شروع توں ای انسان بوہت سارے دیوی دیوتاواں دی عبادت کردے آئے نیں۔ پر بائبل چ دَسیا گیا اے کہ صرف اِک ای خدا اے جیہڑا سارے خداواں نالوں وڈا تے عظیم اے۔ (‏2-‏تواریخ 2:‏5‏)‏ اوہ خدا کون اے؟ تے اوہ اوہناں سارے خداواں توں وڈا تے عظیم کیوں اے جنہاں دی لوک عبادت کردے نیں؟ ایس سبق وچ تُسی سکھو گے کہ اوہ خدا توانوں اپنے بارے کیہہ دَسنا چاہندا اے۔‏

1.‏ خدا دا ناں کیہہ اے تے ایس گل دا کیہہ ثبوت اے کہ اوہ چاہندا اے کہ اَسی اوہدا ناں جانیے؟‏

بائبل چ خدا نے سانوں اپنا ناں دَسیا اے۔ اوہ کہندا اے:‏ یہوواہ مَیں آں۔ ایہو ای میرا ناں اے۔‏ (‏یسعیاہ 42:‏5،‏ 8 نُوں پڑھو۔)‏ اصل چ لفظ یہوواہ اِک عبرانی ناں توں آیا اے جدا مطلب اے:‏ ”‏اوہ بناندا اے۔“‏ یہوواہ چاہندا اے کہ اَسی اوہدا ناں جانیے۔ (‏خروج 3:‏15‏)‏ پر ایس گل دا کیہہ ثبوت اے؟ ثبوت ایہہ وے کہ اوہنے اپنا ناں بائبل چ 7000 توں وی زیادہ واری لکھوایا اے۔‏ a اوہی اسمان تے زمین اُتے سچا خدا اے تے اوہدا ناں یہوواہ اے۔—‏اِستثنا 4:‏39‏۔‏

2.‏ بائبل توں سانوں یہوواہ بارے کیہہ پتہ چلدا اے؟‏

بائبل توں پتہ چلدا اے کہ صرف یہوواہ ای سچا خدا اے جد کہ باقی سارے خدا جھوٹھے نیں۔ پر اَسی کیوں کہنے آں کہ صرف یہوواہ ای سچا خدا اے؟ پہلی گل، یہوواہ ہر چیز دا مالک اے نالے اوہی ساری زمین تے بلند تے اُچا اے۔‏ (‏زبور 83:‏18 نُوں پڑھو۔)‏ دُوجی گل، اوہ قادرِمطلق اے یعنی اوہ اپنی مرضی مطابق سب کجھ کرن دی طاقت رکھدا اے۔ تیجی گل، اوہنے ساریاں چیزاں بنائیاں نیں یعنی اوہ سارے جہان تے سارے جانداراں دا خالق اے۔ (‏مکاشفہ 4:‏8،‏ 11‏)‏ چوتھی گل، یہوواہ ہمیشاں توں موجود اے تے ہمیشاں تک قائم رہوے گا۔—‏زبور 90:‏2‏۔‏

 4.‏ یہوواہ چاہندا اے کہ تُسی اوہدا ناں جانو تے ایہنوں استمال کرو

5.‏ یہوواہ چاہندا اے کہ تُسی اوہدے دوست بنو

 خلاصہ

سچا خدا اِک ای اے تے اوہدا ناں یہوواہ اے۔ اوہ چاہندا اے کہ اَسی اوہدا ناں جانیے تے ایہنوں استمال کرئیے۔ تے اِنج اوہدے دوست بن جائیے۔‏

دہرائی

• یہوواہ اوہناں سارے خداواں توں کیویں فرق اے جنہاں دی لوک عبادت کردے نیں؟‏

• سانوں خدا دا ناں کیوں استمال کرنا چاہی دا اے؟‏

• کیس گل توں پتہ چلدا اے کہ خدا چاہندا اے کہ تُسی اوہدے دوست بنو؟‏