LÉZIʼI 04
Ssé aa wô?
Ta fo paʼ pʉa mésong ée ndoum njʉo, po gouʼté méssé nti nti. Taʼ, Biible gôôn no na taʼ Ssé wémôʼô wuié «a pou ngouʼ ntchʉa métso méssé ntsém» (2 Kronik 2:5). Aa wèe Ssé? Akô gʉo a pou ngouʼ ntchʉa métso méssé mié pʉa gouʼté? O gé gʉa tsaa sôôn léziʼi, nziʼi mmo yié wôôn Ssé né nkouoŋo ngié o zsé nti yé.
1. Lézing Ssé ée lé wô? Akô ping ngniè ngié a né nkouoŋo ngié pégé zsé sèe lézing?
Aa tsèe Biible, Ssé gniè ngié a né nkouoŋo ngié pégé zsé yé. A gôôn ngié: «Méng, n gée Jéova. Ée lézing sôôn» (Toŋo Ésaya 42:5, 8). Aa na chouŋé Héber, lézing Ssé lôgô ngôôn ngié «A gʉo kôôkôô tchʉʼ paʼ a kouong». Mé ping nkièʼté sèe lézing é kuiè ngié «Jéova». Jéova né nkouoŋo ngié pégé zsé lézing sé (Èkzode 3:15). Pégé gʉo lékô ta nzsé? Aa tsaa Biible, mé gia lézing Ssé ta é tôg ngʉa 7 000. a Jéova ée lézing «Ssé wé nénʉ tʉo lépwo mboo ndoumo ssé tsétsaʼ» (Détéronôm 4:39).
2. Biible chouŋo wégé kô na Jéova?
Biible gôôn ngié, a gʉa na méssé ntsém mié pʉa mésong gouʼté, Jéova ndaʼ zoo Ssé wé nénʉ. Pouʼou nti kô? Nti méno ta ngiôôn. Ndaʼ Jéova yilé yé zo «pou ngouʼ ntchʉa kôôkôô ndoumo ssé tsétsaʼ» (Toŋo Zôbô ntsé 83:18). Biible toŋo yé lé «Ngaŋa tʉ ntsém» , ndôgô ngôôn ngié a kouʼou lé gʉo kôôkôô yié a tsôʼô lé gʉo. «Yé zo la gʉo kôôkôô a wô wo» (Ngia jʉʼ 4:8, 11). Gning wuié aa paʼ Jéova té wo wô, nti noué, ta ndaʼ fo, a wô pô wo, é ké laʼa ntsuié wô pô wo (Zôbô ntsé 90:2).
YING NKUIʼI NZIʼI
Kuiʼi nziʼi gabté yié ée na métiitre Ssé po lézing sé wémôʼô. Ying nziʼi paʼ Ssé la gʉo ngié o zsé lézing sé, mboo nti kô a la gʉo pouʼou.
3. Ssé gwiée métiitre ta ngiôôn, taʼ ngwiée po taʼ lézing
Giè gabté yié ée na tiitre gning po lézing sé. Tsôʼô VIDÉO, mbing chouŋé na nzèté yié ée mvfo.
-
Gabté yié ée na tiitre paʼ «Tchʉapʉa» po lézing aa kô?
Biible gôôn ngié pʉa gouʼté méssé ta ngiôôn, mboo métchʉapʉa ta ngiôôn. Toŋo Zôbô ntsé 136:1-3, mbing ngôôn no na yôôn nzèté:
-
Awôô «Ssé méssé» mbing ngouo «Tchʉapʉa métchʉapʉa»?
4. Jéova né nkouŋo ngié o zsé lézing sé mbing yousé
Akô gniè ngié Jéova né nkouŋo ngié o zsé lézing sé? Tsôʼô VIDÉO, mbing chouŋé na nzèté yié ée mvfo.
-
Nti kô o kouang ngié Ssé né nkouŋo ngié mé zsé lézing sé?
Jéova né nkouŋo ngié mé yousé lézing sé. Toŋo Roma 10:13, mbing chouŋé na môôn ménzèté:
-
Mélaʼa kô aa tʉnzuing lé gniousé lézing Ssé sié ée lé Jéova?
-
Oo péʼé njouʼ lékô fʉʼ yié gning kimté lézing chou, mbing ndôg ntoŋo wou?
-
O kouang ngié Jéova jouʼ lékô fʉʼ yié o yousé lézing sé?
5. Jéova né nkouŋo ngié o tchʉʼʉ chou wé
Tso manzuiée wuié mé toŋo yé lé Soten wuié a tsuié Cambodge gôôn ngié, lézsée lézing Ssé la pou nna yé maamaa lékag. Tsôʼô VIDÉO, mbing chouŋé na nzèté yié ée mvfo.
-
A gʉa tsaa vidéo, léwo yié Soten la zsé lézing Ssé, la koubé kô na wé lénéŋé?
O lôôn né nkouŋo lé wô chouou gning, mba a zaté ngié o vôg ntra lé zsé lézing sé. Toŋo Jag 4:8a, mbing chouŋé na môôn ménzèté:
-
Jéova né ngôôn né wou ngié o gʉo kô?
-
Léwo yié o zsé lézing Ssé mbing ngniousé, a kuiété wou lé kuiʼi ntchʉʼʉ chou wé lékô?
TSO PɄA GÔÔN NGIÉ: «Ssé wo po wémôʼô, létra lé zsé lézing sé té gwiée tso tʉnzuing wô.»
-
Ta o zuiing ngié Jéova ée lézing Ssé?
-
Ta ngouo o kièʼté lékô ngié Jéova né nkouoŋo ngié mé yousé lézing sé?
TA O ZIʼII KÔ?
Jéova ée lézing Ssé wé nénʉ. A né nkouŋo ngié mé zsé lézing sé mbing ngniousé. A tchʉaté pouʼou, pégé tchʉʼ méchou pé.
Ta o né nkimté?
-
Ée yèe Gabté yié ée tsétsèe Jéova paa métso méssé mié pʉa gouʼté?
-
Nti kô a zèté ngié pégé yousé lézing Ssé?
-
Akô gniè ngié Jéova né nkouoŋo ngié o tchʉʼʉ chou wé?
KUIʼI FAʼ
Ziʼi choum méntʉa mié é gnièe ngié Ssé aa wo.
Aa ndéng ndéng lé néŋé nzuing ngié Ssé aa ké ngouo pé wo.
Ziʼi mmo yié a gʉo ta a zèté ngié pégé yousé lézing Ssé, mboo paʼ mé tchʉʼʉ nkimté nti yié mé lôôn ntoŋo pouʼou fʉʼʉ mvfo wô.
Ta aa péʼé ngouo tʉnzuing lé zsé nti yié mé toŋo Ssé pouʼou? Gia mmo yié a gʉo pégé gôôn ngié a gwiée po ndaʼ taʼ lézing.
a O lôôn né nkouoŋo lé kuiʼi nzsé mmo yié lézing Ssé lôgô ngôôn po mmo yié a la gʉo ta mékiagté Biible ta ngiôôn kuilé sèe lézing tsaa Biible, o gʉa tsaa Appendix A4 atsaa La Bible. Traduction du monde nouveau.
