FAMAHAʼÖ 04
Haniha Lowalangi Sindruhu?
Sagötö sejarah, ato lowalangi nifosumange niha. Hizaʼi, itutunö Sura Niʼamoniʼö wa ha samösa Lowalangi ’sabölö moroi ba lowalangi tanö böʼö’. (2 Ngaʼötö 2:5) Haniha ia andrö? Hadia mbörö wa tohude waʼabölönia moroi ba lowalangi tanö böʼö nifosumange niha? Ba wamahaʼö daʼa, tatutunö hewisa wangombakhaʼönia khöu haniha ia.
1. Haniha döi Lowalangi, ba hadia zangoromaʼö wa omasi ia na taʼila döinia?
Ba Zura Niʼamoniʼö, ifatunö khöda haniha ia. Imane, ”Yaʼo Yehowa, daʼö döigu.” (Baso Yesaya 42:5, 8.) ”Yehowa” yaʼia daʼö töi si no mufoʼeluaha moroi ba li Heberaiʼo, ba moloʼö ira sagatua-tua eluahania ”Yaʼia Mbörö Wa Alua”. Omasi Yehowa na taʼila döinia. (2 Moze 3:15) Hana wa faduhu dödöda ba daʼö? Ba Zura Niʼamoniʼö, töra 7.000 kali tesura döinia! a Yehowa andrö töi ”Lowalangi sindruhu ba mbanua si yawa hegöi ba gulidanö”.—5 Moze 4:39.
2. Hadia nifatunö Zura Niʼamoniʼö sanandrösa khö Yehowa?
Ifatunö khöda Sura Niʼamoniʼö, ba gotalua lowalangi böʼö nifosumange niha, ha samösa Lowalangi sindruhu yaʼia daʼö Yehowa. Hadia mbörö? Ibeʼe khöda wanema li Sura Niʼamoniʼö. Ha Yehowa ”Wondrege Zalawa ba gulidanö maʼasagörö”. (Baso Zinunö 83:18.) Mufotöi göi ia ”Fondrege Zabölö” börö me tola ifalua gofu hadia zomasi ia. Yaʼia göi ”zamazökhi fefu hadia ia”, simane banua si yawa awö danö hegöi saliwa-liwa ba danö maʼafefu. (Famaʼeleʼö 4:8, 11) Tenga simane lowalangi böʼö, lö tebulö so Yehowa iʼotarai mböröta ba so manö ia götö-götö waʼara.—Sinunö 90:2.
ODÖDÖGÖ NASA WANGALUI
Tatutunö gamaehuta döi Lowalangi sindruhu hegöi amalalata döinia. Tafahaʼö göi ita hadia nifalua Lowalangi ba wamatunö töinia khöu ba hadia mbörö wa ifalua daʼö.
3. Oya gamalalata döi Lowalangi, hizaʼi ha sambua döinia sindruhu
Enaʼö öʼila gamaehuta döi Lowalangi sindruhu hegöi amalalata döinia, futa VIDEO, ba beʼe wanema li ba wanofu daʼa:
-
Hadia gamaehuta döi Lowalangi sindruhu hegöi amalalata döinia simane ”Soʼaya”?
Iwaʼö Sura Niʼamoniʼö wa oya lowalangi böʼö nifosumange niha. Baso Zinunö 136:1-3, ba beʼe wanema li ba wanofu daʼa:
-
Haniha ”Lowalangi yawa lowalangi böʼö” ba ’Soʼaya yawa zoʼaya’?
4. Omasi Yehowa na öʼila ba öʼogunaʼö döinia
Hadia zangoromaʼö wa omasi Yehowa na öʼila haniha döinia? Futa VIDEO, ba beʼe wanema li ba wanofu daʼa:
-
Moloʼö yaʼugö, hana wa omasi Yehowa na taʼila haniha döinia?
Omasi Yehowa na taʼogunaʼö döinia. Baso Roma 10:13, ba beʼe wanema li ba wanofu-nofu daʼa:
-
Hana wa moguna sibai muʼogunaʼö döi Lowalangi yaʼia daʼö Yehowa?
-
Hewisa dödöu na so niha sangila töimö ba ikaoni ndraʼugö itötöi döimö?
-
Moloʼö yaʼugö, hewisa dödö Yehowa na öʼogunaʼö döinia?
5. Omasi Yehowa na fahuwu ndraʼugö khönia
So samösa ndra alawe moroi ba Kamboja sotöi Soten, iwaʼö wa monönö waʼomuso dödönia me no iʼila haniha döi Lowalangi. Futa VIDEO, ba beʼe wanema li ba wanofu daʼa:
-
Me no iʼila döi Lowalangi, hadia lua-luania khö Soten?
Si toʼölönia, fatua lö fahuwu ndraʼugö khö zi samösa niha, moguna ua öʼila haniha döinia. Baso Yakobo 4:8a, ba beʼe wanema li ba wanofu-nofu daʼa:
-
Hadia niʼandrö Yehowa enaʼö öfalua?
-
Na öʼila ba öʼogunaʼö döi Lowalangi, hana wa itugu aro wahuwusamö khönia?
SO ZANGUMAʼÖ: ”Ha samösa Lowalangi, gofu hadia saʼae takaoni khönia.”
-
Hadia faduhu dödöu wa Yehowa döi Lowalangi?
-
Hewisa wangombakhaʼöu ba niha böʼö wa omasi Lowalangi na taʼogunaʼö döinia?
RAHU-RAHU WAMAHAʼÖ
Ha samösa Lowalangi sindruhu, töinia Yehowa. Omasi ia na taʼila ba taʼogunaʼö döinia enaʼö fahuwu ita khönia.
Hadia Wamahaʼö si Tola Öhalö?
-
Hadia mbörö wa faböʼö Yehowa moroi ba lowalangi tanö böʼö nifosumange niha?
-
Hana wa taʼogunaʼö döi Lowalangi?
-
Hadia zangoromaʼö wa omasi Yehowa na fahuwu ndraʼugö khönia?
ALUI NASA DANÖ BÖʼÖ
Hana wa faduhu dödöu wa so Lowalangi? Baso zi lima ngawalö nitutunö ba artikel web daʼa.
Hana wa tefaudu waʼafaduhu dödöda wa so Lowalangi iʼotarai mböröta?
”Haniha Zomböi Lowalangi?” (Menara Pengawal, 1 Mbaŵa si Walu 2014)
Hana wa moguna taʼila döi Lowalangi hewaʼae na lö taʼila sibai hewisa wanötöi yaʼia me föna?
Hadia tola taʼogunaʼö fefu döi niʼilada ba wogaoni Lowalangi? Hana wa faduhu dödöda ha sambua döi Lowalangi?
”Hauga Ngawua Döi Lowalangi?” (Artikel web, tehenaigö ba li Indonesia)
a Na omasiʼö öʼila nasa danö böʼö sanandrösa ba geluaha döi Lowalangi, ba hadia mbörö wa latayaigö döi daʼö ba zi hawaʼoya Zura Niʼamoniʼö si no lafoʼeluaha, faigi Lampiran A4 ba Mbuku Niʼamoniʼö Famoʼeluaha Gulidanö si Bohou.
Te Göi Adöni Dödöu
SASESE LASOFU NIHA
Hewisa Wamahaʼö Zura Niʼamoniʼö Nifaʼema Ndra Samaduhuʼö Yehowa?
Lö muʼandrö gefe ba program daʼa. Tola öʼogunaʼö gofu hadia manö wamoʼeluaha Zura Niʼamoniʼö somasiʼö. Tola göi ökaoni nawöu mazui ösi nomou ba wefao khöu.
