KAPITEL 04
Wee is God?
Ain kord tijd nåheer as dai lüür måkt woore sin, sai häwe anfånge falsche godes anbeere, åwer dai Bijbel sägt oiwer air God wat ‘gröter is as dai andrer godes’. (2 Crônicas 2:5) Wee is hai un woweegen is hai gröter as irgends air god? Dës God wil dat wij oiwer em lëre schåle. Wiman’s dit ais lëre in dës kapitel.
1. Woo hit God? Un wat däit wijse dat hai wildat wij em sijne nåme kene schåle?
Ine Bijbel God sägt wee hai is: “Ik bün Jehovaa. Dës is mij nåme”. (Lees Isaías 42:5 un 8). Dai nåme Jehovaa up hebraica språk kan bedüüre “Hai mökt wat ware schal”. Jehovaa wil dat wij em sijne nåme kene schåle. (Êxodo 3:15) Wosoo koine wij oos sicher sin hijr fon? Hai wul sijne nåme ine Bijbel låte mër as 7 duusend mål. a (Kijk dai nåt.) Bloos dai ‘wår God im himel un upe Ër’ is wërd taum der nåme Jehovaa häwe. (Deuteronômio 4:39)
2. Wat sägt dai Bijbel oiwer Jehovaa?
Dai lüür daue feel godes anbeere, åwer dai Bijbel sägt dat giwt bloos air wår God. Woweegen sägt dai Bijbel dat? Weegen Jehovaa is dai oiwerst oiwer ales, dai wat al kraft hät oiwer dai gans Ër. (Lees Salmo 83:18) Hai hät dai kraft taum ales måke wat hai wil, hai hät ales måkt wat giwt am himel un upe Ër un weegen hai is dai ainsig wat kainer anfang un kaine ën hat hät. (Apocalipse 4:8, 11 un Salmo 90:2)
DAU MËR LËRE
Dau lëre woweegen wöör soo as Laiw God, Her un Fåter, sin gans aners as God sij hailig nåme, sai uk woweegen hät God sij nåme tau dij weese un woweegen hät hai dat måkt.
3. Wij koine God nene up feel moors, åwer hai hät bloos aine nåme
Sin dai wöör soo as Fåter, Her un soo wijrer aners as der mësch sijne nåme? Taum dai antwoord fijne, kijk dai VIDEO un nåheer fortel oiwer dai fråg hijr uuner:
-
Wat is aners tüschen air woord soo as “Her” un aine nåme?
Dai Bijbel sägt dai lüür daue dijne feel godes un feel here. Lees Salmo 136:1 bet 3 un nåheer fortel oiwer dai fråg hijr uuner:
-
Wee is dai “God fon der godes un Her fon der here”?
4. Jehovaa wil dat’s duu em sijne nåme benutse un waite schast
Wat däit wijse dat Jehovaa wil dat’s duu em sijne nåme waite schast? Kijk dai VIDEO un nåheer fortel oiwer dai fråg hijr uuner:
-
Wat denkst duu? Woweegen wil Jehovaa dat dai lüür schåle em sijne nåme kene?
Jehovaa wil dat dai lüür em sijne nåme benutse daue. Lees Romanos 10:13 un nåheer fortel oiwer dai frågen hijr uuner:
-
Woweegen muite wij Jehovaa sijne nåme benutse?
-
Wosoo däist duu dij forneeme wen dai andrer dijne nåme ni forgeete daue?
-
Wosoo däist duu denke dat Jehovaa sich forneeme däit wen’s duu em sijne nåme benutse däist?
5. Jehovaa wil dat’s duu schast aine gaure ümgang mit em häwe
Sai ain geschicht fon ain fruug fon Camboja wat Soten haite däit, sai hät sägt dat Jehovaa sijne nåme kene un wat dat bedüürt, wäir “dat best dail wat sai fornåme hät”. Kijk dai VIDEO un nåheer fortel oiwer dai fråg hijr uuner:
-
Wosoo is Soten sij leewend beeter woore nåheer dat sai God sijne nåme lërt hät?
Taum aine gaure ümgang mit aim häwe, duu must gaud em sijne nåme kenelëre. Lees Tiago 4:8a un nåheer fortel oiwer dai frågen hijr uuner:
-
Wat wil Jehovaa wat’s duu måke schast?
-
Woweegen God sijne nåme waite un benutse kan dij helpe aine gaure ümgang mit em häwe?
WEK DAUE SOO SÄGE: “Dat giwt bloos aine God. Däit nischt wosoo as wij em nene daue.”
-
Büst duu dij sicher dat God sij nåme Jehovaa is?
-
God wil dat wij em sijne nåme benutse daue. Wosoo kast duu dat tau ande mësche uutdüüre?
WAT HÄWE WIJ HIJR LËRT?
Dai ainsig wår God sijne nåme is Jehovaa. Hai wil dat’s duu aine gaure ümgang mit em häst, dårweegen muite wij Jehovaa sijne nåme waite un benutse.
Denk dij ais nå
-
Woweegen is Jehovaa gans aners as dai andrer godes?
-
Woweegen muite wij God sijne nåme benutse?
-
Wat däit wijse dat Jehovaa ain gaur ümgang mit dij häwe wil?
TAUM MËR WAITE
Sai 5 daile wat oos sicherhët geewe dat God giwt.
“Koine wij anglööwe dat dat air God giwt?” (Stäit in jw.org taum leesen)
Wait woweegen koine wij anglööwe dat God hät kaine anfang un kaine ën hat.
Wij waite ni wosoo as dai lüür ine früüsche tijd God sijne nåme säge däire. Dau lëre woweegen nog soo, muite wij God sijne nåme benutse.
Loont sich God sijne nåme benutse urer ni? Sai woweegen kan man säge dat God bloos aine nåme hät.
a Nåt: Taum mër waite wat God sij nåme bedüürt, un woweegen dai wat dai Bijbel nåsreewe häwe, häwe dëse nåme fone Bijbel ruutermåkt, kijk dai Apêndice A4 fon dai Tradução do Novo Mundo da Bíblia Sagrada up briånisch.
Kan sin dat dit dij uk gefale däit
MËSTE FRÅGEN
Wosoo kan man dai Bijbel lëre mit Jehovaas Tüügen?
Duu kast dijn aigen Bijbel benutse taum dai Bijbel lëre mit Jehovaas Tüügen.Duu kast dijn gans familg urer dijn fründe nööge taum dai Bijbel lëre t’hoop mit dij.
