04 EL SUOBEL
Ngtecha Dios?
A rechad er a lekot el mo er ngii el mei er chelechang e te mengull a betok el kakerous el chelid. Me nguaisei engdi Biblia mesaod el kirel a Dios el “ngarbab er a bek el chelid.” (2 Kronika 2:5) Ngika ngtechang? E ngera rullii el mo ngarbab er aike el rokui el chelid el longull a rechad? Ngar tia el suobel e mesa rolel e ngika el Dios a ochotii er kau.
1. Ngtecha ngklel a Dios, e ngera ochotii el kmo ngsoal obo modengelii tia el ngklel?
Ngoeak a Biblia e a Dios ochotii er kid. Ngdmu el kmo: “Ngak a Ngak (Jehovah).” (Monguiu er a Exodus 3:14 e momes er a footnote.) A “Jehovah” a oidel a ngakl el tekoi er a Hebru el belkul a kmo, “Ngike el Uchul e Omekdubech.” Jehovah a soal a bo dodengelii a ngklel. (Exodus 3:15) Ngmekera mo ulterekokl a rengud er tiang? Tia el ngklel a melluches er a Biblia el betok er a 7,000 el taem! a A ngakl el Jehovah a mora “di ta el meral Dios” er a eanged me a chutem.—Johanes 17:3.
2. Ngera ngouchais er kid a Biblia el kirel a Jehovah?
A Biblia a kmo, aike el rokui el chelid longull a rechad e a Jehovah di ta el mera el Dios. E ngerang? Ngar ngii a betok el uchul. Ngii olab a cherrengelel a rokui el klisiich me ngdi ngii el tang a “ngarbab el merreder er a beluulchad el rokir.” (Monguiu er a Psalm 83:18.) A Jehovah a “Rubak el Dios el Olab a Bek el Klisiich” me ngbelkul a kmo, ngngar ngii a klisichel el mo meruul a ngii di el tekoi el soal. Ngii a “mileob a rokui el tekoi,” ngmilebii a melidiul me a rokui el klengar er tia el chutem. (Ocholt 4:8, 11) Ngdiak a uai ngii, e le ngika diak a uchelel e diak a ulebengelel.—Psalm 90:2.
BOM DMOLECH EL MERRITER
Molatk a klekakerous er a ngklel a Dios me aike el betok el dial. E msubii a rolel e ngochotii a ngklel er kau me a uchul e ngsoal a bo modengelii.
3. A Dios a betok a dial engdi ngdi chimong a ngklel
A lsoam el mo medengelii a klekakerous er a ngklel a chad me a dial e momes er a VIDEO e mosaod er tia el ker.
-
Ngera klekakerous er a dui, el ua “Rubak,” me a ngakl?
A Biblia kmo a rechad a mengull a betok el chelid me a rubak. Monguiu er a Psalm 136:1-3 e mosaod er tia el ker:
-
Ngtecha “Dios el ngarbab er a bek el chelid” e “RUBAK el mesisiich er a rokuil rubak”?
4. A Jehovah soal obo modengelii a ngklel e mousbech er ngii
Ngera ochotii el kmo a Jehovah a soal obo modengelii a ngklel? Momes er a VIDEO e mosaod aika el ker.
-
Omomdasu a Jehovah ngsoal a rechad a bo lodengelii a ngklel? E ngerang?
Jehovah soal a rechad a lousbech er a ngklel. Monguiu er a Rom 10:13 e mosaod aika el ker:
-
Ngera uchul me ngkmal klou a ultutelel a dousbech er a ngklel a Dios el Jehovah?
-
Ngmo uangerang a uldesuem sel lsekum a chad a diak lobes er a ngklem e blechoel el ousbech er ngii?
-
Omomdasu e ngmo uangerang a uldesuel a Jehovah sel lorrenges er kau el ousbech er a ngklel?
5. Jehovah soal omolekeed er kau er ngii
A Soten el redil er a Cambodia a kmo ngdiak a deurreng el mo ua sera lsuubii a ngklel a Dios. Momes er a VIDEO e mosaod aika el ker.
-
Ngera ngrirellii el mora Soten er a lsuubii a ngklel a Dios?
Sel bo desechelil a chad e a kot el tekoi el bo dodengelii el kirel, a ngklel. Monguiu er a Jakobus 4:8a e mosaod aika el ker:
-
A Jehovah ngmengemedaol er kau el mo mekerang?
-
Ngmekera e ngosukau el mo kmeed er a Dios sel bo modengelii a ngklel, e mousbech er ngii?
A REBEBIL A KMO: “Ngdi chimo Dios me ngdiak el leklou ultutelel a ngakl.”
-
Kau, ke kongei el kmo a Jehovah a ngklel a Dios?
-
Ngmekera omsodii el mora chad el kmo, a Dios a soal a dousbech er a ngklel?
SUMMARY
A Jehovah ngklel a di ta el mera el Dios. Ngsoal a bo dodengelii a ngklel e dousbech er ngii me bo lsebeched el mo kmeed er ngii.
Review
-
Ngmekera Jehovah e ngodech er aike el rokui el chelid el longull a rechad?
-
Ngera uchul me ngkired el lousbech er a ngklel a Dios?
-
Ngera ochotii el kmo a Jehovah a soal a omolekeed er kau er ngii?
A LSEBECHEM E MOMES
Morriter a eim el tekoi lochotii el kmo ngmera el ngar ngii a Dios.
Molatk er a uchul me ngmera el sebeched el oumerang el kmo a Dios ngkaikid er a lengar ngii.
Msuubii a uchul me ngkired el ousbech er a ngklel a Dios alta ngdiak a mera el medengelii a rolel a doleker er ngii.
Ngklou a ultutelel a rolel a domekedong er a Dios? Mesa uchul e ngsebeched el melekoi el kmo ngdi chimong a ngklel.
“How Many Names Does God Have?” (Suobel el ngar er a Internet)
a A lsoam a lmuut el komakai el omesodel a belkul a ngklel a Dios me a uchul me a bebil el oidel a Biblia a mla otebedii er a Biblia, e momes er a 1 el bliongel er a Ngeso el Kirel a Omesubel a Tekingel a Dios.
