KʼUTUNEM 04
¿Jachin laʼ ri Dios?
Ojer loq ri winaq kimajim lo kiqʼijilaxik kʼi taq dioses. Are kʼu ri Biblia kchʼaw chrij xa jun Dios «are más nim na chkiwach ri nikʼaj chik» (2 Crónicas 2:5). ¿Jachin laʼ areʼ? ¿Y jas kbʼanowik che are más nim ubʼanik chkiwach ri nikʼaj chi dioses che kekiqʼijilaj ri winaq? Pa wajun kʼutunem riʼ kawetaʼmaj ri kraj ri Dios che kabʼano.
1. ¿Jas riʼ ri ubʼiʼ ri Dios, y jasche qetaʼm che kraj kqetaʼmaj ri ubʼiʼ?
Ri Dios kukoj ri Biblia, rech kqetaʼmaj ri ubʼiʼ: In riʼ ri Jehová. Are nubʼiʼ waʼ (chasikʼij Isaías 42:5, 8, TNM). Ri bʼiʼaj Jehová petinaq pa ri chʼabʼal hebreo, e kʼi winaq che nim ketaʼmabʼal kkibʼij che ri ubʼiʼ ri Dios, kraj kubʼij ri kux ronojel. Jehová kraj che kqetaʼmaj ri ubʼiʼ (Éxodo 3:15). Y ¿jasche kqabʼij wariʼ? Rumal che xubʼano che xtzʼibʼax ri ubʼiʼ más che 7.000 mul pa ri Biblia. a Are kʼu Jehová are ri ubʼiʼ «ri qastzij Dios pa ri kaj y cho ri uwach Ulew» (Deuteronomio 4:39).
2. ¿Jas kuya ubʼixik ri Biblia chrij ri Jehová?
Ri Biblia kubʼij, che xaq xiw Jehová ri qastzij Dios chkiwach ri nikʼaj chik che kkiqʼijilaj ri winaq. ¿Jasche? Kʼo kʼi rumal che. Jehová are ri kʼo nim utaqonik, «xiw at qas at nim puwiʼ ri uwach Ulew» (chasikʼij Salmo 83:18, TNM). Xaq xiw areʼ «más nim uchuqʼabʼ», wariʼ kraj kubʼij che kkunik kubʼan ronojel ri kraj kubʼano. Are ri Bʼanol qe, y are «xbʼanow ronojel ri jastaq»: ri kajulew y ronojel ri kʼo kikʼaslemal pa ri uwach Ulew (Apocalipsis 4:8, 11). Xuqujeʼ, ri Jehová amaqʼel kʼolinaq y kʼo ta ukʼistajik (Salmo 90:2).
CHANIMARISAJ RI AWETAʼMANIK
Chqilaʼ che ri títulos che kkoj che ri Dios kajunamataj ta rukʼ ri ubʼiʼ, jun bʼiʼaj che xaq xiw che areʼ kbʼix wi. Xuqujeʼ kqetaʼmaj na ri kubʼan che uqʼalajisaxik ri ubʼiʼ y jasche kraj che at kawetaʼmaj.
3. Kʼo kʼi títulos kbʼix che ri Dios are kʼu xa jun ri ubʼiʼ
Rech kqetaʼmaj che kajunamataj ta ri títulos che kbʼix che jun winaq rukʼ ri qas ubʼiʼ, chiwilaʼ ri VIDEO y chixtzijon chrij wariʼ:
-
¿Jasche junam ta jun bʼiʼaj rukʼ jun título, jun kʼutbʼal señor?
Ri Biblia kubʼij che ri winaq kekiqʼijilaj kʼi dioses y señores. Chisikʼij Salmo 136:1-3 y chixtzijon chrij wariʼ:
-
¿Jachin riʼ ri “Dios de dioses” y “Señor de señores”?
4. Ri Jehová kraj che at kawetaʼmaj ri ubʼiʼ y kakojo
¿Jasche qetaʼm che ri Jehová kraj che at kawetaʼmaj ri ubʼiʼ? Chiwilaʼ ri VIDEO y chixtzijon chrij wariʼ:
-
¿Jasche kachomaj che ri Dios kraj ketaʼmax ri ubʼiʼ?
Jehová kraj che kakoj ri ubʼiʼ. Chisikʼij Romanos 10:13 y chixtzijon chrij wariʼ:
-
¿Jasche nim ubʼanik che kqakoj ri ubʼiʼ ri Jehová?
-
¿Jas kanaʼo we kkoj ri abʼiʼ chiʼ katchʼabʼexik?
-
¿Jas kunaʼ riʼ ri Jehová are chiʼ kakoj ri ubʼiʼ?
5. Ri Jehová kraj che katux rachiʼl
Jun ixoq kel pa Camboya ubʼiʼ Soten xubʼij che retaʼmaxik ri ubʼiʼ ri Dios are «ri más utz na che kariq pa akʼaslemal». Chiwilaʼ ri VIDEO y chixtzijon chrij wariʼ:
-
Junam rukʼ ri xqil pa ri video, ¿jas xubʼan pa ukʼaslemal Soten are chi xretaʼmaj chrij ri ubʼiʼ ri Dios?
Rech kawetaʼmaj uwach jun winaq ri nabʼe kataʼ che are ri ubʼiʼ. Chisikʼij Santiago 4:8a y chixtzijon chrij wariʼ:
-
¿Jas kraj ri Jehová che at kabʼano?
-
¿Jas kachomaj, la katuqebʼsaj rukʼ ri Dios retaʼmaxik y ukojik ri ubʼiʼ? ¿Jasche?
RI KKICHOMAJ JUJUN WINAQ: «Rumal che we xa jun Dios kʼolik, rajawaxik ta riʼ kbʼix ri ubʼiʼ».
-
¿La kakoj at che ri ubʼiʼ ri Dios are Jehová?
-
¿Jas kabʼan che uqʼalajisaxik chke nikʼaj chik che ri Dios kraj kqakoj ri ubʼiʼ?
RI XQETAʼMAJ
Jehová are ri ubʼiʼ ri qastzij Dios. Ri areʼ kraj che kqetaʼmaj ri ubʼiʼ y kqakojo rech kojux rachiʼl.
¿La knaʼtaj chawe?
-
¿Jas kjunamataj ta wi ri Jehová kukʼ ri dioses che kekiqʼijilaj ri winaq?
-
¿Jasche rajawaxik kqakoj ri ubʼiʼ ri Dios?
-
¿Jas kkʼutuwik che ri Jehová kraj che at katux rachiʼl?
CHAWILAʼ CHI NIKʼAJ
Chqilaʼ jobʼ jastaq che kukʼutu che qas kʼo ri Dios.
Chqilaʼ jas che kqabʼij che ri Dios amaqʼel kʼolinaq.
Chqilaʼ jasche nim ubʼanik kqakoj ri ubʼiʼ ri Dios paneʼ qas ta qetaʼm ri kbʼan che ubʼixik.
¿La nim ubʼanik kqakoj ri ubʼiʼ ri Dios? Chqilaʼ jasche kqabʼij che ri Dios xa jun ri ubʼiʼ kʼolik.
a Pa ri kʼutunem 1 re ri wuj Tobʼanik rech ketaʼmax chrij ri Utzij ri Dios chilaʼ kawetaʼmaj wi más ri kraj kubʼij ri ubʼiʼ ri Dios y ri rumal che kʼo ta pa jujun taq Biblias.
Wene' xuquje' utz kawilo
PREGUNTAS CHE AMAQʼEL KBʼANIK
¿Jas ubʼanik ri etaʼmanik re ri Biblia che kkiya ri testigos rech Jehová?
Katkunik kakoj apachike Biblia pa ri etaʼmanik che kkiya ri testigos rech Jehová che tojom taj. Y katkunik kabʼij chke konojel ri afamilia y ri e awachiʼl o nikʼaj chik.
