04 CAJ YACHACUY
¿Piraj rasunpa caj Dios?
Runacunaga achca dioscunatami adurapäcun, chayga manami cananlachu, sinoga unaypitanami. Bibliaga wilamanchi rasun caj Diosga “waquin dioscunapitaga más munayniyojmi” (2 Crónicas 2:5). ¿Piraj rasunpa caj Diosga? ¿Imanir-raj ima dioscunapitapis más munayniyoj? Diosga payta reguinayquitami munan y chayta canan yachacushun.
1. ¿Imaraj Diospa jutin, y imanir-raj jutinta reguinanchi?
Diosga jutintami wilacun Bibliacho. Quiquinmi nin: “Nogapa jutëga Yahwehmi [o Jehová]” (leiriy Isaías 42:5, 8). Jehová jutiga hebreo rimaypita shamun y cayga ninan “nogami cashaj imano canäpaj munashgänola”. Jehovaga jutinta reguinanchitami munan (Éxodo 3:15). Chaymi Bibliacho 7 mil cutipitapis masraj jutinga yurimun. a Rasun caj Diospa jutinga Jehovami, y “janaj pachacho, cay pachachöpis” paylami Diosga (Deuteronomio 4:39).
2. ¿Imatataj Biblia wilamanchi Jehovapita?
Bibliaga yachachimanchi rasun caj Diosga Jehovalami, y waquincunaga lutan dioscunami. Bibliaga nin Jehová Dios “cay pachacho lapanpaj munayniyoj” cashganta (leiriy Salmo 83:18). Payga lapanta puedej, chaymi imapis canchu munaynin cumplicänanta michänanpaj. “Lapan imaycatapis” paymi camashga: cielucho caycajcunata y cay Pachacho caycajcunatapis (Apocalipsis 4:8, 11). Jehovalami unaypita imaycamapis cangapaj (Salmo 90:2).
SHUMAJ YACHACURCUNAPAJ
Yachacushun Diosninchita tucuynopa gayacurpis jutinga juclaylami caycan. Jina yachacushun jutinta musyanapaj imanotaj yanapämanchi y imanirtaj ali caycan chay jutita reguishganchi.
3. Diospa jutinga juclaylami
Pitapis yachachicoj o doctor nirpis, jutinga manami chaychu. VIDEUTA ricapäcuy y caypita parlapacäriy:
-
Pitapis señor nir gayashpanchega, ¿jutinpachuraj gayaycanchi? Tantiachicamuy.
Bibliaga wilacamun tucuy niraj dioscunata runacuna adurapäcunganta. Leipäcuy Deuteronomio 10:17 y caypita parlapacäriy:
-
¿Pitaj ‘ima dioscunapitapis y mandajcunapitapis más munayniyoj’?
4. Jehovaga jutinta reguinayquitami munan y chay jutipa gayacunayquitapis
Jehovaga shuyaran jutinta reguinayquitami, ¿imanirtaj chayta ninchi? VIDEUTA ricapäcuy y caypita parlapacäriy:
-
¿Imanirtaj Jehovaga jutinta reguinayquita munan?
Jehovaga munan lapan runacuna jutinta musyananta Romanos 10:13 (TNM) texto wilacushganno; chaychomi nin: “Lapan ‘Jehová Diospa jutinta parlajcunaga salvashgami canga’”. Canan caycunapita parlapacäriy:
-
¿Imanirtaj Jehovapa jutinparaj gayacuptinchi ali canman?
-
¿Imanirtaj cushicunqui pipis jutiquiparaj gayashuptiqui?
-
¿Jehová cushicunchuraj jutinpa gayacuptiqui?
5. Jehová munan amigun canayquita
Camboya marcapita Soten jutiyoj warmi nin: “Diospa jutinta reguishpayquega, imawanpis manami tincunchu”. VIDEUTA ricapäcuy y caypita parlapacäriy:
-
¿Ima nintaj Soten Diospa jutinta reguishganpita?
Pipis amigunchi cananpäga puntataga jutintarämi musyananchi. Leipäcuy Santiago 4:8a y caycunapita parlapacäriy:
-
¿Imata ruranayquitataj Jehová munayculan?
-
Diosta jutinpa gayaptiquega, ¿yanapäshunquichuraj amigun canayquipaj? ¿Ima ninquitaj?
WAQUINCUNA NIPÄCUN: “Juclaylami Diosga, imapis gocamashwanchu imano gayacuptinchipis”.
-
Diospa jutin Jehová, ¿gampis chaytachu ninqui?
-
¿Imanopataj waquincunata yachachinquiman paycunapis Diospa jutinpa gayacunanpaj?
ICHIC YACHACUY
Rasunpa caj Diospa jutinga Jehovami. Chaymi amigun canapäga jutintami musyashwan y jutinpa gayacushwan.
Yarpänapaj
-
¿Ima ninquitaj Jehovapita y runacuna adurashgan waquin dioscunapita?
-
¿Imanirtaj Diosta jutinpa gayacunanchi?
-
Jehová munan amigun canayquita, ¿imanirtaj chayta ninquiman?
MASLATA YACHACUNAYQUIPAJ
Yachacuy imanirmi Dios cashganta creinapaj.
¿Imanirtaj nishwan Diosga imaypis cashganta? Chaypita yachacuriy.
“¿Pitaj Diosta camashga?” (Wilacamoj, 1 agosto quilla, 2014)
Shumaj tantiarcuy imanirmi Diostaga jutinpa gayananchi.
¿Diosga achca jutiyojchuraj? Yachacuy ima nintaj Biblia Diospa jutinpita.
a La Biblia. Traducción del Nuevo Mundo español rimaycho, A4 apéndice nishganchomi maslata wilacamun Diospa jutin ima ninantaj, y imanir waquin runacuna chay jutita Bibliapita jorgushganta.