CIJIJO 04
Ndiyani Mwari?
Kuvhira kare, vandhu vari kunamata zvimwari zvakasiyana-siyana. Asi Bhaibheri rinonanga kuti kuna Mwari umwe “wakakura kupinda bzimwari bzese.” (2 Kronike 2:4) Ndiyani Mwari wondhowo? Cicinyi cinoita kuti iyena ave mukuru, kupinda zvimwari zvese zvinonamatwa ngo vandhu? Pa cijijo ici, vonanyi kuti ngozvapi zvaanoda kuti muzive ngo pamusoro pake.
1. Ngorapi zina ra Mwari, tingazvithembesa kudini kuti iyena anoda kuti tizive zina rake?
Ecishandisa Bhaibheri, Mwari anotivhunja zina rake. Iyena anoti: ‘Ndini Jehovha. Iri ndirona zina rangu.’ (Verenganyi Isaia 42:5, 8, Sandujo yo Nyika Imbza.) Zina rokuti “Jehovha” rakasandujwa kuvha mu Cihebheru recida kureva kuti “Iyena Anoita kuti Zvaanoda Zviitike.” Jehovha anoda kuti tizive zina iri. (Exodo 3:15) Tingazvithembesa kudini izvi? Mu Bhaibheri, zina iri rinowanika mundau jinopindirija kuita 7.000! a Zina rokuti Jehovha ngo ra Mwari umwe wokadi ‘mu gore no mu nyika.’—Deuteronòmio 4:39.
2. Bhaibheri rinotivhunjenyi ngo pamusoro pa Jehovha?
Bhaibheri rinonanga kuti pa zvimwari zvese zvinonamatwa ngo vandhu, Jehovha ndiyena ega Mwari wokadi. Ngenyi? Ngo mathangwe mazinji. Jehovha anokwanisa kuita zvese, iyena ndiyena ega “Mukuru-kuru panyezuru po nyika yese!” (Verenganyi Nduyo 83:19.) Bhaibheri rinonanga kuti iyena ngo wo ‘masimba ese,’ izvo zvinoda kureva kuti iyena ano simba ro kuita zvese zvaanonga ecida. Iyena ‘wakasika zvese’—nyika no zvese zvinopona. (Apokaripsi 4:8, 11) Mukusiyana no mundhu ari wese, kuvhira kare Jehovha andoriyo, anoramba aripo mbhera narini.—Nduyo 90:2.
NASANYI KUPSAKISISA
Vonanyi musiyano uripo wo mazina okureremeja Mwari no zina rake kamare. Vonanyizve kuti ngenyi Mwari anozivisa zina rake komuri, zvicinyi zvinomuitisa kuti aite kudaro.
3. Mwari ano mazina akawanda okureremeja, asi rake ndirimwe basi
Kuti muvone kusisira ko kushandisa zina rake kamare kusiyapo mazina okureremeja, rijanyi VHIDHIYO, perapo bhuisananyi ngo muvhunjo unotevera.
-
Ngowapi musiyano wo zina rokureremeja rakadari inga “Tenji,” pomwe no zina kamare?
Bhaibheri rinonanga kuti vandhu vanonamata zvimwari zvakawanda no majitenji akawanda. Verenganyi Nduyo 136:1-3, perapo bhuisananyi ngo muvhunjo uwu:
-
Ndiyani ‘Mwari wo zvimwari’ na “Tenji wo majitenji”?
4. Jehovha anoda kuti mu muzive no kushandisa zina rake
Ngozvapi zvinotatija kuti Jehovha anoda kuti muzive zina rake? Rijanyi VHIDHIYO, perapo bhuisananyi ngo muvhunjo jinotevera.
-
Munovona kudini, kureva kuti Jehovha anoda kuti zina rake rizivike? Ngenyi?
Jehovha anoda kuti vandhu vashandise zina rake. Verenganyi Varoma 10:13, perapo bhuisananyi ngo muvhunjo iji:
-
Ngenyi zvinosisira kushandisa zina ra Mwari, Jehovha?
-
Munozwa kudini mundhu paanoceukija zina renyu no kurishandisa?
-
Munovona kuti Jehovha anojizwa kudini pamunoshandisa zina rake?
5. Jehovha anoda kuti muve shamwari yake
Mwanakaji umweni wo ku Kambodhiya anodanijwa kuti Soteni, wakananga kuti kuziva zina ra Mwari “kwakamubesera kuti ave wakadakara.” Rijanyi VHIDHIYO, perapo bhuisananyi ngo muvhunjo unotevera.
-
Pa vhidhiyo, kuitisa kudini kujijira ngo zina ra Mwari kwakabesera Soteni?
Mucito mava shamwari yo ariwese, kazinji munotanga maziva zina rake. Verenganyi Jakobo 4:8a, perapo bhuisananyi ngo muvhunjo iji:
-
Jehovha ari kumukoka kuti muitenyi?
-
Kuitisa kudini kuziva no kushandisa zina ra Mwari kunobesera kuti mukhwedere phedo naye?
VANDHU VAMWENI VANOTI: “Azvinenyi kuti unomudanijisa kudini, Mwari ndi umwe basi.”
-
Munokhohwa kuti zina ra Mwari ndi Jehovha?
-
Maizosanangurisa kudini kuti Mwari anoda kuti tishandise zina rake?
ZVOTAJIJA
Jehovha i zina ra Mwari umwe wokadi. Iyena anoda kuti timuzive no kushandisa zina rake kuti tikwanise kuva shamwari jake.
Kuhwirijira
-
Kuitisa kudini Jehovha wakasiyana no zvimwari zvese zvinonamatwa ngo vandhu?
-
Ngenyi tinodikana kushandisa zina ra Mwari?
-
Ngozvapi zvinotatija kuti Jehovha anoda kuti muve shamwari yake?
ZIVANYI ZVIMWENI
Vonanyi zviro zvishanu zvinotikhohwesa kuti Mwari ariyo.
Vonanyi kuti ngenyi tinokhohwa kuti kuvhira kare Mwari andoriyo.
“Ndiani Akasika Mwari?”(Murindiri No. 1 wa Agosto wo 2014, Cishona)
Vonanyi kuti ngenyi tinodikana kushandisa zina ra Mwari, pikija kuti atinasi kuziva kamare madanijihwe aro okutanga.
Manera atinodanija Mwari anosisira here? Vonanyi kuti ngenyi tinonanga kuti iyena ano zina rimwe basi.
a Kuti muwane masoko mazinji ngo pamusoro po zina ra Mwari no kuti ngenyi sandujo jimweni jo Bhaibheri jakavhisa zinero, vonanyi Masoko Okuengejera A4 mu Bhaibheri—Sandujo yo Nyika Imbza mu Cishona.
