CHILAYIJO 04
Mwali Ndiyani?
Kuva ntolo banhu bakabenamata baMwali banji banoshanganisila baMwali bechinhukaji. Koga iBhayibhili linotibuja nozwaMwali “unkulwana kupinda bose bamwali.” (2 Ndungulujo 2:5) Ndiyani Mwali yoyo? Neni elinkulwana kupinda bamwali bose banonamatwa nabanhu? Muchilayijo yechi, uchalayijwa kuti neni Mwali eda kuti unzibe.
1. Izina lyaMwali ndiyani akale ini zunotondeja kuti unoda kuti tilizibe?
Mwali unotibuja nozuzwe muBhayibhili. Unoleba kuti ndimi “Jehova. Ndilyo izina lyangu.” (Balani Izaya 42:5, 8.) Izina “lyaJehova” lyakashandulilwa kuva muchiHebheru lileba kuti “Unota kuti Zutikane.” Jehova unoda kuti izina lilye tilizibe. (Kubhuda 3:15) Ini zunota kuti tibe nechokomende? Wakata kuti izina lilye likwalwe muBhayibhili kanopinda 7 000! a Izina linoti Jehova “ndilyaMwali wechokomende ega kudenga akale nopasi penyika.”—Kuzhajikijwa 4:39.
2. IBhayibhili linotibujani nozwaJehova?
IBhayibhili linotibuja kuti pana bamwali bose banonamatwa nabanhu, Jehova ndiye chete Mwali wechokomende. Neni tidalo? Pana zuzato zunji. Jehova ndiye ega unesimba pozunu zose akale ndiye ega “Wopezhulu-zhulu pezhulu penyika yose.” (Balani Lwimbo 83:18.) Ndiye “Wamasimbawose” zuva kuti unesimba lyokuta zunu zwaanoda kuta. Ndiye “wakabumba zunu zose” zwipo penyika nokudenga. (Zwakatondejelwa 4:8, 11) Jehova ulosiyana nabamwe nokuti wagala elipo akale uchalamba elipo nokusinopela.—Lwimbo 90:2.
FUNDA ZUNJI
Tokoloja unsiyano upo pamazina anoshingiswa pakulemekeja Mwali nezina lilye emene. Akale layijwa kuti neni akatibuja izina lilye akale kuti wakazutachini.
3. Mwali unamazina manji okundemekeja koga unezina lilye limwepela emene
Kuti ubone unsiyano upo pakati pezina lyonhu emene nezina lilye lokundemekeja, yebani iVIDIYO, akale kwejisani nombuzo unotobela.
-
Unsiyano upi upo pakati pezina lyokundemekeja linanga sokuti “Ishe” nezina lyomene?
IBhayibhili linoti banhu bamunamata bamwali banji namashe manji. Balani Lwimbo 136:1-3, akale kwejisani nombuzo yoyu:
-
Ndiyani “Mwali wabamwali naShe wamashe”?
4. Jehova unoda kuti uzibe izina lilye akale ulishingise
Ini zunotondeja kuti Jehova unoda kuti uzibe izina lilye? Yebani iViDIYO, akale kwejisani nemibhuzo inotobela.
-
Ubweni sofana Jehova unoda kuti banhu bezibe izina lilye na? Neni udalo?
Jehova unoda kuti banhu beshingise izina lilye. Bala BaRoma 10:13, akale kwejisani nemibhuzo inotobela:
-
Neni zukakosha kushingisa izina lyaJehova?
-
Unowa chini kana umwe unhu akakumbuluka izina lilyo esikokushoba nalo?
-
Unoyeya kuti Jehova unowha chini pawunoshingisa izina lilye?
5. Jehova unoda kuti ube pelyo naye
Umwe unhukaji woku Cambodia unowi Soten wakati “apana chimwe chinhu chinoshantisa” sokuziba izina lyaMwali. Yebani iVIDIYO, akale kwejisani nombuzo unotobela.
-
Soteni wakabhanchwa chini nokuziba izina lyaMwali?
Usanu wata bukwayina nomwe unhu unotanga waziba izina lilye. Balani Jemusi 4:8a, akale kwejisani nemibhuzo inotobela:
-
Jehova unoda kuti uteni?
-
Kuziba izina lyaMwali nokulishingisa kuchakubhancha chini kuti ube pelyo naye?
BAMWE BANOTI: “Mwali umwempela chete azuneni kuti washingisa izina lipi.”
-
Unozudimbwa na kuti izina lyaMwali ndiJehova?
-
Ungabhawunula chini kuti Jehova unoda kuti tishingise izina lilye?
INI ZWAWAFUNDA
Jehova izina lyaMwali wechokomende umwempela. Unoda kuti tilizibe akale tilishingise kutila kuti tibepelyo naye.
Kubwilulula
-
Jehova ulosiyana chini nabamwe bamwali banonamatwa nabanhu?
-
Neni tikwelela kushingisa izina lyaMwali?
-
Ini zunotondeja kuti Jehova unoda kuti tibe pelyo naye?
PAMIJA PANA ZWAWAWANA
Tokoloja zwinu 5 zwinotondeja kuti Mwali upo.
Yeyesesa ubone zwizato zunotisa kuti tidimbwe kuti Mwali upo.
“Ngubani Owadala UNkulunkulu?” (INqabayokulinda, August 1, 2014)
Layijwa ubone kuti neni tikwelela kushingisa izina lyaJehova kojoba tisinoziba kuti ntolo lyakabeshobwa liwini.
Zunendaba na kuti Mwali tonshoba titini? Bona neni titi unezina lilye emene limwempela.
a Kana uda kuziba zunji nozwe zina lyaMwali nokuti neni amwe maBhayibhili akabhisa izina lyaMwali bala ISengezo A4 IBhayibhili Elingcwele.
