ISAMBILILO 04
Uzye e Leza Weweni?
Ukufuma na kali awantu wakapepa twaleza utupusane pusane. Lelo e Baibolo yalanda pe Leza wenganye “umukulu ukulusye twaleza tonsi.” (2 Imilandu 2:5) Nga weweni wenye? Swinya acani cino calenga akule alusye twaleza tonsi tuno awantu wakapepa? Mwe lyo-o isambililo, wandi ulole vino wenye e Leza akuyilondolola kwe wewe.
1. Uzye e Leza weweni izina?, swinya acani cino cikalanjizya ukuti akalonda tulimanye?
E Leza wayilondolola umweneco kwe sweswe ukupitila mu Baibolo. Watunena ukuti: “Ne Yehova. Alili izina lyane” (Wazya Ayizeya 42:5, 8, NWT) Izina lya kuti “Yehova” lyapiliwulwa ukufuma kwi zina lya ciHebere lino likasula ukuti “Akalenga ivintu ukuwako.” E Yehova akalonda tumanye izina lyakwe. (Ukufuma 3:15) Cani cingalenga tusinincizye ukuti akalonda tulimanye? Walenga izina lyakwe ukulembwa mwe Baibolo ukulusye imiku 7,000! a Wino wawa ni zina lyakuti Yehova “we Leza wakusimicila” mu nsi na mwi yulu.—Yohani 17:3.
2. Avyani vino Baibolo ikatunena pe Yehova?
E Baibolo ikatunena ukuti pe twaleza tonsinye tuno awantu wakapepa, e Yehova mutupunye awili e Leza wa cisinka. Kwawa imilandu imivule yino Baibolo yavwanjila wo-o. Uwa kutalicila awakuti e Yehova awino wakwatisya amaka, swinya awili “kapanzya mukulu uwansi yonsi.” (Wazya Amalumbo 83:18.) E Baibolo ikamwita ukuti “Uwa maka yonsi,” amuno wawa na maka ya kucita icili consinye cino akulonda. “Welewuzile ivintu vyonsinye” ivya mwi yulu na vino vyawa mu nsi. (Ukuwumbulika 4:8, 11) E Yehova mutupunye awino walinjiko umuyayaya swinya awino aliwako umuyayaya.—Amalumbo 90:2.
SAMBILILA IVICILE PA-A
Lola na vinji pa wupusano wuno wawa pi zina lya kwe Leza iliyiwele na malumbo yano wakamwitilako, lola na vino wacita pa kukunena izina lyakwe, nu mulandu wuno atakufisizile lyo-o izina.
3. Leza wawa na malumbo amavule, lelo wawa vye ni zina lyonganye
Pakulola uwupusano wuno wawa pa malumbo yano wakwata ni zina lyak we tamba e VIDYO, nu kulanzyanya lyo-o iwuzyo.
-
Awupusano ci wuno wawa pi lumbo lya kuti “tatakulu” ni zina lyakwe?
E Baibolo nayonye yikalanda ukuti awantu wakapepa twa leza ni zya mfumu imvule. Wazyani Amalumbo 136:1-3, nu kulanzyanya lyo-o iwuzyo:
-
Uzye wino walusya “twaleza tonsi” swinya ‘eyisikulu wawa yisikulu’ weweni?
4. E Yehova akalonda umumanye swinya uwawomvya izina lyakwe
Cani cikulanjizya ukuti e Yehova akalonda umanye izina lyakwe? Tambani e VIDYO, nu kulanzyanya lyo-o iwuzyo:
-
Uzye ukwelenganya ukuti amulandu ci wuno Yehova akalondela izina lyakwe ukumanyikwa?
E Yehova akalonda ukuti awantu wawomvya izina lyakwe. Wazya Waroma 10:13 nu kulanzyanya ya-a amawuzyo:
-
Amulandu ci wuno cacindamila ukuwomvya izina lya kwe Leza ilya kuti Yehova?
-
Uzye ukakwivwa wuli nga cakuti umuntu wizuka izina lyako nu kuliwomvya?
-
Ukwelenganya ukuti e Yehova weni akakwivwa wuli nga cakuti wawomvya izina lyakwe?
5. E Yehova akalonda uwe we ciwuza wakwe
Umwanaci e Soten uwa ku Cambodia walanzile ukuti “Ukusambilila pi zina lya kwe Leza kwalenga imbe ni nsansa zino nsitela imbepo nazyo.” Tambani e VIDYO, nu kulanzyanya lyo-o iwuzyo.
-
Uzye ukumanya izina lya kwe Leza kwavwile wuli e Soten?
Pano utani upange wuciwuza nawumwi ukatalicila tumumanya izina. Wazya Jemusi 4:8a, nu kulanzyanya ya-a amawuzyo:
-
Acani cino Yehova akulonda wewe ucite?
-
Uzye ukumanya nu kuwomvya izina lya kwe Leza kungakwavwa wuli ukuyivwa ukuti e Yehova we ciwuza wako?
WAMWI WAKATI: “Ungita Leza izina ilili lyonsinye, nke wawa wenganye”
-
Uzye ungazumila ukuti izina lya kwe Leza we Yehova?
-
Uzye ungalondolola wuli icisinka cakuti e Leza akalonda twawomvya izina lyakwe?
IVISINKA VIKULU
Izina lya kwe Leza wacisinka wenganye we Yehova. Swinya akalonda tulimanye nu kuwaliwomvya pakuti tupalamile kwe weliwe.
Avyani Vino Wasambilila?
-
Cani calenga e Yehova apusaneko na twaleza tunji tuno awantu wakapepa?
-
Amulandu ci wuno tuzipizile twawomvezya izina lya kwe Leza?
-
Acani cino cikalanjizya ukuti e Yehova akalonda upalamile kwe weliwe?
MANYILAPO NA VINJI
Lola imilandu 5 yino yingalenga tusuwile ukuti e Leza akuno wawa.
Lola umulandu wuno mwawela amano mukuzumila ukuti e Leza wawako umuyayaya
“Weni Wapanzile Leza?” (Ulupungu lwa kwa Kalinda, August 1, 2014)
Sambilila umulandu wuno tuzipizile twawomvezya izina lya kwe Leza cingatenga tutamanya vino lyalumbulwanga
Uzye e Leza tungamupundila kwi zina ilili lyonsinye? Lola umulandu wuno tungalandila ukuti nawenye wawa vye ni zina lyonganye.
“Uzye e Leza Wawa na Mazina Yanga?” (Icipande ca pa webusayiti)