TAMACHTILIS 04
¿Akoni Dios?
Miak xiujmejya, miakej kinueyichiuanij miakej tiotsitsin. Sayoj ke Biblia kijtoua ke Dios “okachi ueyichiujkej ke nochi okseki tiotsitsin” (2 Crónicas 2:5). ¿Akoni yejuatsin? ¿Uan keyej okachi ueyichiujkej ke nochi tiotsitsin tein kinueyichiuaj? Itech nejin tamachtilis xikonita keniuj Dios kineki xikonixmati.
1. ¿Keniuj monotsa Dios uan keniuj tikmatij ke kineki maj tikixmatikan?
Itech Biblia Dios techiluia akoni yejuatsin. Yejua ika kijtoua: “Nejua niJiova. Yejua nejon notokay” (xikonita Isaías 42:5, 8). Tokayit Jiova mokixtij itech tajtol hebreo, uan miakej motelmachtianij kijtouaj ke kijtosneki “yejuatsin kichiua maj mochiua”. Jiova kineki maj tikixmatikan itokay (Éxodo 3:15). ¿Keniuj tikmatij? Porin kikauak maj moijkuilouani itokay itech Biblia panoua 7,000. a Jiova yejua itokay “Dios akin melauak ompa iluikak uan itech taltikpak” (Deuteronomio 4:39).
2. ¿Keniuj kijtoua Biblia ke tamati Jiova?
Biblia kijtoua ke Jiova sayoj yejua Dios akin melauak uan amo okseki tiotsitsin tein kinueyichiuaj. ¿Keyej ijkon kijtoua? Maj tikitakan seki taman. Jiova kipia okachi tanauatil, akin okachi ‘Ueyichiujkej itech nochi taltikpak’ (xikonita Salmo 83:18). Yejuatsin kipia “nochi chikaualis”, nejin kijtosneki ke ika ichikaualis kichiua nochi tein kineki. No moixmati kemej Tachijchiujkej porin kichijchiuak “nochi ten ongak”, iluikak uan taltikpak uan nochi tein yoltok (Apocalipsis 4:8, 11). Uan no, sayoj Jiova akin nochipa nemini uan nochipa nemis (Salmo 90:2).
MAJ OKACHI TIMOMACHTIKAN
Dios sayoj kipia se tokayit tein sayoj yejuatsin kinamiki. Tikitaskej keyej Dios oso toTajtsin amo itokay, no tikitaskej keniuj techixmatiltia uan keyej kineki maj tikmatikan.
3. Maski Dios tikiluiaj toTajtsin oso Dios, kipia se itokay
¿Keyej keman tikixmatij aksa ika tekit tein kipia amo yejua itokay? Xikitakan VIDEO uan ika xitajtokan nejin:
-
¿Keyej taman maj sayoj se kilui Dios uan maj se kinotsa ika itokay?
Biblia kijtoua ke miakej kinueyichiuaj tiotsitsin. Xikitakan Éxodo 15:3, 11 uan ika xitajtokan nejin:
-
¿Akoni okachi ueyichiujkej ke nochi tiotsitsin?
4. Jiova kineki xikonmati itokay uan ika xikonnotsa
¿Keniuj tikmatij ke Jiova kineki xikonmati itokay? Xikitakan video uan ika xitajtokan nejin:
-
¿Keniuj tikmatij ke Jiova kineki maj tikmatikan itokay?
Jiova kineki maj nochin kitokaytikan. Xikitakan Romanos 10:13 uan ika xitajtokan nejin:
-
¿Keyej semi moneki tiktokaytiskej Dios?
-
¿Keyej tikonuelita maj mitsontokaytikan?
-
¿Keniuj momachilia Jiova keman tikontokaytia?
5. Jiova kineki kuali iuan xionmouika
Se siuat akin monotsa Soten uan nemi Camboya, kijtoj ke semi kualtsin maj tikpiakan se toTajtsin akin toka motekipachoua. Xikitakan VIDEO uan ika xitajtokan nejin:
-
¿Keniuj kipaleuij Soten keman kimatik itokay Dios?
Keman tiknekij kuali timouikaskej iuan aksa achto tikmatij itokay. Xikitakan Santiago 4:8a uan ika xitajtokan nejin:
-
¿Toni kineki Jiova xikonchiua?
-
¿Tikonnemilia ke uelis tionmouikas iuan Dios axkan ke tikonixmatia itokay? ¿Keyej?
TEIN SEKIN KIJTOUAJ: “Uelis tiknotsaskej Dios kemej tiknekiskej”.
-
¿Tikonneltoka ke Jiova yejua itokay Dios?
-
¿Keniuj tikoniluiskia oksekin ke Dios kineki maj se kitokayti?
TEIN TIKITAKEJ
Jiova yejua itokay Dios akin melauak. Yejuatsin kineki maj tikmatikan itokay uan maj tikuikan porin kineki maj kuali iuan timouikakan.
Maj tikelnamikikan
-
¿Keyej Jiova amo kemej okseki tiotsitsin?
-
¿Keyej moneki maj tiktokaytikan Dios?
-
¿Keniuj tikmatij ke Jiova kineki maj kuali iuan timouikakan?
NO XIKONITA NEJIN
Xikonita makuil taman tein kinextia ke Dios nemi.
Xikonita keyej taixejekol maj tikneltokakan ke Dios nochipa nemini.
“¿Akoni kichijchiuak Dios?” (Tanejmachtijkej, 1 metsti agosto xiuit 2014)
Xikonita keyej moneki tiktokaytiskej Dios maski amo tikyekmatij keniuj yekinika moijtouaya.
¿Moneki maj se kimati keniuj se kitokaytis Dios? Xikonita keyej Dios kipia sayoj se tokayit.
a Itech apéndice A4 tein kipia La Biblia. Traducción del Nuevo Mundo okachi tikonitas tein kijtosneki itokay Dios uan keyej itech okseki Biblias kikixtilianij nejon tokayit.
Xa no tikonuelitas
NETAJTANILMEJ TEIN MOCHIUAJ
¿Keniuj itaixpantijkauan Jiova kimachtiaj aksa ika Biblia?
Keman se itaixpantijkauj Jiova mitsonmachtis, tejuatsin uelis tikonkuis tein yeski Biblia. No uelis tikonyoleuas akin nemij mokalijtik oso akin yeski.
