā Waiata 83:18.) Ko ia “te Kaha Rawa,” arā, kei a ia te kaha ki te mahi i ngā mea katoa e pai ai ia. Nāna “i hanga ngā mea katoa”—te ao nui mārama me ngā mea ora katoa i te whenua. (Whakakitenga 4:8, 11) Kāore a Ihowa e rite ki tētahi atu, nō tua whakarere ia, otirā ka ora āke tonu atu.—Ngā Waiata 90:2.
KIMI MĀRAMATANGA
Āta tirohia te rerekētanga i waenganui i ngā taitara o te Atua me tōna ingoa kotahi. Kātahi ka ako he aha ia i whakakite ai i tōna ingoa ki a koe.
3. He maha ngā taitara o te Atua, engari kotahi tōna ingoa
Kia kite i te rerekētanga i waenganui i te taitara o te tangata me tōna ingoa, mātakitakitia te ATAATA, kōrerotia te pātai ka whai ake.
-
He aha te rerekētanga i waenganui i tētahi taitara pēnei “Ariki,” me tētahi ingoa?
E whakaae ana te Paipera kei te karakia ngā tāngata ki ngā atua me ngā ariki maha. Pānuitia Ngā Waiata 136:1-3, kōrerotia tēnei pātai:
-
Ko wai “te Atua o ngā atua” me “te Ariki o ngā ariki”?
4. E hiahia ana a Ihowa kia mōhio, kia whakahua koe i tōna ingoa
Nā te aha koe i mōhio ai e hiahia ana a Ihowa kia mātau koe ki tōna ingoa? Mātakitakitia te ATAATA, kōrerotia ngā pātai ka whai ake.
-
Ki tōu whakaaro, e hiahia ana rānei a Ihowa kia mōhiotia tōna ingoa? He aha ai?
E hiahia ana a Ihowa kia whakahua e te tangata tōna ingoa. Pānuitia Rōma 10:13, kōrerotia ēnei pātai:
-
He mea nui rānei te whakahua i te ingoa o te Atua, a Ihowa?
-
He aha ōu whakaaro ina maumahara, ina whakahua tētahi atu i tōu ingoa?
-
Ki a koe, ka pēhea te whakaaro o Ihowa ina whakahua koe i tōna ingoa?
5. E hiahia ana a Ihowa kia whakatata atu koe ki a ia
I kī a Soten, he wahine nō Cambodia, nō tōna mōhio ki te ingoa o te Atua kātahi tōna “tino haringa i hari ai.” Mātakitakitia te ATAATA, kōrerotia te pātai ka whai ake.
-
I te ataata, i pā pēhea ki a Soten tōna mōhio ki te ingoa o te Atua?
I mua i te whakahoa ki tētahi atu, ko te tikanga me mōhio koe ki tōna ingoa. Pānuitia Hēmi 4:8a, kōrerotia ēnei pātai:
-
E tono ana a Ihowa kia aha koe?
-
Ka āwhina pēhea tōu mōhio, me tōu whakahua i te ingoa o te Atua, kia whakatata atu koe ki a ia?
E KĪ ANA ĒTAHI: “Kotahi anake te Atua, nā reira hei aha te ingoa mōna.”
-
Kei te whakapono rānei koe ko Ihowa te ingoa o te Atua?
-
Ka whakamārama pēhea koe e hiahia ana te Atua kia whakahua e tātou tōna ingoa?
WHAKARĀPOPOTO
Ko Ihowa te ingoa o te Atua pono anake. E hiahia ana ia kia mōhio, kia whakahua e tātou taua ingoa kia whakatata atu tātou ki a ia.
Titiro anō
-
He pēhea a Ihowa i rerekē ai i ērā atu atua katoa e karakia ana ngā tāngata?
-
He aha te take me whakahua e tātou te ingoa o te Atua?
-
Me pēhea koe ka mōhio ai e hiahia ana a Ihowa kia whakatata atu koe ki a ia?
RAPU
Āta tirohia ngā take nui e rima e tino mōhio ai tātou e ora ana te Atua.
Whakaarohia he aha i tika ai te whakapono nō tua whakarere te Atua i ora ai.
Kitea te take me kōrero e tātou te ingoa o te Atua, ahakoa kāore e mōhiotia i pēhea tōna whakahua i ngā rā o nehe.
He mea nui rānei te ingoa e karanga tātou ki te Atua? Tirohia te take me kī ai tātou kotahi tōna ingoa whaiaro.
a Mō ētahi kōrero anō mō te tikanga o te ingoa o te Atua, he aha hoki i tangohia ai taua ingoa e ētahi Paipera, tirohia Appendix A4 i roto i te New World Translation of the Holy Scriptures.
