04 YACHACHIKUY
¿Pitaq tukuy atiyniyuq Diosqa?
Ñawpaq tiempomantaraqmi runakunaqa tukuyta yupaycharqaku. Ichaqa bibliam willawanchik taytachakunamantaqa hanaq pachapi Dioslla ‘aswan atiyniyuq’ kasqanmanta (2 Cronicas 2:5). ¿Pitaq payqa kanman? ¿Imanasqataq paylla tukuy atiyniyuq Diosqa? Kay yachachikuypim paymanta astawan yachanki.
1. ¿Imam Diospa sutin? ¿Payqa munanchu sutin yachananchikta?
Kikin Diosmi bibliapi kaynata nin: “Ñuqaqa kani Jehova Diosmi. Chaymi sutiy”, nispa (leey Isaias 42:5, 8). Ichaqa, ¿ima ninantaq Diospa sutinqa? Jehova ninanqa “paymi imapas kanqa munaynin ruwasqa kananpaq” ninanmi. Jehova Diosqa munanmi sutinta yachananchikta (Exodo 3:15). Yachananchikta munasqanraykum sutinta bibliapi 7.000 masnin kutita qillqachirqa. a Chaynaqa manam iskayrayananchikchu hanaq pachapi taytanchikpa sutin “Jehova” kasqanmantaqa (Deuteronomio 4:39).
2. ¿Ima niwanchiktaq bibliaqa Jehova Diosmanta?
Bibliaqa yachachiwanchikmi Jehova Diosllata yupaychanamanta. ¿Imanasqataq payllata yupaychananchik? ‘Kay allpa pachapa hawanpi’ llapallanta kamachiq kasqanraykum (leey Salmos 83:18). Chaymantapas tukuy atiyniyuq kasqanraykum. Chaymi munaynin ruwasqa kananpaq imatapas ruwanman. Hinaspapas paymi hanaq pachapipas chaynataq kay pachapipas tukuy imata unancharqa (Apocalipsis 4:8, 11). Jehova Diosllataqmi wiña-wiñaypaq kawsakuqqa (Salmos 90:2).
ASTAWAN YACHAYKUSUN
Kaypim yachasunchik Diosqa huk sutiyuqlla kasqanmanta. Yachasuntaqmi sutinta yachananchikpaq palabranpi qillqachisqanmanta hinaspa imanasqa yachananchikta munasqanmantapas.
3. Diospa sutinqa hukllam
Runapa sutin huklla kaptinpas manam sutillanmantachu qayanku. VIDEOTA qawaykuychik hinaspa qatiqninmanta rimariychik:
-
¿Imakunawantaq Diosta sutichanku? Ichaqa, ¿imataq sutinqa?
Bibliam niwanchik runakunaqa tukuy rikchaq taytacha-mamachakunata yupaychasqankumanta. Leeychik Salmos 136:1-3 hinaspa qatiqninmanta rimariychik:
-
Taytachakunamantapas, ¿pillataq ancha atiyniyuqqa?
4. Jehova Diosqa munanmi sutinta yachananchikta chaynataq rimananchikta
¿Diosqa munanchu sutinta yachanaykita? VIDEOTA qawaykuychik hinaspa qatiqninmanta rimariychik:
-
¿Imanasqataq Jehova Diosqa munan lliw runakuna sutinta yachanankuta? ¿Ima niwaqtaq?
Jehova Diosqa munanmi sutinta rimaspa mañakunanchikta. Leeychik Romanos 10:13 hinaspa qatiqninmanta rimariychik:
-
¿Imanasqataq mañakuspaykiqa Diospa sutinta rimanayki?
-
¿Imaynataq sientekunki riqsisqayki runa sutikimanta qayasuptikiqa?
-
¿Imaynataq Jehova Diosqa sientekunman sutinta rimaptikiqa?
5. Jehova Diosqa munanmi payman asuykunanchikta
Camboya nacionmanta Soten sutiyuq warmicham nirqa Diospa sutinmanta yachayqa ancha kusikunapaq kasqanmanta. VIDEOTA qawaykuychik hinaspa qatiqninmanta rimariychik:
-
Videopi qawasqaykiman hinaqa, ¿imaynañataq Sotenqa tarikurqa Diospa sutinta yacharuspan?
Pitapas riqsinapaqqa puntatam sutinta yachananchik. Leeychik Santiago 4:8a hinaspa qatiqninmanta rimariychik:
-
¿Ima ruwanaykitam Jehova Diosqa munan?
-
Diospa sutinta yacharuspayki sutinmanta mañakusqaykiqa, ¿yanapasunkimanchu payman astawan asuykunaykipaq? ¿Ima niwaqtaq?
WAKIN RUNAKUNAM NINKU: “Diostaqa ima sutiwanpas qayakuchwanmi, payqa uyariwanchikmi”, nispanku.
-
¿Iskayrayankichu Diospa sutinqa Jehova kasqanmanta?
-
Jehova Diosqa munanmi sutinta rimananchikta, ¿ima nispaykitaq runamasinchikman chaymanta willakuwaq?
YUYARIYKUSUN
Yacharunchikmi Diospa sutinqa Jehova kasqanmanta. Payqa munanmi sutinta yachananchikta chaynataq sutinmanta qayakuspa payman asuykunanchikta.
¿Ima niwaqtaq?
-
¿Imanasqataq taytacha-mamachakunamantaqa Jehova Diosllata yupaychananchik?
-
¿Imanasqataq Diostaqa sutinmanta mañakunanchik?
-
¿Jehova Diosqa munanchu payman asuykunaykita? ¿Imaynanpitaq chaymantaqa mana iskayrayankichu?
ASTAWAN YACHANAYKIPAQ
Jehova Dios kasqanmanta mana iskayrayanaykipaq kay yachachikuyta leey.
“Achka runakunam ninku Dios mana kasqanta, ¿chaynachu kanman?” (Tarinkim jw.org nisqanpi)
Jehova Diosqa pipapas mana unanchasqan kasqanmanta yachanaykipaq kay yachachikuyta leey.
“¿Pitaq Diostaqa unancharqa?” (Willakuq, septiembre-octubre 2014)
Kaypim yachanki hebreo rimaypi Diospa sutinta imayna tuqyachisqankuta mana yachaspapas imanasqa rimananchikmanta.
Diospa sutinqa chullalla kasqanmanta yachanaykipaq kay yachachikuyta leey.
a Diospa sutinmanta astawan yachayta munaspaykiqa chaynataq wakin bibliakunapi imanasqa Diospa sutinta mana qillqasqankumanta yachayta munaspaykiqa, qaway Musuq allpa pachapi kawsaqkunapaq bibliapi A4 yachachikuyta.
Kaykunatapas leeykuy
TAPUKUYKUNA
¿Imaynatam Jehova Diospa testigonkunaqa bibliamanta yachachinku?
Jehova Diospa testigonkunaqa runamasinchiktam yanapaniku bibliamanta sumaqta yachanankupaq. Munasqayki bibliawanmi estudiawaq hinaspapas invitawaqmi aylluykikunata chaynataq amistadnikikunatapas.
