TLAMACHTIJLI 04
¿Akinon toTajtsin?
Desde yeuejkaui, miyekej kinueyichiuaj miyekej dioses noso tajtsitsintin. San ika, Biblia kijtoua ika nemi se Dios noso se toTajtsin akin “más ueyixtikaj xken nochimej on oksekimej dioses” (2 Crónicas 2:5). ¿Akinon yejua? ¿Niman tleka más ueyixtika xijkon ken oksekimej dioses? ¿Tikuelitaskia tikixmatis?
1. ¿Kenijki itoka toTajtsin, niman tleka tikmatstokej ika kineki matikmatikan itoka?
ToTajtsin techijlia ipan Biblia ika kipiya itoka. Yejua kijtoua: “Nejua niJEHOVÁ” (xkita Éxodo 6:2, 3). Tokayotl “Jehová” ualeua itech tlajtojli hebreo. Miyekej ixtlamatkej kijtouaj ika kijtosneki “yejua kichiua manochiua”. Jehová kineki matikmatikan itoka (Éxodo 3:15). ¿Tleka ijkon tikijtouaj? Pampa yejua okichiuj ika ipan Biblia makijkuilokan itoka más de siete mil veces. a Jehová yejua akin “melauak Dios ipan in tlaltikpaktli niman ipan iluikak [noso cielo]” (Deuteronomio 4:39).
2. ¿Tlenon techijlia Biblia itech Jehová?
Biblia techijlia ika, maski miyekej kinueyichiuaj miyekej tajtsitsintin, san Jehová yejua akin melauak toTajtsin. ¿Tleka ijkon kijtoua? Matitlanemilikan itech yejuin, Jehová yejua akin más ueyixtika “ipan nochi in tlaltikpaktli” (xkita Salmo 83:18). Biblia noijki kijtoua ika Jehová se toTajtsin akin “nochi ueli”. Yejuin kijtosneki ika yejua uelis kichiuas nochi tlen yejua kinekis. Niman Biblia noijki techijlia ika toTajtsin yejua akin nochi okichijchiuj: okichijchiuj nochi tlen onka ne iluikak niman nochi tlen onka ipan yejuin tlaltikpaktli (Apocalipsis 4:8, 11). Jehová nochipa yonen niman nochipa nemis (Salmo 90:2).
OKSEKI XKASIKAMATI
Matikitakan tleka noneki tiknotsaskej toTajtsin ika itoka niman tleka miyekej xijkon kitokayotiaj. Noijki matikitakan nochi tlen toTajtsin yokichiuj niman ijkon matikmatikan kenijki itoka.
3. ToTajtsin kipiya san se itoka
Ijkon ken tinochimej tikpiyaj totoka, toTajtsin noijki kipiya se itoka. Xkitakan VIDEO niman xtlajtokan itech yejuin:
-
Miyekej kijtouaj ika toTajtsin itoka toTEKO, san ika, ¿yejon melauak?
Biblia kijtoua ika miyekej kinueyichiuaj miyekej tajtsitsintin. Xkitakan Éxodo 15:3, 11 niman xtlajtokan itech yejuin:
-
¿Akinon más ueyixtika itech nochimej tajtsitsintin?
4. Jehová kineki xmati kenijki itoka
¿Tleka tikijtouaj ika Jehová kineki xmati kenijki itoka? Xkitakan VIDEO niman xtlajtokan itech yejuin:
-
¿Tleka tiknemilia ika Jehová kineki nochimej makimatikan kenijki itoka?
Jehová kineki ika nochimej makinotsakan ika itoka. Xkitakan Romanos 10:13 (TNM), niman xtlajtokan itech yejuin:
-
¿Tleka melak noneki matiknotsakan toTajtsin ika itoka?
-
¿Tipaki ijkuak yakaj kilnamiki motoka? ¿Tleka?
-
¿Tiknemilia ika toTajtsin paki ijkuak tiknotsaj ika itoka?
5. Jehová kineki iuan xmouika
Se siuatsintli de Camboya, akin itoka Soten, okijto ika melak oyolpak ijkuak okimat kenijki itoka toTajtsin. Xkitakan VIDEO niman xtlajtokan itech yejuin:
-
Ken otikitakej ipan video, ¿kenijki onomachili Soten ijkuak okimat kenijki itoka toTajtsin?
Xuelis yakaj iuan touikaskej tla xtikmatij kenijki itoka. Xkitakan Santiago 4:8a niman xtlajtokan itech yejuin:
-
¿Tlenon kuelitaskia Jehová matikchiuakan?
-
¿Tiknemilia ika uelis más kuajli timouikas iuan toTajtsin tla tiknotsa ika itoka? ¿Niman tleka ijkon tiknemilia?
SEKIMEJ KIJTOUAJ: “Nemi san se toTajtsin, kuakon, uelis san kenijki tiktokayotiskej”.
-
¿Tikneltoka ika toTajtsin itoka Jehová?
-
¿Tlenon uelis tikchiuas niman ijkon tikimijlis oksekimej ika toTajtsin kineki matiknotsakan ika itoka?
TLEN OTIUEL
ToTajtsin itoka Jehová niman san yejua ueyixtika. Uelis touikaskej iuan toTajtsin tla tikmatij itoka niman tla ijkon tiktokayotiaj.
¿Kenon titlanankiliskia?
-
¿Tleka tikijtouaj ika Jehová xijkon ken tajtsitsintin tlen miyekej kinueyichiuaj?
-
¿Tleka melak noneki matiknotsakan toTajtsin ika itoka?
-
¿Kineki Jehová iuan xmouika? ¿Tleka ijkon tikijtoua?
OKSEKI XKITA
Xkita tleka uelis tikneltokas ika melauak nemi toTajtsin.
Xkita tleka tikijtouaj ika toTajtsin nochipa yonen niman nochipa nemis.
“¿Akinon okichijchiuj toTajtsin?” (Amatl Tekakistilijketl, 1 de agosto de 2014)
Xkita tleka noneki matikijtokan itoka toTajtsin maski xtikmatij kenijki melauak noijtouaya yeuejkaui.
Xkita tleka melak kuajli tla tiknotsaj toTajtsin ika itoka.
a Ipan amatlajkuilojli Tlen tepaleuiya timomachtis iTlajtol toTajtsin, uelis tikitas tlenon más kijtouaj ixtlamatkej itech itoka toTajtsin niman tleka ipan seki Biblias xuajnestiuj itoka toTajtsin.
Puede que también le interese
TLEN MIYEKPA NOTLAJTOLTILO
¿Kenon nochiua ijkuak se kimachtiaj itech Biblia?
Ijkuak mitsmachtiskej iteixpantijkauan Jehová uelis tijkuis maski san katlejua Biblia. Uelis ompa nemiskej mochanejkauan noso moamigos.
