LÈS 04
Ken Dios Ta?
Pa míles di aña kaba, hende ta adorá hopi dios. Sinembargo, Beibel ta papia di un Dios ku ta superior na ‘tur otro dios.’ (2 Krónikanan 2:5) Ken e Dios ei ta? Dikon e ta superior na tur otro dios? Den e lès akí, lo bo siña kiko e Dios ei ke pa bo sa tokante dje.
1. Kon ta Dios su nòmber, i kon nos por tin sigur ku Dios ke pa nos sa su nòmber?
Den Beibel, Dios ta revelá na nos ken e ta. Dios ta bisa: “Ami ta Yehova. Esei ta mi nòmber.” (Isaías 42:8) E nòmber “Yehova” ta un tradukshon di un nòmber hebreo. Segun hopi eksperto riba tereno di Beibel, e nòmber ei ta nifiká “E Ta Kousa pa Bira.” Yehova ke pa nos sa su nòmber. (Éksodo 3:15) Kon nos por tin sigur di esei? Wèl, el a laga skirbi su nòmber mas ku 7.000 biaha den Beibel! a E nòmber Yehova ta pertenesé na e úniko “Dios berdadero” den henter universo.—Deuteronomio 4:39, NW.
2. Kiko Beibel ta siña nos tokante Yehova?
Beibel ta bisa ku, di tur e diosnan ku hende ta adorá, Yehova ta e úniko Dios berdadero. Dikon Beibel ta referí na Yehova komo e úniko Dios berdadero? Wèl, tin vários motibu. Yehova tin tur outoridat i p’esei ta e so ta “Haltísimo riba henter tera.” (Salmo 83:18) E ta e Dios “Todopoderoso” pasobra e tin poder pa kumpli ku tur loke e ta deseá. Ademas, e ta Kreador. Por ehèmpel, el a krea universo i tur bida riba tera. (Revelashon 4:8, 11) Anto, kompará ku otro persona, Yehova semper a eksistí i semper lo keda eksistí.—Salmo 90:2.
KIKO MAS NOS POR SIÑA?
Laga nos analisá ki diferensia tin entre e títulonan ku Dios tin i su nòmber úniko. Ademas, wak dikon el a revelá su nòmber na bo i kon el a hasi esei.
3. Dios tin vários título, pero e tin un nòmber so
Pa por komprondé e diferensia entre un persona su título i su nòmber, pasa e VIDIO. Despues, analisá e siguiente pregunta:
-
Kiko ta e diferensia entre un título manera “Señor” i un nòmber?
Beibel ta bisa ku hende ta adorá vários dios i señor. Lesa Salmo 136:1-3. Despues, analisá e siguiente pregunta:
-
Ken ta “e Dios ku ta riba tur dios” i “e Señor ku ta riba tur señor”?
4. Yehova ke pa bo sa su nòmber i us’é
Kiko ta mustra ku Yehova ke pa bo sa su nòmber? Pasa e VIDIO. Despues, analisá e siguiente pregunta:
-
Dikon bo ta kere Yehova ke pa hende sa su nòmber?
Yehova ke pa hende usa su nòmber. Lesa Romanonan 10:13. Despues, analisá e siguiente preguntanan:
-
Dikon ta importante pa hende usa e nòmber di Dios, Yehova?
-
Kon bo ta sinti bo ora un hende keda kòrda bo nòmber i ta yama bo na bo nòmber?
-
Kon bo ta kere Yehova ta sintié ora bo usa su nòmber?
5. Yehova ke pa bo ta su amigu
Un señora di Cambodja ku yama Soten a keda masha kontentu ora el a haña sa e nòmber di Dios. Pasa e VIDIO. Despues, analisá e siguiente pregunta:
-
Ora Soten a haña sa e nòmber di Dios, kon esei a kambia su bida?
Normalmente, promé ku bo sera un amistat ku un persona, bo mester sa su nòmber. Lesa Santiago 4:8a. Despues, analisá e siguiente preguntanan:
-
Segun e teksto, kiko Yehova ta invitá bo pa hasi?
-
Bo ta kere bo por tin un amistat mas será ku Dios awor ku bo a haña sa su nòmber? Dikon bo ta pensa esei?
LOKE HENDE SA BISA: “Ta un Dios so tin, p’esei no ta importá kon bo ta yam’é.”
-
Bo ta kere ku Dios su nòmber ta Yehova?
-
Kon lo bo splika un persona ku Dios ke pa nos usa su nòmber?
RESÚMEN
Yehova ta nòmber di e úniko Dios berdadero. Yehova ke pa nos sa su nòmber i us’é pa asina nos por sera un amistat kuné.
Repaso
-
Den ki manera Yehova ta diferente for di otro dios?
-
Dikon ta importante pa usa Dios su nòmber?
-
Kiko ta mustra ku Yehova ke pa bo bira su amigu?
MAS INFORMASHON INTERESANTE
Analisá sinku motibu konvinsente ku ta mustra ku Dios ta eksistí.
Wak dikon nos tin bon motibu pa kere ku Dios semper a eksistí.
“Ken A Traha Dios?” (E Toren di Vigilansia di 1 di ougùstùs 2014)
Wak dikon nos mester usa e nòmber di Dios maske hende awe no sa sigur kon tabata pronunsi’é originalmente.
Ta importá kon nos ta yama Dios? Wak dikon nos por bisa ku Dios tin un nòmber personal so.
Otro Artíkulo Interesante
PREGUNTA KU HOPI HENDE SA HASI
Kon un Kurso di Beibel Ku Testigunan di Yehova Ta Bai?
Pa sigui un kurso di Beibel interaktivo grátis ku Testigunan di Yehova, bo por usa kualke tradukshon di Beibel ku bo ta preferá. Sinti bo liber pa invitá henter bo famia òf kualke amigu pa sigui e kurso di Beibel huntu ku bo.
