KAMBʼAL 04
Maki a Dʼioso?
Yaabʼ mak walak u tzʼeekooʼ u yanil ulaakʼooʼ a dʼioso. Pero, u yadʼaj a Bʼibʼle ti yan a jajil Dʼios a «mas nooch u yanil tuwich ulaakʼooʼ a dʼioso.» (2 Cronicas 2:5) Mak Dʼiosil abʼeeʼ a mas nooch u yanil tuwich ulaakʼooʼ a dʼioso? Kʼuʼkaʼa mas nooch u yanil? Ichil a kambʼal adʼaʼa bʼel a kaʼ a weelte maki a Dʼios abʼeʼe.
1. Mak u kʼabʼaʼ a Dʼioso, y kʼuʼ tan u yeʼik ti u kʼati kaʼ ti weelte?
Ichil a Bʼibʼle, a jajil Dʼioso, u tzʼaj kaʼ ti weelte maki. U yadʼaj: «Innen a Jehovah. Leʼek abʼeʼ in kʼabʼaʼ.» (Xoko a Isaias 42:5, 8.) U nuʼkul a kʼabʼaʼ «Jehovah,» «Leʼek Walak u Tzʼeek ti Uchul.» A Dʼioso u kʼati kaʼ ti weelte u kʼabʼaʼ. (Exodo 3:15) Manal 7,000 sut a yan ich Bʼibʼle! Chen tiʼi «a jajil Dʼios a keʼen ti kaʼan y tuwich a yokʼolkabʼ» a kʼabʼaʼ Jehovah.—Deuteronomio 4:39.
2. Kʼuʼ a tan u yadʼik a Bʼibʼle tupektzil a Jehovah?
Yaabʼ a dʼios walak u tzʼabʼäl u yanil umenooʼ kristiyaano, pero a Bʼibʼle u yadʼaj ti Jehovah a jajil Dʼioso. Yaabʼ kʼuʼkaʼa jedʼeʼek ti tzʼokʼsik ti jaj abʼeeʼ. Leʼek «a mas nooch [u] yanil tuwich tulakal a yokʼolkabʼa.» (Xoko a Salmo 83:18.) Leʼek «a top yaab u mucʼu» jedʼeʼek u bʼetik leʼek a kʼuʼ u kʼati. Leʼek u «betaj tulacal a cʼuʼ a yana,»—tulakal a kʼuʼ a yan ti kaʼan y yokʼolkabʼ. (Revelacion 4:8, 11) A Jehovah maʼ yan u kajeebʼ y maʼ yan u jobʼeeb.—Salmo 90:2.
MAS KAMBʼALTETO
Kambʼalte kʼuʼ u jumpaayil u chʼibʼal a Dʼioso etel u chukul kʼabʼaʼ. Mas kambʼalte bʼiki y kʼuʼkaʼa tan u tzʼeek a weelte u kʼabʼaʼ.
3. Yaabʼ u chʼibʼal a Dʼioso, pere jumpʼelik u kʼabʼaʼ
Tiʼi kaʼ a wileʼex kʼuʼ u jumpaayil u chʼibʼal a mak etel u chukul kʼabʼaʼ chaʼanteʼex a VIDʼEO, kaʼtun tzikbʼalteʼex a kʼaatchiʼi.
-
Kʼuʼ u jumpaayil a chen chʼibʼal a jabʼix «Noochtzil», tuwich a chukul kʼabʼaʼ?
A Bʼibʼle u yadʼaj ti leʼekooʼ a kristiyaano yaabʼ a dʼios walakooʼ u tzʼeek u yanil. Xokeʼex a Salmo 136:1-3, kaʼtun tzikbʼalteʼex a kʼaatchiʼ adʼaʼa:
-
Maki «u Dʼiosil tulakal a dʼioso» y «u Noochil a noochooʼ u wichil»?
4. A Jehovah u kʼati kaʼ a weelte y kaʼ a usaarte u kʼabʼaʼ
Bʼiki taweel ti u kʼati Jehovah kaʼ a weelte u kʼabʼaʼ? Chaʼanteʼex a VIDʼEO, kaʼtun tzikbʼalteʼex a kʼaatchiʼ adʼaʼa.
-
U kʼati wa kaʼ eeltabʼäk u kʼabʼaʼ a Jehovah tatukliki? Kʼuʼkaʼa?
A Jehovah u kʼati kaʼ usaarbʼäk u kʼabʼaʼ umenooʼ kristiyaano. Xokeʼex a Romanos 10:13, kaʼtun tzikbʼalteʼex a kʼaatchiʼooʼ adʼaʼa:
-
Bʼoon u kʼabʼeetil kaʼ a usaarte u kʼabʼaʼ a Dʼios Jehovah?
-
Bʼiki a wool ti walak u kʼajsabʼäl a kʼabʼaʼ y ti walak u usaarbʼäl?
-
Bʼiki u yool a Jehovah tatuklik ti tan a usaartik u kʼabʼaʼ?
5. A Jehovah u kʼati kaʼ mas naʼtzʼakech tutzeel
Juntuul ix chʼup a talaʼan Cambodia ix Soten u kʼabʼaʼ, u yadʼaj «ti mil kiʼaji u yool» kaʼ u yeeltaj maki u chukul kʼabʼaʼ a Dʼioso. Chaʼanteʼex a VIDʼEO, kaʼtun tzikbʼalteʼex a kʼaatchiʼ adʼaʼa.
-
Ichil a vidʼeo ti chaʼanta, kʼuʼ u kiʼil tiʼi ix Soten kaʼ u yeeltaj u chukul kʼabʼaʼ a Dʼioso?
ʼAantes a ʼamiingojtik a yan maka, primero bʼel a kaʼ a kʼaate mak u kʼabʼaʼ. Xokeʼex a primero parte tiʼi a Santiago 4:8, kaʼtun tzikbʼalteʼex a kʼaatchiʼooʼ adʼaʼa:
-
Kʼuʼ a tan u yadʼik tech a Jehovah kaʼ a bʼeteʼ?
-
Tanil a weeltik y a usaartik u kʼabʼaʼ a Dʼioso bʼiki ti mas bʼel u kaʼa u naʼtzʼkunteech tutzeel?
YAN MAK WALAK U YADʼIK: «Maʼ tzaj in usaartik u kʼabʼaʼ a Dʼioso porke juntulik a Dʼios yana.»
-
Walak wa tzʼokʼsik ti Jehovah u kʼabʼaʼ a Dʼioso?
-
Kʼuʼkaʼa jedʼeʼek a wadʼik ti a Dʼioso u kʼati kaʼ a usaarte u kʼabʼaʼ?
KʼUʼ A KÄNAJA
U kʼabʼaʼ a jajil Dʼioso, Jehovah. U kʼati kaʼ ti weelte y kaʼ ti usaarte u kʼabʼaʼ tiʼi kaʼ naʼtzʼakoʼon tutzeel.
Tzikbʼalbʼäl kʼuʼ ti känaja
-
Kʼuʼ u jumpaayil a Jehovah tuwich tulakal a dʼios a walakooʼ u tzʼabʼäl u yanil umen kristiyaano?
-
Kʼuʼkaʼa kaʼ ti usaarte u kʼabʼaʼ a Dʼioso?
-
Kʼuʼ tan u yeʼik ti u kʼati Jehovah kaʼ naʼtzʼakech tutzeel?
MAS ILATOJ
Tzʼaj ti kuenta cinco pʼeel a puunto tan u yeʼik ti yan a Dʼioso.
Ila kʼuʼkaʼa jedʼeʼek ti tzʼokʼsik ti ak uchi yan a Dʼioso.
Kambʼalte kʼuʼkaʼa kaʼ ti usaarte u kʼabʼaʼ a Dʼiosʼ, kaʼax bʼoon maʼ top ti weel u peek bʼiki ti primero adʼabʼaani.
Kʼabʼeet wa kaʼ ti weelte bʼiki kaʼ ti wadʼäʼ u kʼabʼaʼ a Dʼioso? Ila kʼuʼkaʼa jedʼeʼek ti wadʼik ti junpʼelik u chukul kʼabʼaʼ a Dʼioso.
a Tiʼi kaʼ a mas weelte u pektzil u nuʼkul u kʼabʼaʼ a Dʼioso y kʼuʼkaʼa yanooʼ a mak u jokʼsajooʼ u kʼabʼaʼ a Dʼios ichil a Bʼibʼle, ila a Appendix A4 ichil a New World Translation of the Holy Scriptures.
