ESOMO 04
OMungu nindi?
Omo mughulu mungyi w’eribyaho ly’abandu, babiriramya emiungu mingyi. Aliwe eBiblia ikakanaya oko Mungu “mukulu kwilaba eyindi miungu yosi.” (2 Emyatsi y’Emigulu 2:5) OMungu oyo nindi? Kandi ekikaleka iniabya mukulu kutsibu kulenga eyindi miungu eyo abandu bakaramaya niki? Wighe omo somo eno mw’emyatsi eyo oMungu oyo anzire iwamuminyako.
1. Erina ly’oMungu yondi, kandi niki kyo kikakanganaya ngoko anzire itwamuminya?
Omo Biblia, oMungu akatubwira erina liwe. Akabugha ati: “Ingye Yehova. Eryo ly’erina lyaghe.” (Soma Isaya 42:5, 8, NWT) Erina “Yehova” ly’eribindulwa ry’erina ly’ekiebrania, amaana walyo aminyikere mo “Akaleka ikyabya.” Yehova anzire itwaminya erina liwe. (Eriluayo 3:15) Twikirirye tutya busanaki? Erina eryo likabananika omo Biblia mo ngendo kulenga 7 000! a Amena w’erisikya ng’eribugha tuti “mungu” kutse “mukama” anganakolesibwa oko wosi-wosi oyukaramibawa. Aliwe erina Yehova ni “ry’oMungu w’ekwenene.” N’iye musa yo Mungu w’ekwenene omo lubula n’oko kihugho.—Eryibuka Ebihano 4:39.
2. EBiblia ikatubwiraki oko Yehova?
EBiblia ikatubwira yiti omo miungu yosi eyo abandu bakaramaya, Yehova musa yo Mungu w’ekwenene. Busanaki? Hali myatsi mingyi eyikaleka. Yehova awite ehamuli y’endata oko byosi, kandi iye musa yo “Mutabali Mukulu w’ekihugho kyosi.” (Soma Esyonyimbo 83:18.) Iye ni “Mutoki w’ebyosi,” ni bughambu awite obutoki bw’erikola ekyosi-kyosi ekyo anzire erikola. Iye yo “wahangyika ebindu byosi”—ekyanya kyosi n’ebindu byosi ebiri oko kihugho. (Eribisulirwa 4:8, 11) Kandi iye musa yuliho erilua kera na kera kandi akasyabyaho erihika kera na kera.—Esyonyimbo 90:2.
WIGHE BINGYI
Ulangire ebikakanganaya ngoko erina ly’oMungu lisighene n’amena wiwe w’erisikya. Kandi uminye ng’atuminyisaya erina liwe lyo busanaki kandi ng’atuminyisaya lyo ati.
3. OMungu awite amena mangyi w’erisikya, aliwe awite erina lighuma
Erilangira ngoko erina ly’erisikya lisighene n’erina ly’omundu, Mulebaye EVIDEO, neryo musubiraye oko ribulyo rino.
-
Erina ly’erisikya ng’eribugha tuti “Mukama,” lisighene liti n’erina ly’amabutwa?
EBiblia ikabugha yiti abandu bakaramaya emiungu mingyi n’abakama bangyi. Musome Esyonyimbo 136:1-3 NWT, neryo musubiraye oko ribulyo rino:
-
“OMungu w’emiungu” “n’oMukama w’abakama” nindi?
4. Yehova anzire iwamuminya n’eribya ukamwahula omo rina liwe
Ekikakanganaya ngoko Yehova anzire iwaminya erina liwe niki? Mulebaye EVIDEO, neryo musubiraye oko ribulyo rino.
-
Ukalengekanaya uti Yehova ananzire erina liwe iryaminywa? Busanaki?
Yehova anzire abandu ibabya bakamwahula omo rina liwe. Musome Abanya Roma 10:13, neryo musubiraye oko mabulyo ano:
-
Busanaki ni ky’omughaso eryahula erina ly’oMungu?
-
Ukayowa wuti omughulu omundu akibuka erina lyaghu n’eriryahula?
-
Ukalengekanaya uti Yehova akayowa ati omughulu ukamwahula omo rina liwe?
5. Yehova anzire iwabya mwira wiwe
Omukali mughuma we Kambodia oyukahulawamo Soten mwabugha ati eriminya erina ly’oMungu molyaleka inyabya “n’obutseme bunene kutsibu.” Mulebaye EVIDEO, neryo musubiraye oko ribulyo rino.
-
Omo video, eriminya erina ly’oMungu molyawatikya Soten yo liti?
Embere sy’eribya mwira w’omundu litolere iwatsuka waminya erina liwe. Musome Yakobo 4:8a, neryo musubiraye oko mabulyo ano:
-
Yehova akakusaba ati ukoleki?
-
Eriminya n’eryahula erina ly’oMungu lyangakuwatikya liti eriyowa hakuhi naye?
ABANDU BALEBE BAKABUGHA BATI: “Hali Mungu mughuma musa, neryo erimubirikira omo rina liwe siriri n’omughaso.”
-
Unikirirye ngoko erina ry’oMungu yo Yehova?
-
Wangawatikya owundi mundu yo wuti aminye ngoko oMungu anzire itwabya tukamwahula omo rina liwe?
MUKIGHA MYATSI YAHI?
Yehova ly’erina ly’oMungu mughuma w’ekwenene. Anzire itwaminya n’eribya tukamwahula omo rina eryo tutoke eriyitunda hakuhi naye.
Eriyibukya
-
Ekikaleka Yehova inyabya oMungu oyusighene n’eyindi miungu eyo abandu bakaramaya niki?
-
Busanaki litolere itwabya tukahula erina ly’oMungu?
-
Ekikakanganaya ngoko Yehova anzire iwayitunda hakuhi naye niki?
EBINDI EBY’ERIMINYA
Ulebaye emyatsi itano eyikakanganaya kwenene ngoko oMungu aneho.
Ulebaye ekikaleka itwikirirya ngoko Mungu aliho erilua kera na kera n’erihika kera na kera.
“Nindi yo wahangyika oMungu?” (Munara wa Mulinzi, Tarehe 1 Mwezi wa 8, 2014)
Uminye busana naki litolere itwabya tukahula erina ly’oMungu nomo twangabya isitukyasi ngoko lyabya likasobolwa kera..
Busanaki ni ky’omughaso erilengekania oko nzira eyo tukahulamo oMungu? Lebaya busanaki tukabugha tuti awite erina lighuma.
a Wamasonda eriminya bingyi oko maana w’erina ly’oMungu n’ekikaleka iritabanika omo sindi Biblia, ulebaye e Nyongeza A4 omo EBiblia—Embindula y’ekihugho kihya-kihya.
Langira na bino
EBYO BANDU BABEGHERE ERIBULYA
Erigha eBiblia n’Abimiri ba Yehova likakolawa liti?
Wanganakolesya eBiblia eyo wanzire ukigha haghuma n’Abimiri ba Yehova omo nzira y’erikanirania. Mukigha, wanganakokya ekihanda kyaghu kyosi kutse omwira waghu.
