FAKAAKOAGA 04
Ko Hai e Atua?
Kua leva e momoui he tau tagata ti tapuaki a lautolu ke he loga e tau atua. Ka e hagaao e Tohi Tapu ke he taha e Atua ‘kua mua ue atu he tau atua oti.’ (2 Nofoaga he Tau Patuiki 2:5) Ko hai a ia? Ti ko e ha kua mua ue atu a ia he tau atua oti ne tapuaki e tau tagata ki ai? He fakaakoaga nei, fakaako e puhala ne manako e Atua nei ke iloa e koe a ia.
1. Ko hai e higoa he Atua, ti iloa fēfē e tautolu kua manako a ia ki a tautolu ke iloa ai?
Talahau he Atua a ia ki a tautolu i loto he Tohi Tapu. Pehē a ia: “Ko au ko Iehova, ko e haku a higoa haia.” (Totou Isaia 42:5, 8.) Ko e fakaliliuaga he higoa Heperu “Iehova” kua kakano “To Fakamooli Ai a Ia ke he Mena Ia.” Manako a Iehova ke iloa e tautolu e higoa haana. (Esoto 3:15) Iloa fēfē e tautolu e mena ia? I loto he Tohi Tapu kua tohi ai e higoa haana ke teitei laga 7,000! a Ko Iehova ko e higoa mooli he “Atua ni a ia ke he lagi i luga, katoa mo e lalolagi nai.”—Teutaronome 4:39.
2. Ko e heigoa ne fakakite he Tohi Tapu hagaao ki a Iehova?
Talahau he Tohi Tapu ko e tau atua oti ne tapuaki he tau tagata, ko Iehova tokotaha e Atua mooli. Ko e ha? Loga e kakano. Ha ha ia Iehova e pule okooko, ti ko ia hokoia “kua Mua ue atu ke he lalolagi oti.” (Totou Salamo 83:18.) Ko ia ko e ‘Malolō Oti Kana’ ne ha ha ai e pule ke taute e tau mena oti kua fifili a ia ke taute. Ne ‘eke e ia e tau mena oti,’ ko e tau mena he lagi mo e tau mena momoui oti he lalolagi. (Fakakiteaga 4:8, 11) Ko Iehova ni mai i tuai tigahau ti hoko ke he tukulagi.—Salamo 90:2.
KUMIKUMI FAKAHOKULO
Kumikumi e kehekehe he tau matahigoa he Atua mo e higoa mooli haana. Ti fakaako e puhala mo e kakano ne fakakite e ia e higoa haana ki a koe.
3. Loga e matahigoa he Atua, ka e taha ni e higoa
Ke kitia e kehekehe he matahigoa he tagata mo e higoa haana, tā e VITIŌ, ti tutala ke he hūhū nā.
-
Ko e heigoa e kehekehe he matahigoa tuga e “Iki,” mo e higoa?
Talahau he Tohi Tapu kua loga e tau atua mo e tau iki ne tapuaki he tau tagata. Totou Salamo 136:1-3, ti tutala ke he hūhū nei:
-
Ko hai e “Atua he tau atua” mo e “Iki he tau iki”?
4. Manako a Iehova ki a koe ke iloa mo e fakaaoga e higoa haana
Iloa fēfē e koe kua manako a Iehova ki a koe ke iloa e higoa haana? Tā e VITIŌ, ti tutala ke he tau hūhū nā.
-
Manako nakai a Iehova ke iloa he tau tagata e higoa haana he manatu e koe? Ko e ha?
Manako a Iehova ke he tau tagata ke fakaaoga e higoa haana. Totou Roma 10:13, ti tutala ke he tau hūhū nei:
-
Aoga lahi fēfē ke fakaaoga e higoa he Atua ko Iehova?
-
Fēfē e logonaaga haau ka manatu he taha tagata e higoa haau mo e fakaaoga ai?
-
Fēfē e logonaaga ha Iehova ka fakaaoga e koe e higoa haana?
5. Manako a Iehova ki a koe ke fakatata lahi ki a Ia
Ko e fifine i Cambodia ko Soten ne talahau ko e iloa e higoa he Atua kua lagomatai a ia “ke fiafia lahi mahaki.” Tā e VITIŌ, ti tutala ke he hūhū nā.
-
He vitiō, lauia fēfē a Soten he iloa e higoa he Atua?
Ato eke a koe mo kapitiga he taha tagata, fa iloa e koe e higoa haana. Totou Iakopo 4:8a, ti tutala ke he tau hūhū nei:
-
Ko e heigoa ne uiina e Iehova a koe ke taute?
-
Maeke fēfē he iloa mo e fakaaoga e higoa he Atua ke lagomatai a koe ke fakatata lahi ki a ia?
PEHĒ FALU TAGATA: “Na taha ni e Atua, ti mitaki e tau higoa oti ke ui aki a ia.”
-
Talitonu nakai a koe ko Iehova e higoa he Atua?
-
Fakamaama fēfē e koe kua manako e Atua ki a tautolu ke fakaaoga e higoa haana?
MANATU KATOA
Ko Iehova e higoa he Atua mooli tokotaha maka. Manako a ia ki a tautolu ke iloa mo e fakaaoga e higoa ia ke maeke a tautolu ke fakatata ki a ia.
Liu Fakamanatu
-
Kehe fēfē a Iehova mai he tau atua oti ne tapuaki e tau tagata ki ai?
-
Ko e ha kua lata a tautolu ke fakaaoga e higoa he Atua?
-
Ko e heigoa ne fakakite kua manako a Iehova ki a koe ke fakatata ki a ia?
KUMI FOKI
Kumikumi ke he lima e kakano mooli ke iloa tonu na fai Atua.
Manamanatu na hako tumau ke talitonu kua mai i tuai tigahau e Atua.
“Ko Hai ne Tufuga e Atua?” (Ko e Kolo Toko, Sepetema-Oketopa 2014)
Fakaako e kakano kua lata ai ke fakaaoga e higoa he Atua, pete he nakai iloa e puhala ke fakaleo aki he kamataaga.
Aoga kia e higoa ke ui aki e tautolu e Atua? Kikite ke he kakano kua talahau e tautolu na taha ni e higoa mooli haana.
a Ma e tau vala tala foki ke he kakano he higoa he Atua mo e kakano ne utakehe he tau fakaliliuaga he falu Tohi Tapu e higoa ia, kikite Appendix A4 he New World Translation of the Holy Scriptures.
Liga Manako Foki a Koe
TAU HŪHŪ MAHANI MAU
Ko e Heigoa e Fakaakoaga Tohi Tapu ne Foaki he Tau Fakamoli a Iehova?
He fakaholoaga fetutalaaki ne foaki he Tau Fakamoli a Iehova kua nakai totogi, maeke a koe ke fakaaoga ha Tohi Tapu. Atāina ke uiina e magafaoa katoa po ke tau kapitiga ke fakalataha mo koe.
