LEKSION 04
Siopa so Dios?
Nensaman ni, dakel la ya dios so sasambaen o dadayewen na totoo. Pero, ibabaga na Biblia ya walay sakey a Dios ya “makapadinayew nen say amin a dirios.” (2 Awaran 2:5) Siopa itan? Tan akin et nibagan sikatoy makapadinayew tan agnapantayan na amin a dirios ya sasambaen na totoo? Diad sayan leksion, naamtaan mo no panon ya ipapakabat na Dios so sarili to ed sika.
1. Antoy ngaran na Dios, tan panon tayon amta ya labay ton naamtaan tayo itan?
Diad Biblia, impakabat na Dios so sarili to ed sikatayo. Inkuan to: “Siak si Jehova. Saya so ngaran ko.” (Basaen so Isaias 42:5, 8.) Say ngaran ya “Jehova” et patalos na Hebreon ngaran ya nayarin say labay ton ibaga et “Pagmamaliwen to.” Labay nen Jehova ya naamtaan tayoy ngaran to. (Exodo 3:15) Panon tayon amta? Masulok ya 7,000 a beses ya impaisulat to ed Biblia so ngaran to! a Say ngaran ya Jehova et ngaran na “tuan Dios ed tawen tan diad dalin.”—Deuteronomio 4:39.
2. Antoy ibabaga na Biblia nipaakar ed si Jehova?
Ibabaga na Biblia ya diad amin ya dios ya sasambaen na totoo, si Jehova labat so saksakey a tuan Dios. Akin ey? Nia ray pigaran rason. Si Jehova so walaan na sankabalegan ya autoridad, tan sikato labat so “Sankatagyan ed interon dalin.” (Basaen so Salmo 83:18.) Sikato so “Makapanyarin-amin,” ta sarag ton gawaen so anggan anton labay to. ‘Pinalsa to so amin a bengatla’—say uniberso tan amin ya mabilay diad dalin. (Apocalipsis 4:8, 11) Anggapoy kapara nen Jehova ta sikato labat so anggapoy gapo tan anggapoy sampot.—Salmo 90:2.
DAKEL NI NAARALAN MO
Amtaen so pandumaan na titulo o pananawag ed Dios tan say nikadkaduman ngaran to. Insan aralen no panon tan no akin ya impaamta toy ngaran to ed sika.
3. Dakel so pananawag ed Dios, balet saksakey so ngaran to
Importante kasi no say usaren mo labat et say pananawag dad sakey, imbes ya say ngaran to? Pian naamtaay ebat, I-play so VIDEO, insan ebatan iya.
-
Antoy pandumaan na ngaran tan say pananawag o titulo, ya singa say “Katawan”?
Ibabaga na Biblia ya dakdakel so sasambaen na totoo ya dios odino katawan. Basaen so Salmo 136:1-3, insan ebatan iya:
-
Siopa so “Dios na saray dirios” tan “Katawan na saray katawan”?
4. Labay nen Jehova ya naamtaan moy ngaran to tan tawagen mod ngaran to
Panon mon amta ya labay nen Jehova ya naamtaan moy ngaran to? I-play so VIDEO, insan ebatan iraya.
-
Parad sika, labay kasi nen Jehova ya ipaamtay ngaran to? Akin ey?
Labay nen Jehova ya sikatoy tawagen na totoo ed ngaran to. Basaen so Roma 10:13, insan ebatan iraya:
-
Akin et importante ya tawagen so Dios ed ngaran to ya Jehova?
-
No walay akabat mo ya agto alingwanay ngaran mo, insan to binitla, antoy naliknam?
-
Anto kasi nalikna nen Jehova no usaren o bitlaen moy ngaran to?
5. Labay nen Jehova ya sikatoy nakaarom
Nen naamtaan nen Soten, biin taga Cambodia, so ngaran na Dios, imbaga to “atan so sankaliketan ya nagawad bilay mo.” I-play so VIDEO, insan ebatan iya.
-
Diad video, antoy epekto ed si Soten nen naamtaan toy ngaran na Dios?
Antis mon nakaaro so sakey, aamtaen mo ni ngaran to. Basaen so Santiago 4:8a, insan ebatan iraya:
-
Antoy labay nen Jehova ya gawaen mo?
-
Pian nakaarom so Dios, akin et makatulong no kabaten tan tawagen mod ngaran to?
IBABAGA NA ARUM: “Saksakey so Dios, anggan antoy itawag mod sikato, pareho lanlamang ’tan.”
-
Manisia ka ya Jehova so ngaran na Dios?
-
Antoy ibagam pian natalosan na arum ya labay na Dios ya usaren tayoy ngaran to?
SUMARYO
Jehova so ngaran na saksakey ya tuan Dios. Labay ton naamtaan tan usaren moy ngaran to pian sikatoy nakaarom.
Rebyu
-
Akin et duma si Jehova ed arum ya dios ya sasambaen na totoo?
-
Akin et kailangan ya usaren o bitlaen tayoy ngaran na Dios?
-
Panon mon amta ya labay nen Jehova ya sikatoy nakaarom?
DISKOBRIEN
Amtaen so limaran makakombinsin ebidensya ya walay Dios.
Amtaen no akin ya napanisiaan tayon anggapoy gapo tan sampot na Dios.
“Siopay Nanggawad Dios?” (Say Panag-bantayan, Setyembre–Oktubre 2014)
Aralen no akin ya nepeg tayon usaren so ngaran na Dios anggano agtayo segurado no panon dan eksakton ibabalikas itan nensaman.
Importante ni kasi no antoy itawag ed Dios? Nengnengen no akin ya segurado tayon walay saksakey ya ngaran to.
a Parad kaaruman iran impormasyon no antoy labay ya ibaga na ngaran na Dios tan no akin ya inekal itan na arum ya bersion na Biblia, nengnengen so Apendise A4 diad Balon Mundo a Patalos na Masanton Kasulatan.
Ompan Nagustoan Mo Met
MABETBET YA ITETEPET
Anto tay Panag-aral na Biblia ya Iyoopresi na Saray Tasi nen Jehova?
Diad sayan libren interactive ya paraan na panag-aral ya iyoopresi na Saray Tasi nen Jehova, sarag mon usaren so anggan anton patalos na Biblia. Imbitaan so interon pamilyam odino anggan siopan kaarom ya labay day milad sika.
