LECCIÓN 04
Dios ¿pita an?
Runauna callari hurasmanda pacha ashca diosgunara aduranushca. Shinajpi Biblia shu Diosmanda riman “tucui diosgunamanda mas atun” ajta (2 Crónicas 2:5). Pai ¿pita an? ¿Imarasha runauna adurashca diosgunamanda mas atun an? Cai lecciombi yachangui Yaya Dios imara munan can paimanda ricsichu.
1. Yaya Dios ¿ima shuti an, imasnara yachaunchi pai munan ñucanchi paihua shutira ricsingaj?
Bibliai Dios paimanda riman. Pai nin: “Ñuca Jehovami ani. Chimi ñuca shuti” (leai Isaías 42:5, 8). Jehová shuti hebreo shimimanda pasachishca an, ashca estudiajcuna ninun cai shuti ricuchin “paillarami ruran imaras tucuchu”. Jehová munan ñucanchi paihua shutira ricsingahua (Éxodo 3:15). ¿Imasnara caita yachaunchi? Pai Bibliai paihua shutira 7.000 cuti yali quillcachica. a Shinajpi Jehová “sirtu Dios ajta ahua pachai cai allpais” shuti an (Deuteronomio 4:39).
2. Jehovamanda Biblia ¿imara cuintan?
Biblia nin tucui runauna adurashca diosgunamanda, Jehová sirtu Dios an. ¿Imarasha? Maican iyaigunamanda. Jehová mas atun mandaj an, paillami “tucui allpamanda astaun Atun Dios” an (leai Salmo 83:18). Pai “Tucuira Ushaj” an, chi intindichin pai tucui ushaira charin pai tucui munashcara rurangahua. Shinallara Ruraj an, pai “tucuira” rurarca: tucui tiajcuna shinallara cai allpai causajcunas (Apocalipsis 4:8, 11). Astaumbas Jehová Diosllara unai timpumanda tiashca, huiñai huiñaigama tiangami (Salmo 90:2).
MAS YACHAI
Ricushun imasnara shuj tunu an Diospa tituloguna, paihua quiquin shutihua. Shinallara yachangaraunchi imasnara paihua shutira ricsichin, imarasha pai munan ñucanchi paihua shutira ricsingahua.
3. Dios ashca tituloguna charin, shinajpi shu shutilla
¿Maicanda mas valin rimangahua shuti o título? Cutipashcara ricungahua VIDEORA ricuichi, huasha catij tapuimanda rimaichi:
-
¿Imasnara shuj tunu ricurinun shu título señor cuinta, shu quiquin shutihua?
Biblia nin runauna ashca diosgunara señorgunaras aduranun. Leaichi Salmo 136:1-3, huasha catij tapuimanda rimaichi:
-
¿Pita an ‘diosgunamanda Dios’, ‘señorgunamanda Señor’?
4. Jehová munan can paihua shutira ricsisha utilizangahua
¿Imasnara yachanchi Jehová munan can paihua shutira ricsichu? VIDEORA ricuichi, huasha catij tapuimanda rimaichi:
-
¿Imarasha iyangui Jehová munan paihua shuti ricsishca achu?
Jehová munan runauna paihua shutira utilizanuchu. Leaichi Romanos 10:13, huasha catij tapuigunamanda rimaichi:
-
¿Imarasha valishca an Diospa shutira Jehová utilizangaj?
-
Can ¿imasnara sintiringui maican camba quiquin shutii cayajpi?
-
¿Imara quiringui Jehová imasna sintishcara can paihua shutira utilizajpi?
5. Jehová munan can paihua amigo tucuchu
Camboya llactamanda Soten Yoeun nishca huarmi Diospa shutimanda yachana nica “chi anga camba causaibi sumaj pasashca”. VIDEORA ricuichi, huasha catij tapuimanda rimaichi:
-
Videoi ricushca cuinta Soten Yoeun nishca huarmira ¿imasnara yanapaca Diospa shutira ricsingahua?
Manara amigo tucushcallaira pundai paihua shutira yachangui. Leaichi Santiago 4:8a, huasha catij tapuigunamanda rimaichi:
-
Jehová ¿imara munan can rurachu?
-
¿Imasnara Diospa shutira ricsina, utilizana canda yanapana ushan paima mas mayanllayangahua?
RUNAUNA CASNA NINUJPI: “Shujlla Dios tian ¿imarasha Jehová shutira churashcanguichi?”.
-
Can ¿quiringuichu Jehová shuti, Diospa shuti ashcara?
-
¿Imasnara shujcunara intindichingui Dios munan paihua shutira utilizanuchu?
IMARA YACHASHCANGUI
Sirtu Diospa shuti Jehová an. Pai munanmi paihua shutira ricsinuchu, utilizanuchu paihua amigo tucungahua.
Iyaringaj
-
¿Imasnara Jehová shuj tunu an tucui runauna adurashca diosgunamanda?
-
¿Imarasha Diospa shutira utilizana anchi?
-
¿Imara ricuchin Jehová can paihua amigo tucuchu munashcara?
RICUNGUI
Ricui pichca iyaigunara ricuchin Dios sirtu tiashcara.
Riparai imarasha ali an iyangaj Dios tucui huras tiashcara.
Ricui imarasha Diospa shutira utilizana anchi, pundai imasna cai shuti rimanuca mana yachashas.
¿Ministishcachu an imasnara Diosta cayaunchi? Ricui imarasha rimanchi Dios shu quiquin shutira charishcara.
“¿Masna shutiunara Yaya Dios charin?” (jw.org partii tiaj tema)
a La Biblia. Traducción del Nuevo Mundo apéndice A4 mas yachanguimi Diospa shuti imara intindichin, imarasha maican Bibliagunai cai shutira quichunushca.
Cai temagunaras leana munanguichari
TAPUIGUNA
Jehovahuaj testigoguna Bibliamanda yachachinchi
Jehovahuaj testigogunahua gratis Bibliamanda yachashcai can munashca Bibliara utilizana ushangui. Astaumbas munasha camba ailluunara amigogunaras cumbirana ushangui canhua yachangaj.
