ISIFUNDO 04
Ngubani UNkulunkulu?
Selokhu abantu babakhona, bebelokhu bekhonza onkulunkulu labonkulunkulukazi abanengi. Kodwa iBhayibhili lisitshela ngoNkulunkulu ‘omkhulu ukwedlula bonke abanye onkulunkulu.’ (2 ImiLando 2:5) Ngubani? Kuyini okwenza abe mkhulu kulabo bonke onkulunkulu abakhonzwa ngabantu? Esifundweni lesi uzabona ukuthi uNkulunkulu ufuna ubemazi.
1. Ngubani ibizo likaNkulunkulu futhi kuyini okutshengisa ukuthi ufuna silazi?
UNkulunkulu uyasitshela ukuthi ungubani esebenzisa iBhayibhili. Uthi: “NginguJehova. Lelo yilo ibizo lami.” (Bala u-Isaya 42:5, 8.) Ibizo elithi “Jehova” lihunyutshwe kwelesiHebheru futhi izingcitshi ezihlola iBhayibhili zithi ibizo leli litsho ukuthi, “Wenza Ukuthi Kube Khona.” UJehova ufuna silazi ibizo lakhe. (U-Eksodusi 3:15) Kuyini okwenza sitsho njalo? Kungenxa yokuthi ibizo lakhe litholakala izikhathi ezedlula 7 000 eBhayibhilini. a Ibizo elithi Jehova ‘ngelikaNkulunkulu weqiniso’ futhi kakho onjengaye ezulwini lasemhlabeni.—UDutheronomi 4:39.
2. IBhayibhili lisitshelani ngoJehova?
IBhayibhili lithi kubo bonke onkulunkulu abakhonzwayo, uJehova nguye yedwa uNkulunkulu weqiniso. Kuyini okwenza angafanani labanye onkulunkulu? Kulezizatho ezinengi ezenza kube njalo. IBhayibhili lithi uJehova nguye yedwa “oPhezukonke emhlabeni wonke.” (Bala iHubo 83:18.) ‘UnguSomandla,’ okutsho ukuthi ulamandla okwenza loba yini afuna ukuyenza. UJehova “wadala zonke izinto” ezikhona emhlabeni, esizibonayo lesingaziboniyo. (ISambulo 4:8, 11) UJehova kafanani laloba ngubani ngoba ubelokhu ekhona kusukela nini lanini futhi uzaqhubeka ekhona kuze kube phakade.—IHubo 90:2.
GEBHA UJULE
Engxenyeni le uzathola okunengi ngebizo likaNkulunkulu langamabizo akhe okuhlonipha. Uzafunda lokuthi kungani uNkulunkulu efuna ubelazi ibizo lakhe.
3. UNkulunkulu ulebizo elilodwa eliqondane laye lanxa elamanengi awokuhlonipha
Ukuze ubone umehluko phakathi kwebizo lomuntu lebizo lakhe lokuhlonipha, bukelani IVIDIYO beselixoxa ngombuzo olandelayo.
-
Kulomehluko yini phakathi kwebizo lokuhlonipha elinjengokuthi “Nkosi” lebizo likaNkulunkulu eliqondane laye?
IBhayibhili lithi kulabonkulunkulu abanengi lamakhosi amanengi. Bala iHubo 136:1-3 beselixoxa ngombuzo lo:
-
Ngubani “uNkulunkulu omkhulu kulabo bonke onkulunkulu” ‘leNkosi yamakhosi’?
4. UJehova ufuna ulazi ibizo lakhe njalo ulisebenzise
Kuyini okutshengisa ukuthi uJehova ufuna ulazi ibizo lakhe? Bukelani IVIDIYO beselixoxa ngemibuzo elandelayo.
-
Ucabanga ukuthi uJehova ufuna abantu balazi ibizo lakhe yini? Yindaba usitsho njalo?
UJehova ufuna abantu basebenzise ibizo lakhe. Bala uRoma 10:13 beselixoxa ngemibuzo elandelayo:
-
Kuqakatheke ngani ukusebenzisa ibizo likaNkulunkulu elithi Jehova?
-
Uzwa njani nxa omunye umuntu esazi ibizo lakho futhi ekubiza ngalo?
-
Ucabanga ukuthi uJehova uzwa njani nxa usebenzisa ibizo lakhe?
5. UJehova ufuna ube ngumngane wakhe
Owesifazana odabuka eCambodia okuthiwa nguSoten uthi ukwazi ibizo likaNkulunkulu kwamenza wathokoza kakhulu. Bukelani IVIDIYO beselixoxa ngombuzo olandelayo.
-
Ukwazi ibizo likaNkulunkulu kwamnceda njani uSoten?
Nxa ufuna ukuba ngumngane womunye umuntu, izikhathi ezinengi uqala ngokwazi ibizo lakhe. Bala uJakhobe 4:8a beselixoxa ngemibuzo elandelayo:
-
UJehova ukucela ukuthi wenzeni?
-
Ukwazi ibizo likaNkulunkulu lokulisebenzisa kuzakunceda njani?
ABANYE BATHI: “KuloNkulunkulu oyedwa kuphela, yikho akulandaba ukuthi umbiza ngaliphi ibizo.”
-
Uyakukholwa yini ukuthi ibizo likaNkulunkulu nguJehova?
-
Kuyini okwenza ungathandabuzi ukuthi uNkulunkulu ufuna sisebenzise ibizo lakhe?
ISIFINQO
Ibizo likaNkulunkulu weqiniso nguJehova. Ufuna silazi ibizo leli futhi silisebenzise ukuze sibe ngabangane bakhe.
Ufundeni?
-
Kuyini okwenza uJehova angafanani labanye onkulunkulu?
-
Kungani kumele sisebenzise ibizo likaNkulunkulu?
-
Kuyini okutshengisa ukuthi uJehova ufuna ube ngumngane wakhe?
THOLA OKUNENGI
Bala isihloko lesi ubone izizatho ezinhlanu ezitshengisa ukuthi uNkulunkulu ukhona.
“UNkulunkulu Ukhona Yini?” (Isihloko esikuwebhusayithi yethu)
Bala isihloko lesi uzwe ukuthi yindaba kumele sikholwe ukuthi uNkulunkulu wayevele ekhona.
“Ngubani Owadala UNkulunkulu?” (INqabayokulinda, August 1, 2014)
Bala isihloko lesi ukuze ubone ukuthi kungani kumele sisebenzise ibizo likaNkulunkulu lanxa singakwazi ukuthi lalibizwa njani kudala.
Kulendaba yini ukuthi simbiza sisithini uNkulunkulu? Bala isihloko lesi uzwe ukuthi yindaba sisithi ulebizo elilodwa eliqondane laye.
“UNkulunkulu Ulamabizo Amangaki?” (Isihloko esikuwebhusayithi yethu)
a Ukuze uthole okunengi ngengcazelo yebizo likaNkulunkulu lokuthi kungani lingekho kwamanye amaBhayibhili, bala iSengezo A4 ku-Nguqulo Yomhlaba Omutsha.
Nanku Okunye
IMIBUZO EJAYELE UKUBUZWA NGABANTU
OFakazi BakaJehova Babafundisa Njani Abantu IBhayibhili?
Uhlelo lokufunda iBhayibhili laboFakazi bakaJehova ngolwamahala njalo ukhululekile ukusebenzisa iBhayibhili olijayeleyo kanye lokunxusa izihlobo labangane ukuthi labo bafunde lindawonye.
