YACHACHINA 04
¿Pít can Tata Yaya?
Yacka ckallarinmanta humanidarmanta, persunas llullas yayasta adorancu. Pero Biblia ʼriman suj Tata Yaya «ancha atiyniyojmanta túcuy sujcuna yayasmanta» (2 Crónicas 2:5). ¿Pít can pay? ¿Ima ʼruan cananta astaan atiyníyoj sujcuna yayasmanta ima persunas adorancu? Cay yachachinapi yáchay ima Tata Yaya munan ima ckam yachanayquita paymanta.
1. ¿Mayckan can Tata Yáyap sutin, imaina yachaycu ima pay munan sutinta ʼrejsinaycuta?
Bibliapi Tata Yaya niaycu pi can, pay nin: «Nocka cani Jehová. Caycka suteycka can» (léey Isaías 42:5, 8). Jehová can suj suti ima hebreopi traduciscka, según ashca yachajcuna nincu, niyta munasckanta «pay ʼruan cayta chayachun». Jehová munan sutinta ʼrejsinaycuta (Éxodo 3:15). ¿Imaina yachaycu? Bibliapi pay ʼruara sutin ʼricurinanta astaan 7000 cutista. a Jehová can sutin «checka Tata Yayamanta anajpi cielupi y abajupi ashpapi» (Deuteronomio 4:39).
2. ¿Imát Biblia niaycu Jehovamanta?
Biblia nin ima túcuy yayasmanta ima persunas adorancu, sujlla checka Tata Yaya can, Jehová. ¿Ímaj? Ashca rasunes tían. Jehová can túcuy autoridarníyoj, «paylla can astaan atun ashapapi saanpi» (léey Salmo 83:18). Pay can «túcuy atiyníyoj», chay niyta munan átiy apin ʼruáypaj túcuy pay munasckanta. Astaanpas pay tucuymanta ʼRúaj can, pi ʼruara «túcuy imastistas»: anajpi cielupi y túcuy uyuas y persunas caypi ashpapi (Apocalipsis 4:8, 11). Nátaj, Jehová unaymanta causara y únay unáypaj causancka (Salmo 90:2).
ASTAAN ESTUDIANÁYSH TÍAN YACHÁYPAJ
Ckaasúysh mana quiquin can niyta Tata Yaya y niyta sutinta, suj suti ima payllamanta can. Astaanpas, yáchaj ʼríysh imaina sutinta ʼrejsichiaycu y ímaj munan yachanayquita imaina huajyacun.
3. Tata Yaya apin ashca apodos, pero sujlla suti
Ckaáypaj mana quiquin casckanta persúnap apodosnin y sutinta, ckaaychis VIDIU y ʼrimaychis cá tapunasmanta:
-
¿Ímaj mana quiquin can suj apodo señor ina, y paypa sutinta?
Biblia nin persunas adorancu ashca yayasta y señores. Leeychis Salmo 136:1-3 y ʼrimaychis cá tapunasmanta:
-
¿Pichus can «Yaya Yayasmanta» y «Señor Señoresmanta»?
4. Jehová munan sutinta ʼrejsinayquita y sutinmanta huajyanayquita
¿Imaina yachaycu ima Jehová munan sutinta ʼrejsinayquita? Ckaaychis VIDIU y ʼrimaychis cá tapunasmanta:
-
¿Imajchus creenqui ima Jehová munan sutinta ʼrejsinayquita?
Jehová munan persunas sutinmanta huajyanancuta. Leeychis Romanos 10:13 y ʼrimaychis cá tapunasmanta:
-
¿Imajchus alli can Tata Yáyap sutinmanta huajyayta, Jehová?
-
¿Imaina ckam senticunqui pillapas sutiyquimanta huajyasuptin?
-
¿Imaina creenqui ima Jehová senticun ckam sutinmanta huajyaptiyqui?
5. Jehová munan yanasun canayquita
Suj huarmi Camboyamanta Soten huajyascka nera ima yachayta suti Tata Yayamanta astaan súmaj can ima causayniyquipi llallisuyta atin. Ckaaychis VIDIU y ʼrimaychis cá tapunasmanta:
-
Imaina vidiupi ckaaranqui, ¿imaina yanapara Sotenta suti Tata Yayamanta ʼrejsiyta?
Yanasu pillapasmanta cáypaj huamajpi sutinta yachanáysh tían. Leeychis Santiago 4:8a y ʼrimaychis cá tapunasmanta:
-
¿Imát munanman Jehová ckam ʼruanayquita?
-
¿Creenqui ima Tata Yáyap sutin ʼrejsiyta y sutinmanta huajyayta yanapásoj ʼrin payman ckemicunayquita? ¿Ímaj?
HUAQUINCUNA NINCU: «Imaina sujlla Yaya tían, mana importan imaina huajyaycu».
-
¿Creenquichu ima Jehová can Tata Yáyap sutin?
-
¿Imaina nipunquiman sujcunasta ima Tata Yaya munan sutinmanta huajyanaycuta?
BIBLÍAP YACHACHINASNIN
Jehová suti can checka Tata Yayamanta. Pay munan sutin ʼrejsinaycuta y utilisanaycuta, chayna yanasusnin cayta atiycu.
Yuyáypaj
-
¿Ímaj Jehová mana quiquin can ima sujcunas yayas ima persunas adorancu?
-
¿Imajchus debeycu Tata Yáyap sutinta utilisayta?
-
¿Jehová munan yanasun canayquita? ¿Imaina yachanquichu?
ASTAAN YÁCHAY
Ckáay pishca imastis ima ckaachincu Tata Yaya causasckanta.
Yáchay imaraycu alli can pensayta ima Tata Yaya unaymanta causara.
¿Pít ʼruara Tata Yayát? (La Atalaya, 1 agostomanta 2014 huatamanta)
Ckáay ímaj Tata Yayát paypa sutinmanta huajyanáysh tían amapas maa yachaycu imaina unaymanta nícoj cara.
¿Importan imaina Tata Yayát huajyaycu? Yáchay ímaj niycu ima Tata Yaya apin sujlla sutin.
«¿Aica sutis Tata Yaya apin?» (Artículo sitiuycumanta jw.org)
a Cay apéndice A4 versiunmanta La Biblia. Traducción del Nuevo Mundo astaan informaciún tárej ʼrinqui significadu Tata Yáyap sutinmanta y rasunes ímaj huaquin Bibliaspi chá suti sorckorancu.
