LECCIÓN 04
¿A̱ʼ yéj Dios?
Desde ke tsi̱ntiʼ iga onoʼ gente pan ta̱jli, la gente ki-adora̱rowa miak diosmej. Pero la Biblia tajtowa de se̱ Dios «yej ma̱j weyi ke nochi seuʼmej diosmej» (2 Crónicas 2:5). ¿A̱ʼ yéj? ¿Wan té íga ma̱j weyi ke nochi seuʼmej diosmej yej la gente ki-adora̱rowa? Ximomachti pan iní̱n lección yej Dios kineki iga téj xikmati de yéj.
1. ¿Katiá ito̱ka̱ Dios, wan kén tikmatij iga yéj kineki matiki̱xmatikan ito̱ka̱?
Pan la Biblia, Dios ijkí̱n mone̱xtiá: «Nej Jehová. Iní̱n noto̱ka̱» (xiktajto̱lti Isaías 42:5, 8). Jehová yawi se̱ to̱ka̱ yej moki̱xtij del hebreo, sekin expertos kijtowaj iga kijto̱sneki «yej kichi̱wa iga mamochi̱wa». Jehová kineki iga matiki̱xmatikan ito̱ka̱ (Éxodo 3:15). ¿Kén tikmatij? Iga yéj kichij iga ito̱ka̱ mane̱si pan Biblia ma̱j de 7.000 biáj. a Jehová ito̱ka̱ de yej «melaʼ Dios ajko pan los cielos wan tani pan ta̱jli» (Deuteronomio 4:39).
2. ¿Te̱ te̱ijliá la Biblia de Jehová?
La Biblia kijtowa iga de nochi diosmej yej ki-adora̱rowa la gente, yej melaʼ Dios yawi Jehová. ¿Té íga? Onoʼ miak razones. Jehová yej ma̱j kipiá autoridad ke nochimej, «yej onoʼ ma̱j ajko ipan nochi ta̱jli» (xiktajto̱lti Salmo 83:18). Yéj «el Todopoderoso», wan iní̱n kijto̱sneki iga kipiá el poder iga makichi̱wa nochi yej yéj kineki. Yéj no̱ yawi el Creador, yej kichij «nochi tejté̱»: el universo wan nochi tejté̱ yej isatoʼ yej onoʼ pan Ta̱jli (Apocalipsis 4:8, 11). Wan no̱ pets Jehová yej onóyaya wan nochipa yawi onoti (Salmo 90:2).
MATIMOMACHTI̱KAN MA̱J DE INÍ̱N TEMA
Matikitakan té íga ayéj ino̱nsan los títulos de Dios wan ito̱ka̱, se̱ to̱ka̱ yej yéjsan wel kiwi̱ga. Tikmatiskej no̱ kén kichi̱wa iga matiki̱xmatikan ito̱ka̱ wan té íga kineki iga matiki̱xmatikan ito̱ka̱.
3. Dios kipiá miak títulos, pero kipiá se̱san ito̱ka̱
Iga matikitakan la diferencia entre los títulos yej kipiá se̱ persona wan ito̱ka̱, xikitakan el VIDEO wan xitajto̱ka̱n de iní̱n:
-
¿Katiá la diferencia entre se̱ to̱ka̱ wan se̱ título, ken ejemplo señor?
La Biblia kijtowa iga la gente kiadora̱rowa miak diosmej wan señores. Xiktajto̱ltikan Salmo 136:1-3 wan xitajto̱ka̱n de iní̱n:
-
¿A̱ʼ yéj el «Dios de diosmej» wan el «Señor de señores»?
4. Jehová kineki iga téj xiki̱xmati ito̱ka̱ wan xikijto
¿Kén tikmatij iga Jehová kineki iga téj xiki̱xmati ito̱ka̱? Xikitakan el VIDEO wan xitajto̱ka̱n de iní̱n:
-
¿Té íga tikijtowa iga Jehová kineki maki̱xmatika̱n ito̱ka̱?
Jehová kineki iga la gente makijto ito̱ka̱. Xiktajto̱ltikan Romanos 10:13 wan xitajto̱ka̱n de iní̱n:
-
¿Té íga moneki matikijto̱kan ito̱ka̱ Dios, Jehová?
-
¿Kén timomachi̱liá kua̱ ágaj mitsno̱tsa iga moto̱ka̱?
-
¿Kén tikijtowa iga momachi̱liá Jehová kua̱ téj tikno̱tsa iga ito̱ka̱?
5. Jehová kineki iga téj ximochi̱wa iamigoj
Se̱ siwa̱ de Camboya yej ito̱ka̱ Soten kijtowa iga si tiki̱xmati ito̱ka̱ Dios inó̱n yej ma̱j ye̱kti yej wel pano̱wa pan movida. Xikitakan el VIDEO wan xitajto̱ka̱n de iní̱n:
-
Ken tikitaʼ pan video, ¿kén kipale̱wij Soten iga ki̱xmatiʼ ito̱ka̱ Dios?
Iga ágaj mayawi to-amigoj, achto moneki matiki̱xmatikan ito̱ka̱. Xiktajto̱ltikan Santiago 4:8a wan xitajto̱ka̱n de iní̱n:
-
¿Te̱ kinekiskiá Jehová iga xikchi̱wa téj?
-
¿Tikijtowa téj iga xikmati wan xikijto ito̱ka̱ Dios wel mitspale̱wiá iga ximomachi̱li ma̱j na̱ʼ de yéj? ¿Té íga?
YEJ SEKIN KIJTOWAJ: «Iga onoʼ se̱san Dios, wel tikno̱tsaj ke̱nsan tejeme̱n tiknekij».
-
¿Tikijtowa iga Jehová yawi ito̱ka̱ Dios?
-
¿Kén wel tikijliá seuʼmej iga Dios kineki matikijto̱kan ito̱ka̱?
TE̱ TIMOMACHTIJ
Jehová ito̱ka̱ de yej melaʼ Dios. Yéj kineki matiki̱xmatikan ito̱ka̱ wan matikijto̱kan iga wel matia̱kan iyamigos.
Matikejla̱mikika̱n te̱ timomachtijkej
-
¿Pan te̱ yawi diferente Jehová de nochi seuʼmej diosmej yej ki-adora̱rowa la gente?
-
¿Té íga moneki matikijto̱kan ito̱ka̱ de Dios?
-
¿Kineki Jehová iga téj ximochi̱wa iamigoj? ¿Kén tikmati?
XIKMATI MA̱J
Ximomachti cinco tejté̱ yej kine̱xtiá iga onoʼ Dios.
Xikmati té íga wel tikijtowaj iga Dios nochipa onóyaya.
Xikita té íga matikijto̱kan ito̱ka̱ Dios aunke atikmatij ken kijtowa̱yaj ikia.
¿Yawi importante kén tikno̱tsaj Dios? Xikita té íga tikijtowaj iga Dios kipiá se̱san ito̱ka̱.
a Pan el apéndice A4 de La Biblia. Traducción del Nuevo Mundo tikasis ma̱j información de te̱ kijto̱sneki ito̱ka̱ Dios wan té íga pan sekin Biblias ayá̱ kita̱liáj.
