Hal pĩnd wẽndẽ n tãag masã, ninsaalbã waoogda wẽnnaam-dãmb toor-toore. La Biiblã gomda Wẽnnaam a ye yelle, n yeel t’a yaa “kãseng n yɩɩd wẽnnaam-dãmb” a taabã. (2 Kibayã 2:4) Yãmb mii Wẽnnaam-kãng bɩ? Bõe n kɩt t’a yaa kãseng n yɩɩd wẽnnaam-dãmb a taabã ninsaalbã sẽn waoogdã? Sag-kãngã pʋgẽ, y na n yãa bũmb ning Wẽnnaam-kãng sẽn dat tɩ y bãng yẽ mengã zugu.

1. Wẽnnaam yʋʋr la bõe, la bõe n wilgd t’a ratame tɩ d bãng-a?

Biiblã pʋgẽ, Wẽnnaam wilgda tõnd a sẽn yaa a soaba. A yeelame: “Mam yaa a Zeova. Mam yʋʋrã la woto.” (Ezayi 42:5, 8, MN) “Zeova” wã yaa Ebre gom-bila. Wõnda rat n yeelame tɩ: “A kɩtdame tɩ yɩ.” A Zeova ratame tɩ d bãng a yʋʋrã. (Yikri 3:15) Bõe n wilgd rẽ? A kɩtame tɩ b ning a yʋʋrã Biiblã pʋgẽ naoor tus a yopoe la zaka! a Zeova wã yaa Wẽnnaam sɩd-sɩdã yʋʋre. A yaa Wẽnnaam “saasã sẽn be yĩngrã pʋga, la dũniyã sẽn be tẽngrã pʋga.”—Tõodo 4:39.

2. Bõe la b yeel a Zeova zug Biiblã pʋgẽ?

Biiblã pʋgẽ, b yetame tɩ wẽnnaam-dãmb nins fãa ninsaalbã sẽn waoogdã sʋka, a Zeova a ye tãa n yaa Wẽnnaam sɩd-sɩda. Bõe yĩnga? Yaa bũmb toor-toor yĩnga. A Zeova naamã n ka to, yẽ n yaa “Sẽn-Ka-To sẽn so dũniyã gilli.” (Karm-y Yɩɩn-sõamyã 83:19.) Yẽ la sẽn “tõe-a fãa wã,” rat n yeel t’a tara pãng n tõe n maan bũmb ning fãa a sẽn date. Yẽ n “naan bũmb fãa,” rat n yeel tɩ bũmb nins sẽn be saasẽ, la bõn-vɩɩsã fãa sẽn be tẽngã zugã. (Vẽnegre 4:8, 11) A Zeova a ye tãa n pa tall sɩngre, n pa na n tall saab me ye.​—Yɩɩn-sõamyã 90:2.

 4. A Zeova ratame tɩ y bãng a yʋʋrã, la y pʋt-a

5. A Zeova ratame tɩ y yɩ a zoa

 KƲMSGO

“Zeova” wã yaa Wẽnnaam sɩd-sɩdã yʋ-peelle. A ratame tɩ d bãng a yʋʋrã la d pʋt-a, sẽn na yɩl n paam a zoodo.

Lebg-n-gese

• Bõe n kɩt t’a Zeova yaa toor ne wẽnnaam-dãmb a taabã fãa nebã sẽn waoogdã?

• Bõe yĩng tɩ d segd n pʋt Wẽnnaam yʋ-peellã?

• Bõe n wilgd t’a Zeova ratame tɩ y yɩ a zoa?